ОРХОН АЙМГИЙН БАЯР НААДАМД АЙМГИЙН НАЧИН Д.ХИШИГДАВАА ТҮРҮҮЛЖ “АЙМГИЙН АРСЛАН” ЦОЛ ХҮРТЛЭЭ

Тулгар төрийн 2226,  Их Монгол улс байгуулагдсаны 811, Ардын хувьсгалын 96 жилийн ой, Орхон аймгийн баяр наадам ёслол төгөлдөр болж өндөрлөлөө. 

Энэ жилийн наадамд хүчит 256 бөх зодоглосноос Увс аймгийн Малчин сумын харъяат Монгол улсын заан Өлзийн Тулгаагийн хүү аймгийн арслан Т.Сүрэнжав, Орхон аймгийн Баян-Өндөр сумын харъяат аймгийн цогт харцага н.Батзул нар шөвгөрсөн. 
       Түрүү, үзүүр булаалдахаар Завхан аймгийн Завханмандал сумын харъяат аймгийн арслан Б.Уртбаяр, Булган аймгийн Могод сумын харъяат аймгийн нэмэх начин Д.Хишигдаваа нар барилдсан юм. Ардын хувьсгалын 96 жилийн ойн баяр, Орхон аймгийн баяр наадамд аймгийн арслан Б.Уртбаяр үзүүрлэж, аймгийн начин Д.Хишигдаваа түрүүлж аймгийн арслан цол хүртлээ. Мөн тав давж шөвгөрсөн Б.Отгонбат, Б.Эрдэнэчулуун, А.Пүрэвээ нар аймгийн начин цол хүртсэн. 
        Харин үндэсний сурын харваанд Орхон аймгийн харваачид маань уухай нь цээл, сум нь мэргэн байж “Цахилгаан дамжуулах үндэсний сүлжээ” ТӨХК-ийн харваач Г.Ууганбаяр, “Хангарьд” спорт клубын харваач Ш.Энхтуул нар аймгийн мэргэн цолны болзолыг хангалаа. 
         Хурдан морьдын уралдаан морь барианы газарт зохион байгуулагдсан бөгөөд хурдан азарганы уралдаанд Орхон аймгийн Баян-Өндөр сумын уяач Д.Баясгалангийн Сартай хүрэн азарга түрүүлж, Орхон аймгийн Баян-Өндөр сумын уяач М.Мөнхбаярын “Бөөдий” бор азарга аман хүзүүд хурдалсан. Их насны морьдын уралдаанд Орхон аймгийн Баян-Өндөр сумын уяач М.Мөнхбаярын “тогос хээр” түрүүлж, Орхон аймгийн Баян-Өндөр сумын уяач Д.Даваасамбуугийн “Цоглог хээр” аман хүзүүдсэн байна. 
          Хүлэг хүлгийн дундаас хамгийн эрмэг хурдан нь болох соёолонгийн уралдаанд Орхон аймгийн Баян-Өндөр сумын уяач Х.Баттулгын хээр түрүүлж, аман хүзүүнд Орхон аймгийн Баян-Өндөр сумын уяач Б.Цэвээнсүрэнгийн хонгор халзан соёолон хурдалж торгон жолоогоо өргөжээ. Хязаалан насны морьдын уралдааны түрүү магнайд Орхон аймгийн Баян-Өндөр сумын уяач Б.Цэвээнсүрэнгийн хээр, Хөвсгөл аймгийн Тосонцэнгэл сумын уяач Я.Нямдоржийн хонгор халзан хязаалан аман хүзүүдэж унасан хүүхэд, уясан эзнээ баярлууллаа. Түүнчлэн шүдлэн насны морьдын уралдаанд Орхон аймгийн Баян-Өндөр сумын уяач Ч.Батжаргалын хүрэн түрүүлж, Орхон аймгийн Баян-Өндөр сумын уяач н.Ганзоригтын хул үрээ аман хүзүүдэж уясан эзэн, унасан хүүхдээ баярлууллаа. 
        Өхөөрдөм хөөрхөн дааганы уралдаанд Орхон аймгийн Баян-Өндөр сумын уяач Б.Цэвээнсүрэнгийн хүрэн даага түрүүлж, Орхон аймгийн Баян-Өндөр сумын уяач Д.Батхишигийн хээр даага аман хүзүүдсэн байна.
Дэнжийн цэцэгсийг алаглуулж, дээл хуараараа гоёсон Орхон аймгийн маань баяр наадам нар хур тэгширч, хүн зоны сэтгэл тэнийсэн дэлгэр сайхан болж өндөрлөлөө.
 
Мэдээллийн төв
 
 
 
 
 
 
 
 
 
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-09-28 644
Байгаль орчны газрын долоо хоногийн мэдээ /2014.09.22-26/

1.Аймгийн Засаг даргын 2014 оны А/151 тоот захирамжаар байгуулагдсан “Байгалийн нөөц баялгийн ашиглалт, ...

2013-08-21 1608
Сурагчийн шинэ дүрэмт хувцсыг 8-сарын 25-наас олгож эхэлнэ.

Энэ хичээлийн жилээс эхлэн хэрэгжиж буй “Эх орон шингэсэн эрдмийн дүрэмт хувцас”-ны загварыг ...

2015-02-17 1280
СТАНДАРТЧИЛАЛ ХЭМЖИЛЗҮЙН ХЭЛТСИЙН ХАМТ ОЛОН АЖЛАА ДҮГНҮҮЛЖ ТЭРГҮҮЛЛЭЭ

2015 оны 02-р сарын 12-13-ны өдрүүдэд Монгол улсын Стандартчилал хэмжилзүйн байгууллагуудын удирдах ...

Сурталчилгаа

Веб статистик

Таны IP хаяг: 54.224.50.28
2017-01-03-ний өдрөөс хойш.
  • 42 Онлайн
  • 325 Өнөөдөр
  • 483 Өчигдөр
  • 325 Долоо хоногт
  • 14388 Сүүлийн сард
  • 748947 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  586

Facebook

Цаг агаар