ӨВӨЛЖИЛТИЙН БЭЛТГЭЛ АЖЛЫН ТАЛААР ХЭЛЭЛЦЛЭЭ

Аймгийн Засаг даргын зөвлөлийн 2017 оны 11 дүгээр хуралдаан өчигдөр болж өнгөрлөө. Энэ удаагийн хуралдаанаар “Ургац хураалт, хөдөө аж ахуйн салбарын 2017-2018 оны өвөлжилт, хаваржилтын бэлтгэл ажлын явц”, “Эрдэнэт хотын 2017-2018 оны өвөлжилтийн бэлтгэл ажлын явц”, “2017-2018 оны хичээлийн шинэ жилийн бэлтгэл ажлын явц”-ын талаар хэлэлцлээ. 

Засгийн газрын 2017 оны 6 дугаар сарын 28-ны өдрийн “Өвөлжилтийн бэлтгэл хангах зарим арга хэмжээний тухай” 186 дугаар тогтоол, ХХААХҮС-ийн 8 дугаар сарын 1-ний өдрийн 01 дүгээр албан даалгавар, Улсын Онцгой комиссын 8 дугаар сарын 4-ний өдрийн 89 дүгээр албан тоотоор аймгуудад өвөлжилтийн бэлтгэл ажлыг хангах талаар үүрэг чиглэл өгсөн юм. Үүний дагуу аймгийн Засаг даргын захирамж гарч ажлын хэсэг байгуулагдан 21 заалт бүхий арга хэмжээг хэрэгжүүлэн ажиллаж байна. Мөн намрын ургац хураалтын урьдчилсан блансыг гаргах, ургац хураалтын бэлтгэл ажлыг хангах ажил хийгдэж байгаа билээ. 
Хүнсний ногооний хувьд зундаа хур бороо багатай байсан тул төмс, лууван, байцааны хувьд ургац тааруу байна. 
Харин манай аймгийн хувьд 134 мянган толгой мал өвөлжих урьдчилсан дүнтэй байгаа бөгөөд өвөлжилт хүндрэх төлөвтэй байгаа тул малчин иргэд онд орохгүй малаа зах зээлд нийлүүлэх, өвс хадлан тэжээлээ хангалттай бэлтгэх шаардлагатай байна. Малчид өөрсдийн бүх нөөц бололцоог дайчлан өвөлд бэлтгэх, хашаа хороогоо засч сэлбэх, сурталчилгаа мэдээллийг эрчимжүүлэх, хөрш зэргэлдээ аймаг сумдтай нягт хамран ажиллах, 9 дүгээр сарын 30-ны дотор нэг боодол өвс бүрийн өртөгийг 6000 төгрөгөөс дээш гаргахгүйгээр өвс, хадлан бэлтгэж нөөцлөх талаар аймгийн Засаг даргын зүгээс ХХААГ, болон сумдын Засаг дарга нарт үүрэг өгсөн. 
Эрдэнэт хотын Өвөлжилтийн бэлтгэл ажлын хувьд графикийн дагуу чанартай явагдаж байгаа бөгөөд иргэдийн түлшний мод бэлтгэх, нүүрсийг хямд үнээр худалдан борлуулахад анхаарал хандуулах, цахилгаан болон дулааны шугам сүлжээний найдвартай байдлыг хангах, айл өрхүүдийг хоёрт тарифт тоолуурт шилжүүлж, шөнийн цахилгааны тарифыг 50 хувь хөнгөлүүлэх асуудлыг холбогдох яам, тамгын газарт тавьж  шийдвэрлүүлэх боллоо. Мөн СӨХ-ыг өвөлжилтийн бэлтгэл ажилд анхаарал хандуулж орц, подвольд ариутгал үйлчилгээ хийх, хаалга цонхыг засварлан дулаан алдаглыг бууруулах үүрэг өгсөн. 
Эрдэнэт хотод ганц түлээний зах ажиллаж байгаа нь зарим багийн иргэдэд хүндрэл бэрхшээл үүсгэж байгаа тул Баянцагаан, Дэнж-Эрдэнэ багт түлээ түлшний захыг шинээр нээх ажлыг судлаж шийдвэрлэх юм. Манай аймгийн гэр хорооллын түлшний хэрэгцээ 120,000-140,000 шоо метр байдаг бол одоогийн байдлаар ойролцоох аймаг сумдаас 15,400 шоо метр түлшний мод авахаар тохиролцоод байна. 
2017-2018 оны хичээлийн жилд манай аймагт СӨБ-д хамрагдвал зохих 9122 хүүхэд байна. Тус хичээлийн жилд төрийн болон хувийн хэвшлийн 34 цэцэрлэг үйл ажиллагаа явуулна. Харин 2145 хүүхэд шинээр сургуульд элсэн суралцах юм. Ерөнхий боловсролын 24 сургуульд 19554 хүүхэд суралцаж, 1613 багш ажиллагсад ажиллах юм. 
Сургуулиудын засварын ажил ерөнхийдөө дуусах шатандаа орсон бөгөөд зарим нэг удаашралтай байгаа засварын ажлыг эрчимжүүлэхээр болов. 
Аймгийн Засаг даргын зөвлөлийн хурлаас холбогдох албан тушаалтнуудад хугацаатай үүрэг даалгавар өгсөн. 
 
Мэдээллийн төв
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-07-07 409
Баян-Өндөр 2015 үзэсгэлэн худалдаа боллоо

“Баян-Өндөр 2015” үзэсгэлэн худалдааг амжилттай зохион байгууллаа.

2014-05-14 272
Халамжийн хуулийн шинэчлэлттэй холбоотой сургалт хийлээ

Нийгмийн халамжийн багц хуулийн шинэчлэлээр - Халамжийн сангийн мэргэжилтэн С.Эрдэнэтуяа, олон нийтийн ...

Сурталчилгаа

Веб статистик

Таны IP хаяг: 54.224.50.28
2017-01-03-ний өдрөөс хойш.
  • 52 Онлайн
  • 316 Өнөөдөр
  • 483 Өчигдөр
  • 316 Долоо хоногт
  • 14379 Сүүлийн сард
  • 748938 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  586

Facebook

Цаг агаар