ОРХОН АЙМАГ ДАХЬ НУТГИЙН ЗАХИРГААНЫ БАЙГУУЛЛАГЫН ШАЛГАЛТЫН САЛБАР КОМИСС

              ИЛТГЭХ ХУУДАС

 Төрийн жинхэнэ  албан тушаалд анх орох иргэдээс авах  мэргэшлийн шалгалтын  дүнгийн тухай

 

            Монгол улсын Төрийн албаны тухай хууль, Төрийн албаны зөвлөлийн  2013 оны  86 дугаар тогтоолоор батлагдсан “Төрийн жинхэнэ албан тушаалд анх ороход мэргэшлийн шалгалт авах журам”, Төрийн жинхэнэ албан тушаалд анх ороход авах  мэргэшлийн шалгалтын үнэлгээ, дүн гаргах заавар”-ын  дагуу  2017 оны  06 дугаар сарын 22-ны өдөр   Төрийн жинхэнэ албан тушаалд анх орох иргэдээс авах  мэргэшлийн шалгалтыг зохион байгуулан явууллаа.

 

            1.Бүртгэл

 

            Аймаг дахь Төрийн албаны зөвлөлийн салбар зөвлөлөөс  нутгийн захиргааны  байгууллагын шалгалтын салбар комиссыг 5  хүний бүрэлдэхүүнтэйгээр баталсан ба салбар комиссын дэргэд бүртгэлийн болон сорилын шалгалт, ярилцлагын гэсэн 3  ажлын хэсгийг 11 хүний бүрэлдэхүүнтэйгээр томилон ажиллууллаа.

Бүртгэлийн ажлын хэсэг 2017 оны 06 дугаар сарын 19-20-ны өдрүүдэд  мэргэшлийн шалгалтанд орохыг хүссэн  иргэдийн бүртгэлийг хийсэн ба   14 ажлын байранд 54 иргэн  бүртгүүлсэн.

           

            2.Ерөнхий мэдлэгийн түвшин тогтоох шалгалт

 

Ш.Отгонбилэгийн нэрэмжит Технологийн сургуулийн 202 тоот компьютерийн танхимд  онлайн шалгалтыг  9.05 цагаас эхэлсэн.  

 

            Ерөнхий мэдлэгийн түвшин тогтоох шалгалтад 53  иргэн орсон ба 23 иргэн 36 ба түүнээс дээш оноо авч тэнцсэн байна.Шалгалтын явцад ямар нэгэн хүндрэл  гараагүй болно.

 

            3.Монгол хэл бичгийн мэдлэгийн болон албан хэрэг хөтлөх ур чадварын түвшин тогтоох шалгалт

 

Ерөнхий мэдлэгийн түвшин тогтоох шалгалтад тэнцсэн 23  иргэн шалгалтад  орсон ба  22 иргэн 9 ба түүнээс дээш оноо авч тэнцсэн. Шалгалтын явцад ямар нэгэн хүндрэл  гараагүй болно.

 

4.Мэдээллийн технологийн ур чадварын түвшин тогтоох шалгалт

 

Монгол хэл бичгийн мэдлэгийн болон албан хэрэг хөтлөх ур чадварын түвшин тогтоох шалгалтад тэнцсэн дээрх 22 иргэнээс шалгалтыг авлаа. Ямар нэгэн хүндрэл бэрхшээл гараагүй болно.

                                               

            5.Мэдлэг хандлага, зан үйлийг тодорхойлох шалгалт

 

Мэдлэг хандлага, зан үйлийг тодорхойлох ярилцлагын шалгалтын ажлын хэсэг   дээрх 22 иргэнтэй ганцаарчилсан хэлбэрээр ярилцлага зохион байгуулсан ба дүнг тухайн үед нь танилцуулан гарын үсэг зуран баталгаажуулсан.

 

            Шалгалтын салбар комисс нь  шалгалтын дүнг хуралдаанаараа хэлэлцэн шалгалтанд 60 ба түүнээс дээш оноо авч тэнцсэн нэр бүхий  11 иргэнийг “Дэс түшмэлийн ангилалын төрийн жинхэнэ албан тушаалд анх орох иргэний  нөөц”-д бүртгүүлэхээр, “Дэс түшмэлийн ангиллын төрийн жинхэнэ албан тушаалд анх орох иргэний нөөц”-д бүртгэгдсэн иргэдээс хамгийн өндөр оноо авсан нэр бүхий 8 иргэнийг  өрсөлдсөн албан тушаалуудад нь  томилуулахаар, нэр бүхий  11 иргэнийг  “Туслах түшмэлийн ангилалын төрийн жинхэнэ албан тушаалд анх орох иргэний  нөөц”-д бүртгүүлэхээр, “Туслах түшмэлийн ангиллын төрийн жинхэнэ албан тушаалд анх орох иргэний нөөц”-д бүртгэгдсэн иргэдээс хамгийн өндөр оноо авсан нэр бүхий 2 иргэнийг  өрсөлдсөн албан тушаалуудад нь  томилуулах саналыг Төрийн албаны мэргэшлийн шалгалтын  төв комисст хүргүүлэхээр  шийдвэрлэв.                       

            6.Дүгнэлт

 

            2017 оны 06 дугаар сарын 22-ны өдөр зохион байгуулагдсан  Төрийн жинхэнэ албаны  мэргэшлийн шалгалт цахим хэлбэрээр зохион байгуулагдаж холбогдох  журам, үнэлгээний зааврын дагуу графикт хугацаанд амжилттай  явагдлаа. 

           

            Төрийн жинхэнэ  албаны мэргэшлийн шалгалтын  үеэр болон  бэлтгэл ажилтай холбоотой ямар нэгэн зөрчил дутагдал гараагүй.

 

            Мөн түүнчлэн төрийн жинхэнэ албаны мэргэшлийн шалгалтын  үйл явцыг  сонирхсон этгээдэд  дэлгэцээр ажиглан харах боломжийг бүрдүүлж үйл ажиллагааны ил тод байдлыг ханган ажиллалаа. Шалгалтын үйл явц бүрийн бичлэгийг хийн архивласан.

           

            7.Хураамж

 

54 иргэний шалгалтын хураамж 324000 төгрөгийг аймгийн ЗДТГ-ын нэмэлт санхүүжилтийн дансанд бэлэн бусаар тушаалгасан ба  зарцуулагдаагүй байгаа болно.

           

                        КОМИССЫН ДАРГА                                                Ш.ГАНБОЛД

                       

                        НАРИЙН БИЧГИЙН ДАРГА                                                Ч.БАЯНЖАРГАЛ

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-03-10 2544
Орхон аймгийн нутгийн захиргааны байгууллагын төрийн жинхэнэ албан тушаалын ажлын байрны сул орон тоог нөөцөөс нөхөхөөр зарлаж байна

Төрийн албаны тухай хуулийн 17 дугаар зүйлийн 17.5-д “Хуульд өөрөөр заагаагүй бол ажил олгогч төрийн ...

2014-09-16 1216
Төрийн албаны зөвлөлийн салбар зөвлөл хуралдав

7 Аймаг дахь ТАЗ-ийн салбар зөвлөлийн 7 дугаар хуралдааныг 2014 оны 9 сарын 16-ны өдөр хийж “Төрийн ...

2014-01-23 1537
АЙМАГ ДАХЬ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛ ХУРАЛДЛАА

Аймаг дахь Төрийн албаны зөвлөлийн салбар зөвлөл 2014 оны 01 сарын 23-ны өдөр хуралдаж Төрийн жинхэнэ ...

Ангилал

Сурталчилгаа

 

 

 

Веб статистик

Таны IP хаяг: 3.227.240.143
2017-11-30-ний өдрөөс хойш.
  • 7 Онлайн
  • 133 Өнөөдөр
  • 1788 Өчигдөр
  • 1921 Долоо хоногт
  • 43414 Сүүлийн сард
  • 1990646 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  743

Facebook

Цаг агаар