ОРХОН АЙМАГТ

Монгол Улсын Их Хурал 2014 онд “Ногоон хөгжлийн бодлого”-ыг баталсан бөгөөд уг бодлогод тогтвортой үйлдвэрлэл, хэрэглээг хөгжүүлэх, экосистемийн тэнцвэрт байдлыг хадгалах, байгаль хамгаалал, хүний хөгжил, цэвэр технологийг дэмжих хөрөнгө оруулалтыг нэмэгдүүлэх, ногоон амьдралын хэв маягийг төлөвшүүлэх, боловсрол, шинжлэх ухаан, технологи, инновацийг ногоон хөгжлийн хурдасгуур болгох, оновчтой хүн амын суурьшлыг төлөвлөн хөгжүүлэх стратегийн 6 зорилтыг тодорхойлсон. Монгол Улсын Засгийн газар Ногоон хөгжлийн бодлогыг хэрэгжүүлэх үйл ажиллагааны төлөвлөгөөг 2016 оны 1 дүгээр сард баталсан ба үүнд 2030 он хүртэл хэрэгжүүлэх 255 үйл ажиллагааг тусгасан билээ. 

Байгаль орчин, аялал жуулчлалын яам, НҮБ-ын Хөгжлийн хөтөлбөр нь “Ногоон эдийн засгийн төлөөх түншлэл”-ийн хүрээнд  Орхон аймгийн Ногоон хөгжлийн дэд хөтөлбөр боловсруулах ажлыг дэмжин ажиллаж байна. Уг ажлын хүрээнд “Ногоон эдийн засгийн санаачлага” тэтгэлэгт хөтөлбөрийг зарлаж байна. Тэтгэлэгт хөтөлбөр нь байгалийн нөөцийг үр ашигтай зарцуулах, хаягдал, ялгарлыг бууруулах, экосистемийн тэнцвэртэй байдлыг хадгалах, байгальд зохицсон ахуй, соёлын үнэт зүйлсийг хөгжүүлэхэд чиглэсэн шинэлэг санаа, санаачлага, шилдэг туршлагыг дэмжин дэлгэрүүлэх зорилготой.
 
Дараах чиглэлд хамаарах төслийг дэмжинэ: 
- Байгаль орчинд ээлтэй цэвэр үйлдвэрлэл, технологийг дэмжих, 
- Цахилгаан, дулаан, цэвэр усны үрэлгэн хэрэглээг бууруулж, үр ашгийг сайжруулах, 
- Түлш бага зарцуулдаг тээврийн хэрэгсэл, дугуй, ердийн хөсгийг дэмжих, 
- Агаар, орчны бохирдлыг бууруулах,  тухайлбал хог хаягдлыг цуглуулах, ялгах, устгах үйл ажиллагааг оновчтой, боловсронгуй болгож, хог хаягдлын хэмжээг бууруулах, дахин боловсруулах, 
- Хүнсний хаягдлыг бууруулах,
- Байгалийн гамшгаас сэргийлэх,
- Байгалийн нөөцийг хамгаалах, нөхөн сэргээх,
- Байгальд ээлтэй, ногоон худалдан авалтыг дэмжих,
- Байгальд ээлтэй, ногоон үйл ажиллагааг санхүүжүүлэх шинэлэг санааг хэрэгжүүлэх зэрэг үйл ажиллагаа байж болно.
 
Тэтгэлгийн тодорхой хэсгийг тогтвортой хөгжил, ногоон эдийн засгийн  талаархи олон нийтийн ойлголт, мэдлэгийг дээшлүүлэх, мэдээлэл, сурталчилгаанд зориулж болно.
Тэтгэлэг нь Орхон аймагт хэрэгжүүлэх төсөлд хамаарах бөгөөд Орхон аймгийн төрийн өмчит үйлдвэрийн газар, орон нутгийн өмчит компани, хувьцаат болон хязгаарлагдмал хариуцлагатай компани, төрийн бус байгууллага, хоршоо, нөхөрлөл оролцож болно.
Тэтгэлэгт хөтөлбөрийн хүрээнд орон нутгийн төсөв, бусад санхүүжилтийн эх үүсвэрээр үргэлжлүүлэх, өргөжүүлэх боломжтой төслийг илүүтэй дэмжинэ.
 
Төсөл хүлээн авах эцсийн хугацаа:  
2017 оны 9-р сарын 8-ны 17.00 цаг.  
 
Төсөл хэрэгжүүлэх хугацаа: 
2017 оны 9-р сарын 20-ноос 2017 оны 11-р сарын 30.
 
Төсвийн санхүүжилтийн хэмжээ: 
Төслийн санхүүжилтийн хэмжээ дунджаар 8 сая төгрөг байх ба нийт төсөвт цалин, хөлсний эзлэх хувь 20-иос дээшгүй байна. Гадаад томилолт, олон улсын сургалт, хурал, зөвлөгөөнд оролцох зардлыг санхүүжүүлэхгүй. 
Ирүүлэх материал
- Тэтгэлэгт хөтөлбөрийн өргөдөл /маягтын дагуу/
- Төсөв /маягтын дагуу/
- Үр дүнгийн шалгуур /жишиг загвар/ 
- Байгууллагын гэрчилгээ.
Зөвхөн шалгарсан төслийн байгууллагуудтай 2017 оны 9-р сарын 15-ны дотор холбоо барих болно. Хугацаа хоцорсон болон шаардлага хангаагүй төслүүдийг шалгаруулалтаас хасна.
Төслийн материалыг Монгол хэл дээр ирүүлнэ. Төслийн өргөдлийн маягт, удирдамжийг Орхон аймгийн ЗДТГ-ын Erdenet.mn цахим сайт, “Орхон аймгийн Байгаль орчин, аялал жуулчлалын газар” гэсэн фэйсбүүк хаягнаас авна уу. 
 
Нэмэлт мэдээллийг дараах Odonchimeg201@gmail.com цахим шуудангаар хандаж авна уу. 
 
Материал ирүүлэх хаяг:
 
Орхон аймаг, Эрдэнэт хот, Захиргааны II байр,
Орхон аймгийн Байгаль орчин, аялал жуулчлалын газар, 306 тоот өрөө
Холбогдох утас: 7035-5838, 99024732
 
 

 

Сэтгэгдэл


Сэтгэгдэл

puujee

Urgudul yaj tataj avah yum be? link ni bna u

Огноо:2017.08.24

Холбоотой мэдээлэл

2018-09-03 2460
ОРОН НУТГИЙН 524 САЯ ТӨГРӨГӨӨР ХОТ ТОХИЖУУЛАХ ГАЗАР ШИНЭ ТЕХНИКТЭЙ БОЛЛОО

Аймгийн Хот тохижуулах газар Hovo маркийн хоёр автомашин, нэг тракторьтой боллоо. Үүнийг орон нутгийн ...

2014-08-29 726
Нөхөн сонгууль ямар хугацаанд явагдах вэ?

Нөхөн сонгууль ямар хугацаанд явагдах вэ? Баян-Өндөр сумын ИТХ-ын 11-р тойрогт явагдах нөхөн сонгуулийн ...

2013-11-05 1182
Музейн 10 дугаар сарын сүүлийн долоо хоногийн мэдээ

Энэ долоо хоногт Музей нийт 291 насанд хүрэгчид болон цэцэрлэг, сургуулийн хүүхдэд үйлчилж 83900 төгрөгний ...

Сурталчилгаа

 

 

 

Веб статистик

Таны IP хаяг: 34.239.160.113
2017-11-30-ний өдрөөс хойш.
  • 15 Онлайн
  • 1692 Өнөөдөр
  • 1568 Өчигдөр
  • 3260 Долоо хоногт
  • 15948 Сүүлийн сард
  • 1796141 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  727

Facebook

Цаг агаар