МАНАЙ АЙМГИЙН 200 ИРГЭН ЭЛЭГНИЙ ВИРУСИЙН ЭСРЭГ ЭМИЙГ ҮНЭ ТӨЛБӨРГҮЙ ХЭРЭГЛЭНЭ

“Элэгний вирусгүй Эрдэнэт” аяны хүрээнд Орхон аймгийн 200 иргэн элэгний С вирусын эсрэг “Хепсинат лп” гэх эмийг үнэ төлбөргүй хэрэглэхээр боллоо. 

      Өөрөөр хэлбэл, аймгийн ЗДТГ, Эрүүл мэндийн газар, Эрүүл мэнд, нийгмийн даатгалын хэлтэс, “Медипас” эмнэлэг, “Эрдэнэтийн эрүүл иргэн” төрийн бус байгууллага, эм эмнэлгийн хэрэгсэл нийлүүлэгч “Омбол” ХХК нар хамтран ажиллах гэрээ байгуулснаар дээрх ажил хэрэгжиж эхэллээ. “Омбол” ХХК нь элэгний С вирусын эсрэг “ Хепсинат лп” гэдэг эмийг Энэтхэг улсаас оруулж ирдэг бөгөөд үнэ нь 350 мянган төгрөг ажээ. Энэ нь зөвхөн нэг сар хэрэглэх эмийн үнэ юм. Гэхдээ үүний 210 мянган төгрөг нь Эрүүл мэнд, нийгмийн даатгалын хөнгөлөлтөд орж харин иргэд 140 мянган төгрөгөөр худалдан авдаг байна. 
        Энэ эмийг С вирусын халдвартай иргэн 3-6 сарын турш хэрэглэдэг ажээ. Тэгвэл “Эрдэнэтийн эрүүл иргэн” ТББ, “Омбол” ХХК-д хүсэлт тавьсаны дагуу “Омбол” ХХК 200 иргэний гурван сарын турш хэрэглэх эмийг үнэ төлбөргүй өгөхөөр шийдвэрлэж өнөөдөр тулууд гэрээнд гарын үсэг зурлаа.
        Үүний хэрэгжилтэд аймгийн ЗДТГ, Эрүүл мэндийн газар, БОЭТ зэрэг холбогдох байгууллага хяналт тавьж хамтран ажиллахаар боллоо. Орхон аймаг хөдөө орон нутгаас анх удаа “Элэгний вирусгүй Эрдэнэт” аян зарлаж элэгний В, С, Д вирус илрүүлэх, тоолох, эмчлэх эмчилгээг цогцоор нь шийдвэрлэж байна. Уг ажил 2016 оны 9 дүгээр сараас аймгийн Засаг даргын ивээл дор “Эрдэнэтийн эрүүл иргэн” ТББ-ын санаачилгаар эхэлсэн юм.               Өнөөдрийн байдлаар 1995 хүнд В, С вирус илрүүлэх шинжилгээ хийж 474 иргэнд В вирусын эсрэг вакцин хийжээ. Мөн орон нутгийн төсвөөс дөнгөж төрсөн нярайд 24 цагийн дотор хийдэг В вирусын эсрэг вакцинд 35 сая төгрөг төсөвлөсөн байна. 
 
Мэдээллийн төв
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-05-29 768
ҮЙЛДВЭР ХӨДӨӨ АЖ АХУЙН ДАРГА Т.ОТГОН 70353511 ТӨВД АЖИЛЛАЛАА

Үйлдвэр Хөдөө Аж Ахуйн Дарга Т.Отгон "Иргэдийн санал хүсэлт хүлээн авах 70353511 төв"-д ...

2018-06-04 1028
ХҮҮХДИЙН ЭМНЭЛГИЙН БАРИЛГА АШИГЛАЛТАД ОРЛОО

Орхон аймгийн хүн ам өсөхийн хэрээр БОЭТ-ийн Хүүхдийн тасгийн үйл ажиллагаа зарим үед ачааллаа даахгүйд ...

2014-03-21 4211
ХҮҮХЭД ЗАЛУУЧУУДЫН ТЕАТРЫН 2014 ОНЫ 1-Р УЛИРЛЫН АЖЛЫН ТАЙЛАН

Нэг. Уралдаан тэмцээн, урлагийн тоглолт, үзвэр үйлчилгээ: Театр нь аж ахуй нэгж, иргэдтэй хамтран соёл ...

Сурталчилгаа

 

 

 

Веб статистик

Таны IP хаяг: 3.233.215.231
2017-11-30-ний өдрөөс хойш.
  • 20 Онлайн
  • 4728 Өнөөдөр
  • 7516 Өчигдөр
  • 18790 Долоо хоногт
  • 65209 Сүүлийн сард
  • 2062751 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  749

Facebook

Цаг агаар