НИЙТ БАГШИЙН 70 ХУВИЙГ ЭРҮҮЛ МЭНДИЙН ҮЗЛЭГТ ХАМРУУЛЖЭЭ

Аймгийн Засаг дарга Д.Батлут Баян-Өндөр, Жаргалант сумын багуудын иргэд болон төрийн албан хаагчидтай хийх уулзалт үргэлжилж байна. Өнөөдөр /2017-1-8/ тэрээр аймгийн хэмжээнд үйл ажиллагаа явуулж буй Ерөнхий боловсролын сургууль, цэцэрлэгийн багш нарын төлөөлөлтэй уулзлаа. Уулзалтын үеэр өнгөрсөн онд хийж хэрэгжүүлсэн ажлаа тайлагнаж, энэ онд хийх ажлын төлөвлөгөөгөө танилцууллаа. 

2017 оны хувьд Баян-Өндөр сумын Эрдэнэ багт 640 хүүхдийн сургууль, Даваат багт 280 хүүхдийн  сургууль, цэцэрлэгийн цогцолбор, Дэнж багт ХХ цэцэрлэгийн өргөтгөл ашиглалтад орсноос гадна Цагаанчулуут багт шинээр цэцэрлэгийн барилга баригдаж үйл ажиллагаа явуулахад бэлэн болоод буй. Ингэснээр аймгийн хэмжээнд ЕБС-ийн ээлжийн кофицент өмнөх оноос 0.4 хувиар буурч, сургуулийн өмнөх боловсролын хамран сургалт 89.8 хувь болж өмнөх оноос 4.3 хувиар нэмэгдэж 19 хүн ажлын байраар хангагдсан гэдгийг Засаг дарга Д.Батлут илтгэлдээ онцоллоо. 
 
Мөн аймгийн Засаг даргын 2016-2020 онд хэрэгжүүлэх үйл ажиллагааны хөтөлбөрийн дагуу багш нарын эрүүл мэнд, нийгмийн асуудлыг шийдвэрлэх зорилготой “Багш” дэд хөтөлбөрийн батлан хэрэгжүүлж байна. Хөтөлбөрийн хүрээнд өнгөрсөн онд 40-өөс дээш насны  1100 гаруй багшийг эрүүл мэндийн үзлэгт хамруулсан нь нийт багшийн 70 гаруй хувь нь юм. Мөн “Багш солилцоо” хөтөлбөрийн  хүрээнд 16 багш  БНХАУ-д туршлага судлуулах, мөн орон нутгийн их дээд сургуулиудтай хамтран гадаад хэлний мэргэжил дээшлүүлэх болон бусад сургалтанд 600 гаруй багш, ажилтанг хамруулсан нь орон нутгийн дэмжлэгтэйгээр мэргэжил дээшлүүлэх багшийн тоо  2016 оныхоос 3 дахин нэмэгдсэн үзүүлэлттэй байна. Дэд хөтөлбөрийн хэрэгжүүлэхэд нийт 127 сая төгрөг зарцуулсан гэдгийг уулзалтын үеэр танилцууллаа. 
 
Боловсролын салбарын багш ажилчид 2017 онд боловсролын салбарт хийж хэрэгжүүлсэн бодлого, үйл ажиллагаа үр дүнтэй болсон гэж дүгнэж буйгаа илэрхийлсэн. Тэр дундаа “Багш” дэд хөтөлбөрийн хэрэгжилт, үр дүнд сэтгэл хангалуун байгаагаа онцлон хэлж байлаа. 
 
Уулзалтын үеэр багш нараас 14-р сургуулийн өргөтгөлийн барилгыг гүйцээж ашиглалтад оруулах, түрээсийн орон сууц хөтөлбөрт хамрагдах, 5-р сургуулийн спорт зааланд засвар хийх, 3-р сургуульд цахилгааны засвар хийх, зарим сургуулийг тоног төхөөрөмжөөр хангах зэрэг саналууд гарсан. Эдгээрийг багцалж тодорхой төлөвлөгөө гарган хэрэгжүүлж, эргэн тайлагнана гэдгээ Засаг дарга Д.Батлут уулзалтын төгсгөлд хэлсэн. 
  
 
 
 
 
 
 
 
 
 
 
 
Мэдээллийн төв 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-04-22 970
“Бид Эрдэнэтийхэн” цогц арга хэмжээг зохион байгуулах ажлын хэсэг байгуулагдаж хуралдлаа

Улаанбаатар хот дахь Эрдэнэтийн нутгийн зөвлөлтэй хамтран ажиллах хамтын ажиллагааны хүрээнд Эрдэнэтээс ...

2014-10-17 737
“Монгол наадгай” тэмцээн боллоо

Үндэсний өв уламжлал хөтөлбөрийн хүрээнд эцэг эх, хүүхдүүдэд Монгол ардын зан үйл, үндэсний соёл, ...

2013-06-06 5096
ЖАРГАЛАНТ СУМЫН ХӨГЖЛИЙН БЭРХШЭЭЛТЭЙ ИРГЭД ТҮҮНИЙ АР ГЭРТ УРЬДЧИЛАН СЭРГИЙЛЭХ ҮЗЛЭГ ЗОХИОН БАЙГУУЛЖ, СУРГАЛТ ЯВУУЛЛАА

Аймгийн хөгжлийн бэрхшээлтэй иргэдийн эрүүл мэнд, боловсрол, хөдөлмөр эрхлэлтийг хамт олонд тулгуурлан ...

Сурталчилгаа

Веб статистик

Таны IP хаяг: 54.167.196.208
2017-11-30-ний өдрөөс хойш.
  • 6 Онлайн
  • 197 Өнөөдөр
  • 1505 Өчигдөр
  • 7761 Долоо хоногт
  • 32545 Сүүлийн сард
  • 1081961 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  622

Facebook

Цаг агаар