СУРАГЧДЫН АВТОБУСНЫ МАРШРУТАД ӨӨРЧЛӨЛТ ОРЖЭЭ

Аймгийн Засаг дарга Сурагчдын автобусны маршрутыг шинэчилж, үйлчилгээг нь ямар нэгэн чирэгдэлгүй болгох үүргийг Баян-Өндөр сумын ЗДТГ-т өгсөн. Үүний дагуу тус сумаас Сурагчдын автобусны маршрутад хэд хэдэн өөрчлөлт хийж, батлуулахаар бэлтгэж байгаа гэнэ. Өөрөөр хэлбэл Сурагчдын автобус үйлчилгээг 8 автобус 8 чиглэлд үзүүлдгээс 4 чиглэлд нь өөрчлөлт оруулжээ.

Тодруулбал, Вокзалын чиглэлийн эцсийн буудал нь “Эрдэнэт өртөө” байсныг цааш “МО”-ын цэргийн анги хүртэл, Эрдэнэ, Дэнж багийн чиглэлд “Шинэ эцэс” буюу засмал замын төгсгөл хүртэл,  Даваат-Шанд багийн чиглэлийг 17-р сургуулийн хойд талаар, Яргуйт багийн шинэ замаар, “Дөт”, “Хангай”, “Номун далай” дэлгүүрээр тойрч “Наран” цогцолбор сургууль руу  явах зохицуулалт хийсэн талаар тус сумын Засаг даргын орлогч Ц.Одгэрэл мэдээллээ. Харин хот доторх маршрутад ямар нэгэн өөрчлөлт оруулаагүй байна. 

Дээрх шинэчлэлтэй танилцсаны дараа Засаг дарга Д.Батлут маршрутыг өөрчлөн батлахаас өмнө хэд хэдэн зүйлд анхаарах хэрэгтэйг санууллаа. Тэрээр хэлсэн үгэндээ “Барилгачдын талбай зэрэг тодорхой цэгүүдэд сурагчдыг бөөнд нь буулгаж байгаа нь хүүхдүүд нийтийн тээвэрт дамжин суух эсвэл хүйтний улиралд алхаж сургуульдаа очих нөхцөл байдлыг бий болгоно. Тиймээс сургууль орчимд хүргэх буюу маршрутыг бүтэн болгох хэрэгтэй” гэсэн юм.  
 
Мэдээллийн төв

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-11-30 649
ОРХОН АЙМГИЙН УЛСЫН БҮРТГЭЛИЙН ХЭЛТСИЙН ДОЛОО ХОНОГИЙН МЭДЭЭ /2014.11.24-25/

Гадаад паспорт бүртгэлийн чиглэлээр: Гадаад паспорт сунгалт 28 иргэн, шинээр авах хүсэлт гаргасан ...

2017-07-10 909
МЭНДЧИЛГЭЭ

МЭНДЧИЛГЭЭ

2013-05-21 535
Соёл, спорт, аялал жуулчлалынхан зөвлөлдөв.

Аймгийн Соёл, спорт, аялал жуулчлалын зөвөлгөөн Хүүхэлдэйн театрт боллоо. Нийт уг салбарын З00 гаруй ...

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 20 Онлайн
  • 299 Өнөөдөр
  • 3194 Өчигдөр
  • 5836 Долоо хоногт
  • 14517 Сүүлийн сард
  • 1142332 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар