ИРГЭД ЗАСАГ ДАРГА Д.БАТЛУТЫН АЖИЛД "САЙН" ҮНЭЛГЭЭ ӨГЧ БАЙНА

Аймгийн Засаг дарга Д.Батлут Баян-Өндөр, Жаргалант сумын бүх багийн иргэдтэй хийх уулзалт өчигдрөөс /2017.01.06/ эхэлж 2 дахь өдрөө амжилттай үргэлжилж байна. Өнөөдөр тэрээр Шанд, Даваат, Их залуу, Яргуйт багийн иргэдтэй уулзалт хийж 2017 онд хийж хэрэгжүүлсэн ажлын тайлан болон 2018 онд хийх ажлын төлөвлөгөөгөө танилцуулж байна. Мөн энэ үеэр өнгөрсөн онд иргэдтэй хийх уулзалтаас гарсан саналуудыг хэрхэн ажил хэрэг болгосноо танилцуулж байгаа юм. Тодруулбал, Өнгөрсөн оны 3-р сард Засаг дарга Д.Батлут Баян-Өндөр, Жаргалант сумын иргэдтэй уулзалт хийсэн. Уг уулзалтад 2000 гаруй хүн оролцсон бөгөөд тэднээс гарсан санал хүсэлтийг 40 багц ажил болгон хэрэгжүүлж, тодорхой үр дүнд хүрсэн.

Засаг дарга Д.Батлутын иргэдтэй хийх уулзалтын үеэр танилцуулсан илтгэлд дурдсанаар 2017 онд орон нутгийн засаг захиргаанаас 13 дэд хөтөлбөр хэрэгжүүлсний үр дүнд 4000 гаруй иргэн ажлын байраар хангагдаж 3000 гаруй багш, эмч, ахмад настны эрүүл мэнд, нийгмийн асуудал сайжирч, гэр бүлийн хүчирхийлэл 26.1 хувиар буурч, нярайн эндэгдэл 4 дахин багасч, элэгний вирустэй 298 иргэнийг бүрэн эмчилж, бизнес эрхлэгчдэд 1.1 тэрбум төгрөгийн зээл олгож  орон нутгийн төсвийн орлого 106 хувиар давж биелсэн байна. Аж үйлдвэрийн салбарт бүтээгдэхүүн үйлдвэрлэлт 52.6 хувь, борлуулалт 54.8 хувиар нэмэгдэж,  гагнуурын электрод үйлдвэрлэж, гадаад харилцаа өргөжсөн гээд олон эерэг үзүүлэлт гарчээ.
 
Тэгвэл 2018 онд орон нутгийн төсвөөр хөрөнгө оруулалт, их засварын 60 гаруй ажил хийхээр болоод байна. Үүнээс Хөрөнгө оруулалтын 26 нэр төрлийн ажил хийхэд 4 тэрбум 220 сая, Их засварын 38 ажилд 1 тэрбум 711.8 сая төгрөг зарцуулна. Мөн улсын төсвийн хөрөнгө оруулалтаар 13 нэр төрлийн ажил хийгдэхээр болсон гэдгийг хэллээ.
 
Засаг даргын иргэдтэй хийх уулзалтад төрийн бүх байгууллагын удирдлага, мэргэжилтнүүд оролцож иргэдийн сонирхсон асуултад хариулт өгч байна. Иргэдээс ихэвчлэн нийтийн тээвэр, хог ачилт, цахилгаан эрчим хүчний хангамж, нийгмийн халамжийн үйл ажиллагаатай холбоотой саналууд гарч байна.
 
Мөн өнгөрсөн онд төрийн байгууллагуудын хийж хэрэгжүүлсэн ажлууд нь тооцоо судалгаанд үндэслэсэн, жирийн иргэдэд хүрсэн, үр дүн нь бодитоор мэдрэгдсэн гэдгийг онцлоод Засаг дарга Д.Батлутын ажилд “сайн” үнэлгээ өгч байгаагаа олон иргэн  хэлж байлаа.
 
 
 
 
 
 
 
 
 
 
 
 
 
 
 
 
 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-06-23 503
Баян-Өндөр сумын 7 хоногийн мэдээ /2015.06.15-22/

2015 оны хагас жилийн мал тооллогоор хөдөөгийн 2 чиглэлд 2 тоологч, төвийн мал бүхий өрхтэй багуудын ...

2014-03-29 695
НОГООН БАЙГУУЛАМЖ ДЭЭР ЗОГССОН АВТОМАШИНЫ УЛСЫН ДУГААРЫГ ХУРААЖ БАЙНА

Хүүхдийн тоглоомын талбай болон хотын ногоон байгууламж, замын хашлага давуулан машинаа тавих нь энгийн ...

2014-04-20 976
2014 онд 62187,7 сая төгрөгийг Нийгмийн даатгалын санд төвлөрүүлж орлого бүрдүүлэхээс өнөөдрийн байдлаар 13051.4 сая төгрөг төвлөрөөд байна

2014 онд 62187,7 сая төгрөгийг Нийгмийн даатгалын санд төвлөрүүлж орлого бүрдүүлэхээс өнөөдрийн байдлаар ...

Сурталчилгаа

 

 

Веб статистик

Таны IP хаяг: 54.158.248.112
2017-11-30-ний өдрөөс хойш.
  • 12 Онлайн
  • 19 Өнөөдөр
  • 1270 Өчигдөр
  • 19 Долоо хоногт
  • 30917 Сүүлийн сард
  • 1189677 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  646

Facebook

Цаг агаар