СЭЛЭНГЭ АЙМГИЙН ЕРӨӨ СУМАНД ТҮЙМЭР УНТРААХ АЖИЛД ДЭМЖЛЭГ ҮЗҮҮЛЭХ ЦУВАА ХӨДӨЛЛӨӨ

Засаг дарга Д.Батлут өнөө өглөө аймгийн Онцгой комиссын хурлыг шуурхай хуралдууллаа. Учир нь зэргэлдээх аймгуудад гал түймэр гарч манай аймгийн Онцгой байдлын газрын алба хаагчид дайчлагдан ажиллаж буй. Тодруулбал,  Өнөөдрийн байдлаар Булган аймагт 2, Сэлэнгэ аймагт 8, Төв аймагт 6 түймэр гарчээ. Уг түймрийг унтраах ажилд Орхон, Дархан, Сэлэнгэ, Булган, Дорноговь, Дундговь, Нийслэлийн Онцгой байдлын аврах ангиудаас 600 орчим алба хаагч ажиллаж байна. Эдгээрийн 30 нь манай аймгийн Онцгой байдлын газрын алба хаагчид бөгөөд тэд Сэлэнгэ аймгийн Ерөө суманд гарсан түймрийг унтраах ажиллагаанд оролцоод 5 хонож байгаа аж.   

Онцгой комиссын хуралдааны үеэр аймгийн ОБГ-ын дэд дарга Д.Золжаргал хэлсэн үгэндээ “Түймэр унтрааж буй алба хаагчдын гурав хоногийн хүнс дууссан. Мөн гутал, бээлий, амны хаалт, даавуун хувцас, гар чийдэн, ус зөөвөрлөх савны хэрэгцээ маш их байна” гэсэн юм. 
 
Иймд аймгийн Засаг дарга бөгөөд Онцгой комиссын дарга хэд хэдэн шийдвэр гаргаж, үүрэг даалгавар өглөө. Тухайлбал, Лаазалсан хүнсний бүтээгдэхүүн, амны хаалт, бээлий, цэвэр ус, бэлэн бүтээгдэхүүн их хэмжээгээр бэлтгэж, Зэвсэгт хүчний 186, 110-р ангиас түймэр унтраахад шаардлагатай багаж хэрэгслийг татан төвлөрүүллээ. Мөн маргааш буюу энэ сарын 17-оос аймгийн хэмжээнд амралт зугаалгаар явахыг хориглох, явсан тохиолдолд амралтын газарт амрах талаар захирамж гаргахаар боллоо. Түүнчлэн түймэрт ажиллаж буй алба хаагчдад туслах аян өрнүүлсэн залуучуудын цуглуулсан тусламжийн зүйлсийг дээр дурдсан зүйлстэй нэгтгэж  Сэлэнгэ аймгийн Ерөө суманд хүргэхээр замдаа гарлаа. Эдгээрийг хүргэхээр аймгийн Засаг дарга Д.Батлут, Орлогч С.Батжаргал тэргүүтэй албаны хүмүүс тус сумыг зорьсон юм. 
 
Мөн уг ажилд “Эрдэнэт үйлдвэр” ХХК-аас ачааны автомашин, 100 литр шатахуун, цэвэр ус, хувцас хэрэглэл, ус зөөхөд зориулж 1 тоннын багтаамжтай 20 ширхэг савыг хандивлаж хамтран ажиллаж байна. 
 
 
 
 
 
 
 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-11-11 2556
БОЛОВСРОЛЫН ГАЗРЫН 2014 ОНЫ 11 ДҮГЭЭР САРЫН I ДОЛОО ХОНОГИЙН АЖЛЫН МЭДЭЭ

2014-2016 онд Боловсролын салбарыг хөгжүүлэх хөтөлбөр, хэрэгжүүлэх үйл ажиллагааны төлөвлөгөөний төслийг ...

2014-05-18 559
Байгаль орчны чиглэлээр /2014.05.12-16/

1.Аймгийн Засаг даргын 2014 оны А/244 дүгээр захирамж гарсантай холбогдуулан барилгын сууриас гарах ...

2013-11-13 1015
ЭТАЛОН ТОНОГ ТӨХӨӨРӨМЖ БАТАЛГААЖУУЛАЛТАНД ХАМРУУЛЛАА

Манай аймагт Улаанбаатар хотын Стандартчилал хэмжил зүйн газрын хэмжил зүйн хэлтсийн Цахилгааны эталон ...

Сурталчилгаа

Веб статистик

Таны IP хаяг: 23.20.193.33
2017-01-03-ний өдрөөс хойш.
  • 26 Онлайн
  • 1751 Өнөөдөр
  • 1293 Өчигдөр
  • 4182 Долоо хоногт
  • 51266 Сүүлийн сард
  • 676736 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  566

Facebook

Цаг агаар