ОЛОН УЛСЫН СТАНДАРТАД НИЙЦСЭН “ЖИШИГ” СУРГУУЛЬ АШИГЛАЛТАД ОРЛОО

     Эрдэнэ багт шинээр баригдсан 640 хүүхдийн сургуулийн нээлт өнөөдөр боллоо. Энэ нь улсын хэмжээнд буй олон улсын стандартад нийцсэн жишиг гурван сургуулийн нэг юм.
   Тус сургуулийн барилгыг барихад улсын төсвөөс 4.2 тэрбум төгрөгийн хөрөнгө оруулалт хийсэн бөгөөд гүйцэтгэгчээр нь “Тэнгэрийн тэмдэг” ХХК ажилласан байна. Тус сургуульд 1-12-р ангийн  21 бүлэгт 610 хүүхэд нэг ээлжээр хичээллэнэ. Тэд бүгд Эрдэнэ багийн хүүхдүүд юм. Барилга 6 настнуудад зориулсан хичээлийн танхим, унтах, амрах, тоглох өрөөтэй. Нийтдээ хичээлийн 16 танхим, 6 кабинет, спорт, урлагийн зал, усан бассейнтай. Эрдэнэ багт ашиглалтад орж буй 20-р сургуулийн захирал Л.Очирсүрэн хэлэхдээ “Манай сургуулийн бүх анги танхим, ширээ, сандал, сургалтын хэрэглэгдэхүүн, бие засах өрөөнүүд гээд бүгд зүйл нь олон улсын стандартад нийцсэн. Ер нь бол бүх талаар хүүхдийн сурах, хөгжих таатай орчин болж чадна” гэсэн юм. 
 
     Эрдэнэ багийн 20-р сургуулийн барилгын ажил 2014 эхэлсэн боловч хөрөнгө оруулалт зогссон шалтгаанаар ажил нь саатаад байсан. Тиймээс орон нутгийн удирдлагууд Сангийн яаманд удаа дараа хүсэлт тавьснаар хөрөнгө оруулалт хийгдэж ийнхүү ашиглалтад орлоо. Түүнчлэн уг барилгын дулаан, цэвэр усны асуудлыг орон нутгийн төсвийн хөрөнгөөр шийдвэрлэсэн юм. 
 
Нээлтийн үйл ажиллагааны үеэр аймгийн Засаг дарга хэлсэн үгэндээ энэ бол алслагдсан багт оршин сууж буй хүүхдүүдэд боловсролын үйлчилгээг чанартай хүргэх чиглэлээр хийж том ажил гэдгийг онцоллоо. 20-р сургууль нь 60 гаруй багш, ажилтантайгаар үйл ажиллагаагаа явуулах юм. 
 
Дашрамд дурдахад, Орхон аймгийн Засаг даргын мөрийн хөтөлбөрийн дагуу хэрэгжиж “Багш” дэд хөтөлбөрийн хүрээнд 5 сургуульд Байгалийн ухааны багц хэрэглэгдэхүүнтэй AR технологиор бүтээгдсэн кабинет тохижуулахаар болсон. Эдгээр сургуулийн нэг нь өнөөдөр ашиглалтад орж буй Эрдэнэ багийн 20-р сургууль юм.
 
 
 
 
 
 
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-11-23 1110
Тээвэр, авто замын чиглэлээр: 2014 оны 11 сарын 17-ны өдрөөс 21 хүртэл

Нутгийн захиргааны байгууллагуудаас иргэдэд үзүүлэх төрийн үйлчилгээг түргэн шуурхай болгох талаар авч ...

2019-07-24 2100
ХАТУУ ХОГ ХАЯГДАЛ БОЛОВСРУУЛАХ ҮЙЛДВЭР БАЙГУУЛАХ ГЭРЭЭ БАЙГУУЛЛАА

2021 оны 09 дүгээр сарын 30-нд бүрэн дуусгаж ашиглалтад хүлээлгэн өгөх юм.

2017-12-11 3092
СУРАГЧИД “ЭРДЭНЭТИЙН ДУЛААНЫ ЦАХИЛГААН СТАНЦ” ТӨХК-ИЙН ҮЙЛ АЖИЛЛАГААТАЙ ТАНИЛЦАВ

“Эрдэнэт хотын өдөр”-ийг тохиолдуулан “ЭДЦС” ТӨХК-ийн хамт олон нэгэн сонирхолтой үйл ажиллагааг өнөөдөр ...

Сурталчилгаа

 

 

 

Веб статистик

Таны IP хаяг: 35.175.113.29
2017-11-30-ний өдрөөс хойш.
  • 19 Онлайн
  • 876 Өнөөдөр
  • 1940 Өчигдөр
  • 9801 Долоо хоногт
  • 41267 Сүүлийн сард
  • 2038809 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар