ОЮУТАН ЦЭРГҮҮДИЙН ТАНГАРАГ ӨРГӨХ ЁСЛОЛ БОЛЛОО

“Оюутан цэрэг”-т цэргийн мэргэжил олгох сургалт 3 дахь жилдээ улс орон даяар хэрэгжиж байгаа билээ. Тэгвэл энэ жилээс эхлэн Орхон аймгийн Засаг даргын Батлан хамгаалах яамны сайдтай байгуулсан гэрээний дагуу ЗХ-ний 186-р ангийг түшиглэн манай аймагт анх удаагаа амжилттай хэрэгжиж, эхний ээлжийн оюутан цэргүүд “Цэргийн мэргэжил олгох сургалт”-аа дуусгаж, өнөөдөр “Амар”-ын талбай дээр тангарагаа өргөлөө. 

       Цэргийн ерөнхий бэлтгэл шатны сургалт (2 багц цаг буюу 96 цагийн хичээл)-ыг 4 дүгээр сарын 1-ний өдрөөс Бямба, Ням гарагуудад аймгийн Цэргийн штаб, Ш.Отгонбилэгийн нэрэмжит ШУТИС дээр танхимын сургалтын хэлбэрээр зохион байгуулсан бол цэргийн мэргэжлийн бэлтгэл шатны сургалт (14 багц цаг буюу  560 цагийн хичээл)-ыг 6 дугаар сараас 15-аас эхлэн 2 сарын хугацаатайгаар Зэвсэгт хүчний 186 дугаар ангийн сургалтын төвийг түшиглэн танхимын болон хээрийн дадлага, сургуулийн хэлбэрээр зохион байгуулж дууслаа.
        Тангараг өргөх ёслолд Орхон аймгийн ИТХ-ын дарга П.Пүрэвлхагва, Орхон аймгийн Засаг дарга Д.Батлут, Орхон аймгийн ЗДТГ-ын дарга Д.Соёлчхүү, Монгол улсын Зэвсэгт хүчний хуурай замын цэргийн командлагч, Бригадын генерал Б.Амгаланбаатар, Орхон аймгийн Цэргийн штабын дарга, хурандаа Г.Батсуурь, Дархан-Уул аймгийн Цэргийн штабын дарга, хурандаа Ц.Энхтөр, ЗХ-ний 186-р ангийн захирагч, хурандаа Д.Жигжидсүрэн нар оролцож үр хэлж баяр хүргэлээ. Тангараг өргөх ёслолын үеэр оюутан цэргүүдийн үзүүлэх тоглолт болсноос гадна ЗХ-ний 186-р ангийн зарим офицер цол нэмсэн баярт үйл явдал давхацлаа. 
  “Оюутан цэрэг”-т цэргийн мэргэжил олгох сургалт нь агуулга багтаамж сайтай, шахуу сургалт юм. Иргэд, залуусын талархал, дэмжлэгийг хамгийн их хүлээдэг төр засгийн сайн ажил болоод байна. Ийм ч учраас “Оюутан цэрэг”-т цэргийн мэргэжил олгох сургалтын арга хэмжээг аймгийн эдийн засаг, нийгмийг хөгжүүлэх 2017 оны үндсэн чиглэл болон батлан хамгаалахын сайдтай аймгийн Засаг дарга 2017 онд хамтран ажиллах гэрээнд тусгаж  анх удаа манай аймагт зохион байгуулагдаж байгаа бөгөөд цаашдаа  “Оюутан цэрэг”-т цэргийн мэргэжил олгох сургалтыг жил бүр зохион байгуулах болно.
 
Мэдээллийн төв
 
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-03-01 863
Хүүхэд, гэр бүлийн хөгжлийн хэлтэс 7 хоногийн мэдээ /2015.02.23-27/

Зохион байгуулсан ажил, үйлчилгээ, бүтээгдэхүүн: • Ардын ёс заншлаас суралцъя тэмцээнийг БСГ, ...

2015-01-24 879
Мэргэжлийн хяналтын газрын долоо хоногийн мэдээ /2015.01.19-23/

Байгаль орчин, аялал жуулчлал: Түлээний болон хэрэглээний модны бэлтгэлтэй холбогдуулан Буянт хангай ...

2018-02-02 755
ЕРӨНХИЙ САЙДЫН ИВЭЭЛ ДОР ЗОХИОН БАЙГУУЛАГДАЖ БУЙ УЛСЫН ЗӨВЛӨЛГӨӨН ЭХЭЛЛЭЭ

Монгол улсын Ерөнхий сайд Ухнаагийн Хүрэлсүхийн ивээл дор зохион байгуулагдаж буй “Тогтвортой хөгжил-Ерөнхий ...

Сурталчилгаа

 

 

Веб статистик

Таны IP хаяг: 18.205.109.82
2017-11-30-ний өдрөөс хойш.
  • 14 Онлайн
  • 1576 Өнөөдөр
  • 1811 Өчигдөр
  • 3387 Долоо хоногт
  • 22770 Сүүлийн сард
  • 1759155 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  724

Facebook

Цаг агаар