СУМДЫН АЮУЛГҮЙН НӨӨЦИЙН ӨВС, ТЭЖЭЭЛИЙГ БОРЛУУЛЖ ЭХЭЛЛЭЭ

Орхон аймгийн Засаг даргын шуурхай зөвлөлгөөн боллоо.
2017 оны жилийн эцсийн статистикаар Эрдэнэт хот буюу Баян-Өндөр суманд 97848 хүн оршин сууж буй бол гадаадад 1974 хүн гадаадад ажиллаж амьдарч байна. 27533 өрх айл байгаа бол 4185 аж ахуйн нэгж үйл ажиллагаа явуулж байна хэмээн Баян-Өндөр сумын Засаг даргын орлогч Ц.Одгэрэл мэдээллээ. Мөн сар шинийн баяр ойртож байгаатай холбоотойгоор “Цагаан сар-2018” үзэсгэлэн худалдаа 1 дүгээр сарын 10-аас эхлэн 2 дугаар сарын 10-ны өдөр хүртэл зохион байгуулагдах аж.
    2017 оны жилийн эцсийн мал тооллогын нэгдсэн дүн гарсан бөгөөд 122556 толгой мал тоологджээ. Энэ нь 2016 оныхтой харьцуулвал 11638 толгой малаар цөөрсөн байна. Үүний гол шалтгаан нь энэ өвөл өвөлжилт хүндрэхтэй холбоотойгоор мал бүхий иргэд мал сүргээ нэлээд хэмжээгээр эдийн засгийн эргэлтэд оруулсантай холбоотой юм.  Аймгийн хэмжээгээр 882 малчин өрх, 736 мал бүхий иргэн байна. 
    Өвөлжилт хүндэрч байгаатай холбоотойгоор аймгийн төр захиргааны байгууллагын зүгээс 1 дүгээр сарын 21-ны өдрөөс эхлэн 11 чиглэлд явж малчидаа эргэж, өвөлжилттэй танилцах ажлыг зохион байгуулна. Мөн сумдын аюулгүйн нөөцийн өвс тэжээлийг хямдралтай үнээр малчдад худалдаалах ажил эхэлсэн байна. Малчид ноосны урамшууллынхаа оронд өвс, тэжээл авч болох юм.
     Орхон аймгийн Засаг дарга багуудаар явж иргэдтэй хийх уулзалтын үеэр иргэдээс гарсан санал, гомдлын мөрөөр зарим нэг арга хэмжээ авч байна. Тухайлбал, маршрутаа зөрчиж, иргэдтэй зүй бус харьцаж “Мэнд амарын”- буудалд зорчигчоо хөөж буулгасан автобусны жолоочид сахилгын шийтгэл ноогдуулж, кондукторыг нь ажлаас нь чөлөөлсөн тухай мэдээллээ.
    Шуурхай зөвлөлгөөний төгсгөлд Орхон аймгийн Засаг даргын зүгээс холбогдох хэлтэс, агентлаг, байгууллагын удирдлагуудад хэд хэдэн чиглэлээр үүрэг өглөө.
    Тухайлбал ойрын хугацаанд компьютер тоглоомын газруудад шалгалт хийж, холбогдох хууль журам зөрчсөн газруудын үйл ажиллагааг цэгцлэх, нийтийн тээврийн үйлчилгээнд явж буй тээврийн хэрэгслүүдийг 22 цаг хүртэл GPS-ээр хянадаг болгох, малчдад зориулсан хандивын аяныг өрнүүлэхэд анхаарах зэрэг үүрэг, чиглэл өглөө.
 

Мэдээллийн төв 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-07-04 1059
1978 оны 07 сарын 11-ны баяр наадам /архивын баримтаас/

1978 оны 07 сарын 11-12-ны өдрүүдэд Монгол Ардын хувьсгалын 56 жилийн ойн Эрдэнэт хотын баяр наадамд ...

2015-03-18 594
Газар эзэмшүүлэх дуудлага худалдаанд оролцохыг урьж байна

Орхон аймгийн Засаг даргын 2015 оны А/77 дугаар захирамжийн дагуу дараах зориулалтаар газар эзэмших ...

2018-02-02 1809
ХОТЫН ҮЕРИЙН ХАМГААЛАЛТЫН ДАЛАН БАРИХ ХӨРӨНГИЙГ ИРЭХ ОНЫ ТӨСӨВТ ТУСГАНА

Тэднийг Орхон аймагт ажиллах үеэр аймгийн Oнцгой комисс хуралдаж хэдэн асуудлыг танилцууллаа.

Сурталчилгаа

 

 

Веб статистик

Таны IP хаяг: 54.158.248.112
2017-11-30-ний өдрөөс хойш.
  • 12 Онлайн
  • 20 Өнөөдөр
  • 1270 Өчигдөр
  • 20 Долоо хоногт
  • 30918 Сүүлийн сард
  • 1189678 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  646

Facebook

Цаг агаар