МЭНДЧИЛГЭЭ

 Эрхэм хүндэт наадамчид аа 

                                         Эрхэм хүндэт эрдэнэтчүүд ээ

Монголын Тулгар төрийн 2226,  Их Монгол улс байгуулагдсаны 811, Ардын хувьсгалын 96 жилийн ойн баярын мэнд дэвшүүлье!

Эцэг өвгөдөөс уламжлан ирсэн эрийн гурван  наадам бол Монголын төрт ёс, Монголын ард түмний эв нэгдэл, эрх чөлөө, тусгаар тогтнолыг илэрхийлсэн Үндэсний их баяр цэнгэл,  бэлгэ  бэлгэдлийн дээд билээ.

Орхон аймаг, Эрдэнэт хот бол  гурван цагийн хэлхээс, найрамдалт харилцааны шүтэн барилдлагад сүндэрлэн боссон, зуунд мөртэй, дэлхийд данстай бүтээн байгуулалтын аргамаг хүлэг юм.

 Энэ аргамаг   хүлгийнхээ уяа сойлгыг тааруулж хөгжил дэвшлийн торгон жолоо, тод магнай болгохын төлөө бид Орхон аймаг, Эрдэнэт хотын хөгжлийн бүхий л зангилааг  хүний хөгжилд чиглүүлж байна. Засаг даргын 2016- 2020 оны Үйл ажиллагааны хөтөлбөр, төлөвлөгөөг хэрэгжүүлэх гол зорилт бол 18 дэд хөтөлбөр юм.

Хөдөлмөр эрхлэлтийг дэмжиж ажлын байрыг нэмэгдүүлэх, ахмад настны нийгмийн оролцоог дээшлүүлэх, иргэдийн  эрүүл мэнд, амар тайван орчныг бүрдүүлэх нь 18 дэд хөтөлбөрийн гол зорилт бөгөөд  манай хотын ирээдүйн хөгжлийн түлхүүр юм. 

Иймд бид өнгөрсөн 5 дугаар сард “Хөгжил бүтээх 18” өдөрлөгийг зохион байгуулж Ахмад настны “Ач санах”, иргэдээ ажилтай, орлоготой болгох “Эрдэнэтчүүд эрдэнэтчүүдээ хайртай” , эмч, багш нарын нийгмийн асуудлыг шийдвэрлэх “Эмч”, “Багш” дэд хөтөлбөрөө Эрдэнэтчүүддээ танилцуулсан билээ.  Мөн  төрийн анхан шатны нэгж “Багийн хөгжлийг дэмжих” дэд хөтөлбөрийн хүрээнд  Орхон аймгийн 23 баг  “Эрдэнэт үйлдвэр” болон  төрийн байгууллагуудтай  хамтран ажиллахаар болсоныг дуулгахад таатай байна.

   Төрт ёсны их баяр цэнгэл-Монгол наадмаараа айл хотлоороо амар амгалан, улс орноороо уужим талбиун цэнгэж, бөх нь бяртай, сум нь цэцтэй, морьд нь хурдан байхын ерөөл дэвшүүлье.

                                    Та бүхэн сайхан наадаарай 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-03-05 563
Австралийн сургалтын тэтгэлэгт хөтөлбөрт хамрагдахыг урьж байна

Өнөөдөр нутгийн удирдлагын ордонд төрийн албан хаагчдад Австралийн сургалтын тэтгэлэгт хөтөлбөрт хэрхэн ...

2015-10-05 549
Дулааны шугаманд холбогдсон аж ахуйн нэгж, айл өрх албан байгууллагуудын дулаан даралтын хэмжүүрүүдийг шалгаж баталгаажуулах ажил явагдаж байна

Стандартчилал Хэмжилзүйн хэлтэс нь 2015 оны өвөлжилтийн бэлтгэл ажилтай холбогдуулан Орхон аймагт үйл ...

2015-10-09 491
Байгаль орчны салбарын байгууллагуудын нээлттэй хаалганы өдөрлөг болж байна

Байгаль хамгаалах намрын сарын ажил “Байгаль хамгаалал - Орон нутагт ” уриан дор улсын хэмжээнд ...

Сурталчилгаа

Веб статистик

Таны IP хаяг: 54.167.196.208
2017-11-30-ний өдрөөс хойш.
  • 9 Онлайн
  • 195 Өнөөдөр
  • 1505 Өчигдөр
  • 7759 Долоо хоногт
  • 32543 Сүүлийн сард
  • 1081959 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  622

Facebook

Цаг агаар