ОНЦГОЙ БАЙДЛЫН АЛБАНД ТУУЛАХ ЧАДВАР САЙТАЙ 10 АВТОМАШИН ХҮЛЭЭЛГЭН ӨГЛӨӨ

2017 онд гарсаар улсын хэмжээнд ой хээрийн түймэр ихээр гарч байгаатай холбогдуулан Батлан хамгаалах яамны сайдын 2017 оны А/211 тоот тушаал, Зэвсэгт Хүчний Жанжин Штабын даргын 2017 оны А/69 тоот тушаалаар Орхон аймгийн Зэвсэгт хүчний 186 дугаар ангид ашиглагдаж байсан ОХУ-д үйлдвэрлэгдсэн ЗИЛ-131 маркийн туулах чадвар сайтай 10 автомашиныг Монгол орны ой хээрийн түймэр зонхилон гардаг аймгуудын Онцгой байдлын газруудад хүлээлгэн өгөх арга хэмжээ өнөөдөр ЗХ-ний 186-р ангид боллоо.

  Автомашинуудыг хүлээлгэн өгөх арга хэмжээнд Орхон аймгийн ЗДТГ-ын Төрийн захиргаа удирдлагын хэлтсийн дарга Ш.Ганболд, ЗХЖШ-ын ар тал, техник хангалтын хэлтсийн ахлах мэргэжилтэн, инженер, хурандаа Б.Бямбаа, ОБЕГ-ын Санхүү, хөрөнгө оруулалтын газрын дарга, хошууч Я.Гантөмөр, Улсын нөөц, хүмүүнлэгийн тусламжийн газрын дарга, хошууч Ч.Цогбаяр, Орхон аймгийн Цэргийн штабын дарга, хурандаа Г.Батсуурь, Орхон аймгийн Онцгой байдлын газрын дарга, онцгой байдлын хурандаа Г.Ганбаатар, Зэвсэгт хүчний 186 дугаар ангийн захирагч, хурандаа Д.Жигжидсүрэн нар болон албаны бусад хүмүүс оролцов. 
Нийслэлийн Онцгой байдлын газар, улсын аврах тусгай анги, Булган, Төв, Орхон, Баян-Өлгий, Хөвсгөл, Дархан-Уул, Сэлэнгэ, Хэнтий аймгуудын Онцгой байдлын газарт тус бүр 1 автомашин хүлээлгэн өглөө.
  Орон нутгаас ирсэн жолооч нарт замын хөдөлгөөний аюулгүй байдал, хөдөлмөр хамгаалал аюулгүй байдлыг хангаж, хөдөлгөөнд оролцох үүрэг, зөвлөмж өгч, алтан шар зам нь өлзийтэй байхыг ерөөж аян замд үдэн гаргасан.
Туулах чадвар сайтай эдгээр автомашинуудыг энгийн автомашин хүрэхэд хүндрэлтэй, бартаа саад ихтэй газруудад хүн хүч, тусламж хүргэх, зарим нэг гал унтраах техник хэрэгсэл зөөвөрлөх, аврах ажиллагаа явуулахад ашиглах юм. 

Мэдээллийн төв
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-03-07 650
Орхон аймгийн ЗДТГ мэдээллийн цагтай боллоо

Орхон аймгийн ЗДТГ-ын дарга В.Сумъяасүх өнөөдрөөс эхлэн 7 хоног бүрийн баасан гарагийн 10:30 –аас ...

2016-01-27 500
Хөдөө ажиллах Ажлын хэсэг байгууллагдлаа

Малчид, мал бүхий өрхөд төр засгийн болон орон нутгийн бодлого, шийдвэрийг хүргэх, нийгмийн зарим үйлчилгээ ...

2016-10-25 2666
Баян-Өндөр сумын ИТХ-ын сонгуулийн 31 мандатын 26-д МАН яллаа

Баян-Өндөр сумын ИТХ-ын сонгуульд ялалт байгуулсан хүмүүс өчигдөр буюу энэ сарын 24-нд түр үнэмлэхээ ...

Сурталчилгаа

Веб статистик

Таны IP хаяг: 54.159.94.253
2017-11-30-ний өдрөөс хойш.
  • 8 Онлайн
  • 48 Өнөөдөр
  • 676 Өчигдөр
  • 724 Долоо хоногт
  • 31847 Сүүлийн сард
  • 1116050 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  624

Facebook

Цаг агаар