Цагдаагийн дэд хурандаа Ш.Оюунбаяр даргатай Шүүхийн шинжилгээний албаны хамт олон нь гарын хээний мөр, хуурамч бичиг баримт, хуурамч гарын үсэг, гутлын болон мал, тээврийн хэрэгслийн мөрөнд шинжилгээ хийх, гэмтлийн зэрэг, гэмт хэргийн улмаас нас барсан шалтгааныг тогтоох, эд эрхтний гистологийн шинжилгээ, цусны бүлэг тогтоох, цусан дахь спиртийн агууламж, санхүүгийн баримт материалд шинжилгээ магадлагаа гаргах, шаардлагатай хүмүүсийн гар  хурууны хээг авч санд төвлөрүүлэх, галт зэвсгийн сум, хонгиог санд төвлөрүүлэх гэх мэт үйл ажиллагаа явуулдаг. Энэ ч утгаараа цаг агаарын хаьуу ширүүн нөхцөл, өдөр шөнийн аль ч үед хэргийн газарт хамгийн түрүүнд орж ажилладаг хүнд алба. 

Тиймээс орон нутгаас Орхон аймгийн Шүүхийн шинжилгээний албаны алба хаагчдын ажиллах орчин нөхцөлийг сайжруулах, зарим төрлийн багаж зэвсэглэмжээр хангах үүднээс 50 гаруй сая төгрөгийн хөрөнгө оруулалт хийсэн. Үүний хүрээнд автомашин, зарим нэг кримналистикийн багаж, хөдөлмөрийн аюулгүй байдлыг хангах хувцас, явуулын лаборатори зэргийг Орхон аймгийн Засаг дарга өнөөдөр хүлээлгэн өглөө. 

Энэ үеэр мөн Цагдаагийн Ерөнхий газрын даргын тушаалаар тус албаны зарим алба хаагчид цол нэмсэн баярт үйл явдал тохиосон.