ОЙРЫН ӨДРҮҮДЭД ЦАС ДАХИН НЭМЖ ОРНО

Орхон аймгийн Засаг даргын ээлжит шуурхай зөвлөлгөөн өнөөдөр хуралдлаа. Сүүлийн өдрүүдэд манай аймгийн нутгаар ихээхэн хэмжээний цас удаа дараа орсны улмаас гудамж талбайд хуралдсан их хэмжээний цасыг цэвэрлэх, халтиргаа гулгааг багасгах чиглэлээр Орхон аймгийн хот тохижуулах газраас цас цэвэрлэх тусгай зориулалтын хоёр машин гарган ажиллуулж байна. Мөн Пронтер маркийн хоёр машинаар давс цацах ажлыг хийж  байгаа бөгөөд хог ачих ажлыг түр зогсоон бүх ажилтан албан хаагчдыг техник хэрэгслийн хамт цас цэвэрлэх ажилд оруулжээ. 

  Түүнчлэн Хөшөөтийн даваа орчимд тээврийн хэрэгсэл зорчих боломжгүй болсны улмаас Орхон аймгийн Засаг даргын захирамжаар түр хугацаагаар хаасан боловч цаг агаарын нөхцөл байдал дээрдэж, зам даваанд арчлалт сайжруулалтын ажил хийгдсэн тул өнөөдөр өглөө 10 цагаас эхлэн хот хоорондын авто замын хөдөлгөөнийг нээлээ. 
Ойрын өдрүүдэд манай аймгийн нутаг дэвсгэрээр дахин хоёр ч удаа цас их хэмжээгээр орох төлөвтэй байгаа бөгөөд зудын нөхцөл байдал үүсч болзошгүй байгаа тул холбогдох байгууллага, албан тушаалтнууд үүнд бэлэн байхыг мөн санууллаа. 
  Энэ удаагийн шуурхай хуралдаанаар Эрдэнэт хотын доторх нийтийн тээврийн үйлчилгээ өглөө оройн ачааллын үед ард иргэдийг хүлээлгэн чирэгдүүлж байгаа тул цаашид нийтийн тээврийн үйлчилгээний чанар хүртээмжийг сайжруулахыг Тээвэр, авто замын газрын дарга Г.Ядмаад үүрэг болголоо.  
 
Мэдээллийн төв
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-12-18 2403
ГЭМТ ХЭРГИЙН ДҮН ӨССӨН ШАЛТГААНЫГ ТАЙЛБАРЛАВ

Сүүлийн үед орон нутгийн хэвлэл мэдээллийн хэрэгслүүдээр Орхон аймагт гэмт хэргийн тоо өслөө гэх утга ...

2013-05-22 2832
СТАНДАРТЧИЛАЛ ХЭМЖИЛЗҮЙН ХЭЛТЭС

Орхон аймагт үйл ажиллагаа явуулж байгаа ШТС-уудад ээлжит баталгаажуулалтын ажил эхэлсэн бөгөөд “Ник” ...

2014-05-18 701
Үйлдвэр, хөдөө аж ахуй чиглэлээр /2014.05.12-16/

Монгол улсын Ерөнхийлөгчийн зарлигаар жил бүрийн 5 дугаар сарын эхний долоо хоногийг бүх нийтээрээ мод ...

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 20 Онлайн
  • 299 Өнөөдөр
  • 3194 Өчигдөр
  • 5836 Долоо хоногт
  • 14517 Сүүлийн сард
  • 1142332 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар