ЦЭВЭРЛЭХ БАЙГУУЛАМЖИЙН ӨРГӨТГӨЛ НЬ ХОТЫН БОХИРЫН АСУУДЛЫГ 2030 ОН ХҮРТЭЛ БҮРЭН ШИЙДВЭРЛЭНЭ

 Аймгийн Засаг дарга Д.Батлут тэргүүтэй албаны хүмүүс өнөөдөр  “Цэвэрлэх байгууламжийн өргөтгөл” төслийн явцтай танилцлаа. Дээрх уулзалтад Франц Улсын талаас төслийг хэрэгжүүлэгч “СУЭЗ” компанийн үйл ажиллагаа хариуцсан захирал Р.Ралф, тус компанийн Монгол дахь төлөөлөгчийн газрын мэргэжилтнүүд оролцсон.  

 
 Барилга угсралтын ажил нь 2013 онд эхэлсэн уг төсөлд Франц улсаас 9 сая 535 мянган евро,  Монгол Улсаас 9.5 тэрбум төгрөгийн хөрөнгө оруулалт хийгээд буй. Өнөөдрийн байдлаар төслийн барилга угсралтын ажил  97 хувьтай байгаа гэнэ. Одоогоор гадна зам, талбай, цахилгааны шугамын ажил  үргэлжилж байгаа аж.  
 
 “Цэвэрлэх байгууламжийн өргөтгөл” төслийн барилга угсралтын ажлын Ерөнхий гүйцэтгэгчээр “Ар дааган” ХХК, туслан гүйцэтгэгчээр “Байгууламж” ХХК ажиллаж байна.
 
 Франц Улсын талаас төслийг хэрэгжүүлэгч “СУЭЗ” компанийн үйл ажиллагаа эрхэлсэн захирал Р.Ралф хэлэхдээ “Цэвэрлэх байгууламжийн өргөтгөлийн ажлыг энэ онд бүрэн дуусгаж, ирэх онд үйл ажиллагааг нь эхлүүлэх шаардлага бий. Тиймээс гүйцэтгэгч компани ажиллах хүчээ нэмэгдүүлэхгүй бол бид зорилгоо биелүүлж чадахгүй гэж дүгнэж байна” гэсэн юм. Төслийн нэгжийн мэргэжилтнүүд ч үүнтэй санал нэг буйгаа илэрхийлсэн. Тодруулбал, Гүйцэтгэгч компани Барилга хот байгуулалтын яамтай байгуулсан гэрээний дагуу ажил нь энэ сарын 30-нд дуусах ёстой. Харамсалтай нь тус компанийн ажиллах хүч хангалтгүй байгааг хэллээ.
 
  Гүйцэтгэгч “Ар дааган” ХХК-ийн Ерөнхий инженер ярихдаа “Ажиллах хүч цөөн байгаа нь санхүүгийн нөхцөл байдлаас шалтгаалж байгаа. Тиймээс бид хөрөнгө оруулалтыг бодитоор тогтоох үүднээс Барилгын хөгжлийн төвд магадлал хийлгэх хүсэлт гаргаад байна” гэлээ.
 
 Энэхүү бүтээн байгуулалт нь 2030 он хүртэлх хотын бохирын асуудлыг бүрэн шийдвэрлэнэ гэж мэргэжлийн хүмүүс тайлбарладаг. Хотын бохир ус цэвэрлэх байгууламжийн өргөтгөл нь одоо ажиллаж байгаа цэвэрлэх байгууламжтай ижил хүчин чадалтай. Одоогийн цэвэрлэх байгууламжаас ялгарах онцлог нь лаг боловсруулах байгууламжтай.
 
 Аймгийн Засаг дарга Д.Батлут төслийн ажилтай биечилж танилцахаа уулзалтын үеэр мэдэгдлээ. Мөн гүйцэтгэгч компанийг энэ сарын 30 гэхэд ажлаа хүлээлгэж өгөх хэрэгтэйг санууллаа.

 Тэрээр  “Ар дааган” ХХК-ийн удирдлагуудад хандаж хэлсэн үгэндээ “Энэ бол гадаадаас орж ирж буй их хэмжээний хөрөнгө оруулалтын ажил. Төсөл амжилттай хэрэгжвэл дараагийн хөрөнгө оруулалт орж ирэх боломж нээгдэнэ. Тиймээс ажлаа хугацаанд нь дуусга” гэлээ.
 
Цэвэрлэх байгууламжийн өргөтгөлийн өмчлөлийн асуудлыг тодорхой болгохоор ажлын хэсэг байгуулагдсан. Уг ажлын хэсгээс тодорхой санал, хувилбараа энэ сарын 30-нд танилцуулах үүргийг өгсөн юм. 
 
 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-03-28 1889
ЦАГДААГИЙН АЛБА ХААГЧИД ТАНГАРАГ ӨРГӨЛӨӨ

1993 онд Цагдаагийн байгууллагын тухай анхны хууль багтлагдаж, байгууллагын чиг үүрэг, тогтолцоо, алба ...

2015-01-13 873
Эрдэнэтийн телевизүүд иргэдийн үгэн зарыг үнэ төлбөргүй цацахаар боллоо

Манай аймагт үйл ажиллагаа явуулж байгаа 10 гаруй телевизүүдээс Чөлөөт уран бүтээлийн НБТВ HD телевиз ...

2014-06-06 578
“Хангайн бүсийн түншлэл-2014” үзэсгэлэн худалдаа Хөвсгөл аймгийн Мөрөн хотод болно

“Хангайн бүсийн түншлэл-2014” үзэсгэлэн худалдааг 2014 оны 06 дугаар сарын 26-28 ны өдрүүдэд ...

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 16 Онлайн
  • 452 Өнөөдөр
  • 3194 Өчигдөр
  • 5989 Долоо хоногт
  • 14670 Сүүлийн сард
  • 1142485 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар