ЭРДЭНЭТИЙН УРАН БҮТЭЭЛЧДИЙН УЛААН ХИВСНИЙ ЁСЛОЛ БОЛЛОО

Эрдэнэт хот, Орхон аймагт мэргэжлийн урлагийн байгууллага үүсэж хөгжсөний 40 жилийн ой энэ онд тохиож байна.

Тус салбарынхан ойн баяраа “Эрдэнэт” дуу, бүжгийн чуулгын уран бүтээлчдийн “Хайрлан жаргах эх орон” бүрэн хэмжээний шинэ уран бүтээл, Хүүхэд, залуучуудын театрын уран бүтээлчдийн “Хүний хүрэм” драмын жүжгээр эхлүүлсэн. Тэгвэл өнөөдөр тэд үе үеийн уран бүтээлчдийн улаан хивсний ёслол, алтан цом гардуулах ёслолыг зохион байгууллаа.
 
1970-аад оны дунд үеэс Эрдэнэт хотын иргэдийн чөлөөт цагаар соёлын үйл ажиллагаа зохион байгуулах зорилгоор Эрдэнэтийн соёлын ордон байгуулагдаж байсан түүхтэй. Өдгөө аймгийн хэмжээнд соёл, урлагийн төрийн өмчит 9 байгууллагад 200 гаруй, хувийн хэвшлийн 16 байгууллага, продакшнд 300 гаруй хүн ажиллаж байна. Эдгээрээс “Гавьяат” хэмээх эрхэм хүндтэй цолыг 5 хүн хүртэж, МУСТА, шилдэг ажилтан хэмээх цол, тэмдгийг олон арван уран бүтээлч хүртээд буй.
 
Өнөөдөр болсон  Эрдэнэт хот, Орхон аймагт мэргэжлийн урлагийн байгууллага үүсэж хөгжсөний 40 жилийн ойн ёслолын үйл ажиллагааны үеэр Монгол Улсын Ерөнхийлөгчийн зарлигаар Хөдөлмөрийн хүндэт медаль, МУСТА цол тэмдэг болон аймаг, сумын шагналаар хэд хэдэн уран бүтээлч шагнагдсан юм.
 
40 жилийн ойн баяраа тэмдэглэж буй уран бүтээлчдэд хандан аймгийн Засаг дарга Д.Батлут хэлсэн үгэндээ соёл, урлагийн байгууллагуудын хамтын ажиллагаа, гадаад харилцааг өргөжүүлэх, энэ төрлийн үйлчилгээг эдийн засгийн эргэлтэд оруулан аялал жуулчлалын салбарын салшгүй хэсэг болгон хөгжүүлэх зорилготой байгаагаа онцлон хэллээ.
 
Дашрамд дурдахад, Аймгийн соёл, урлагийн  салбарыг 2012-2020 онд хөгжүүлэх хөтөлбөрийг батлан, амжилттай хэрэгжүүлж байна. Үүний хүрээнд зөвхөн өнгөрсөн онд гэхэд орон нутгийн төсвөөс 150 сая төгрөгийг соёл, урлагийн үйл ажиллагаанд зарцуулсан юм. 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-02-08 486
ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН АЖЛЫН 7 ХОНОГИЙН МЭДЭЭ /2015.0.02-06/

"Цагаан сараар хоггүй угтацгаая" аяны уриан дор гэр хорооллын айл өрхийн хог хаягдлын татан ...

2014-12-24 460
Хүүхдүүд 15-22.00 цагийн хооронд телевиз их үздэг байна

Хүүхдийн эрх, хамгааллын талаар хэвлэл мэдээллийн хэрэгслүүд хэрхэн мэдээлж, нийтэлж буйд хийсэн мониторингийн ...

2015-04-13 4451
Орхон аймгийн Хөдөлмөрийн хэлтсийн 7 хоногийн мэдээ /2015.04.06-10/

• 2015 оны 04 дүгээр сарын 03-ноос 04 дүгээр сарын 09-ны өдрийн хооронд хэлтэст 20 албан бичиг ...

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 20 Онлайн
  • 298 Өнөөдөр
  • 3194 Өчигдөр
  • 5835 Долоо хоногт
  • 14516 Сүүлийн сард
  • 1142331 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар