ҮЕРЭЭС УЧИРСАН ХОХИРЛЫН ХЭМЖЭЭГ ТОГТООХООР АЖИЛЛАЖ БАЙНА

Өчигдөр буюу 2017 оны 8 дугаар сарын 14-ны өдрийн 4 цаг 30 минутаас эхлэн Эрдэнэт хотод орсон түр зуурын хүчтэй мөндөр, аадар борооны улмаас гэр хорооллын зарим айл, өрх гудамжууд усанд автаж, үерийн ус зайлуулах суваг шуудуу, нүхэн гарцууд зарим хэсэгтээ ачааллаа даалгүй эвдэрч сүйдсэн.

Булаг багийн автозам дээр лаг шавар, шороо чулуу урсаж орж ирсэний улмаас замын зорчих хэсэгт автомашин зорчиход хүндрэл үүсгээд байсныг Хот тохижуулах газрын ажилтан ажиллагсад шөнө цэвэрлэж автомашин зорчих боломжтой болгосон. Аймаг орон нутгийн удирдлагууд болон Онцгой комиссын гишүүд шөнө ажиллаж шуурхай арга хэмжээ авч ажиллав. Одоогоор авто зам дээр үүсээд байсан саадыг зайлуулах, шавар, чулуу, шороогоор бөглөрсөн нүхэн гарцуудыг цэвэрлэх, цэнгэлдэх хүрээлэнгийн орчимд хуралдсан лаг шавар, урсаж ирсэн хог хаягдлыг цэвэрлэх ажил үргэлжилэн хийгдэж байна. Үерийн ус зайлуулах гуу жалгад иргэд өөрсдөө хогоо их хаядгаас тэр нь борооны усанд урсаж, нүхэн гарц, гүүрүүдийн ус нэвтрүүлэх чадварыг муутгаснаар эвдрэл гэмтэл үүсгэсэх, ус зайлуулах үерийн суваг шуудууны ус нэвтрүүлэх ачааллыг нэмэгдүүлснээр хальж айл өрхийг усанд автуулах нөхцөл байдалд хүргэж байна. 
Өчигдөр аймгийн Онцгой комисс яаралтай хуралдаж холбогдох байгууллагын удирдлагуудад үүрэг чиглэл өгч ажилласан бол өнөөдөр аймгийн Засаг даргын орлогч А.Түвшинжаргал, ЗДТГ-ын дарга Д.Соёлчхүү нараар удирдуулсан Онцгой комисс дахин хуралдаж үерийн гамшгаас үүссэн хохирол, эвдрэл гэмтлийг сэргээн засварлах ажлын явцын талаар хэлэлцлээ.  
Аймгийн ЗДТГ-ын Санхүү, төрийн сангийн хэлтэс болон холбогдох албадын мэргэжилтнүүдийн хамтарсан ажлын хэсэг байгуулагдаж хохирлын хэмжээг тогтоохоор ажиллаж байна. Урьдчилсан байдлаар 1,5 км орчим үерийн ус зайлуулах суваг шуудуу эвдэрснийг сэргээн засварлах шаардлагатай, 12 багт 40 гаруй айлын бохир хальсан, 1300 ам метр талбайд ариутгал, халдваргүйтгэл хийх, хэд хэдэн орон сууцны зоорийн давхарт ус дүүрснийг соруулах, хавар тарьсан шар хуайс болон ногоон байгууламжууд урсаж эвдэрсэнийг сэргээн засварлаж байна. 
Сэргээн засварлах ажилд хугацаат болон дүйцүүлэх цэргийн алба хаагч, ЗХ-ний 186, ЗХ-ний 110 дугаар ангийн хүн хүч, техник, офицерууд, Онцгой байдлын газрын аврагчид, Хот тохижуулах газрын ажиллагсад болон сайн дурынхан оролцож байна. Сэргээн засварлах ажилд оролцож буй эдгээр алба хаагчид, болон энгийн иргэдэд хувийн хэвшлийн байгууллага, аж ахуйн нэгж, хувь хүмүүс ч мөн ажлын бээлий, цэвэр ус, хоол хүнсний зүйлээр тусалж дэмжих аян өрнөж эхэлжээ. Тухайлбал, Шанд багт үерийн шуудуу сэргээн засч буй цэргийн алба хаагчдад тус багт үйл ажиллагаа явуулдаг “Баян-Өндөр” мини маркет, 22-р цэцэрлэг ажлын бээлий, 17-р сургуулиас хүнсний зүйлээр туслалцаа үзүүлж байлаа.  
Цаашид буюу 8 дугаар сарын 24-ний өдрийг хүртэл цаг агаарын урьдчилан сэргийлэх мэдээгээр 16, 17, 18, 19-ний үдээс хойш, 20-ны шөнөдөө түр зуурын дуу цахилгаантай ширүүн бороо, мөндөр орж, борооны өмнө салхи ширүүсэх бөгөөд 22-23-ны өдрүүдэд үргэлжилсэн хүйтэн бороо орно. Хөрсөн дээрээ шөнөдөө 9-14 хэм, 19-ний өдрөөс хойш шөнөдөө улам сэрүүсч 4-9 хэм хүртэл агаарын температур буурах төлөвтэй байгаа тул аж ахуйн нэгж ард иргэдэд Ус цаг уур, орчины шинжилгээний газраас анхааруулж байна. 
 
Мэдээллийн төв 
 
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-05-15 802
Есөн тусгай зориулалтын авто машиныг хүлээлгэн өглөө

Манай аймгийн Хот тохижуулах газар болон “Эрдэнэт-Ус” Дулаан Түгээх сүлжээ ОНӨХК-ийн үйл ...

2014-09-10 2922
ОРХОН АЙМГИЙН БОЛОВСРОЛЫН ГАЗРЫН 2013- 2014 ОНЫ ХИЧЭЭЛИЙН ЖИЛИЙН ОНЦЛОХ АЖЛУУД

НЭГ. “ БОЛОВСРОЛЫН ҮЙЛЧИЛГЭЭНИЙ ШИНЭЧЛЭЛ-ЭРДЭНЭТ 2013” НЭЭЛТТЭЙ ХЭЛЭЛЦҮҮЛЭГ ЗОХИОН БАЙГУУЛАВ ...

2014-09-16 1051
ОРХОН АЙМАГТАЙ ХАТУУ ХУЧИЛТТАЙ АВТО ЗАМААР ХОЛБОГДСОН АЙМАГ, ОРОН НУТАГТ НИЙТИЙН ТЭЭВРИЙН ҮЙЛЧИЛГЭЭ ЭРХЛЭХ ЭТГЭЭДИЙН ТӨСӨЛ СОНГОН ШАЛГАРУУЛАЛТАНД УРЬЖ БАЙНА

Төсөл шалгаруулалтын нэр: Орхон аймагтай хатуу хучилттай авто замаар холбогдсон аймаг, орон нутагт нийтийн ...

Сурталчилгаа

 

 

 

Веб статистик

Таны IP хаяг: 3.233.220.21
2017-11-30-ний өдрөөс хойш.
  • 12 Онлайн
  • 84 Өнөөдөр
  • 1939 Өчигдөр
  • 2023 Долоо хоногт
  • 15582 Сүүлийн сард
  • 2225211 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар