СУРГУУЛЬ, ЦЭЦЭРЛЭГИЙН ЗАСВАРЫГ ХУГАЦААНД НЬ ДУУСГАХ ҮҮРЭГ ӨГЛӨӨ

Долоо хоног бүрийн даваа гарагт хуралддаг Засаг даргын шуурхай зөвлөгөөн боллоо. Хуралдааныг Засаг даргын орлогч С.Батжаргал удирдаж, төрийн байгууллагын удирдлагуудад хэд хэдэн чиглэлээр үүрэг, даалгавар өгсөн юм.

Тухайлбал, Боловсролын салбарт хийгдэж буй хөрөнгө оруулалтын ажлуудаас 6, 16-р цэцэрлэг тэргүүтэй байгууллагуудын засварын ажил удаашралтай байгааг шүүмжиллээ. Энэ нь хүүхэд, эцэг эхчүүдэд хүндрэл учруулах эрсдэлтэй тул гүйцэтгэгч компаниудад шаардлага тавьж засварын ажлыг хугацаанд нь дуусгах үүргийг Хот байгуулалт, барилга захиалагчийн албанд өгсөн юм.  

Мөн хотын болон хөдөө аж ахуйн салбарын өвөлжилтийн бэлтгэл ажил эд өрнөж буй энэ үед хотын утааг бууруулах, гэр хорооллын айлуудын түлшний хэрэгцээг хангах асуудлаар бодлого боловсруулах ажил удаашралтай байгааг санууллаа. Иймд асуудал хариуцсан бодлогын хэлтсээс энэ чиглэлийн ажлаа яаравчлах хэрэгтэй гэв. 
 
Түүнчлэн Засгийн газрын болон, аймгийн Засаг даргын үйл ажиллагааны хөтөлбөр, төлөвлөгөөнд туссан олон ажил бий. Эдгээр ажлыг ирэх оны төсөвт суулгах гэтэл зураг төсөв нь бэлэн болоогүй асуудал гарсан. Дээрх жагсаалтад багтсан ажлуудын зураг төсвийг боловсруулах шаардлагатайг хуралдааны үеэр онцлон хэллээ. 
Түүнээс гадна зөвшөөрөлгүй хашаа хатгах, өргөтгөл хийх тохиолдол буурахгүй байна. Иймд энэ үйлдлийг Газрын харилцаа, барилга хот байгуулалтын газар, Мэргэжлийн хяналтын газар зэрэг байгууллагууд хамтран “Зөрчлийн тухай” хуулийн хүрээнд шийдэх хэрэгтэй гэлээ.  
 
Сүүлийн үед хотын төвөөр мал бэлчих асуудал их гарч байгаа тул Баян-Өндөр сумын ЗДТГ-аас энэ талаар баримтлах тодорхой бодлого боловсруулах хэрэгтэйг хэллээ. Мөн зэргэлдээх аймгуудаас хадлан бэлтгэх асуудлыг судалж шаардлагатай гэж үзвэл зуншлага сайн байгаа Дорнод аймагт хандах хэрэгтэй гэсэн юм. 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-09-16 734
Стандартад нэмэлт өөрчлөлт орлоо

Авто тээврийн стандартчиллын техникийн хорооны хурлын дүгнэлтийг үндэслэн, MNS 4598:2011 "Авто тээврийн ...

2017-06-08 842
НИЙТИЙН ТЭЭВРИЙН ҮЙЛЧИЛГЭЭГ САЙЖРУУЛАХ ЧИГЛЭЛЭЭР ОЛОН АЖИЛ ХИЙГДЭЖ БАЙНА

Аймгийн Засаг дарга болон төрийн байгууллагын удирдлагууд өнгөрсөн 3-р сарын 20-26-нд Баян-Өндөр, Жаргалант ...

2016-08-12 896
Өнөөдөр Илгээлтийн эзэд-Анхдагчдын өдөр

Аймгийн Иргэдийн төлөөлөгчдийн хурлын 2016 оны 6 дугаар сарын 10-ний өдрийн 63 дугаар тогтоолын дагуу ...

Сурталчилгаа

Веб статистик

Таны IP хаяг: 54.159.94.253
2017-11-30-ний өдрөөс хойш.
  • 7 Онлайн
  • 47 Өнөөдөр
  • 676 Өчигдөр
  • 723 Долоо хоногт
  • 31846 Сүүлийн сард
  • 1116049 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  624

Facebook

Цаг агаар