ҮЕРТ ӨРТСӨН 10 АЙЛД ГЭР ОЛГОЛОО

6 дугаар сарын 28-ны өдрийн 22 цаг 23 минутын орчимд дуу цахилгаантай хүчтэй аадар бороо, мөндөр орж, салхи шуурга үүссэний улмаас Баян-Өндөр сумын Эрдэнэ баг, Жаргалант сумын нутаг дэвсгэр дээр гамшгийн нөхцөл байдал үүсээд байсан билээ. Хүчтэй аадар бороо, мөндөр, салхи шуурганы улмаас 36 байшингийн дээвэр хууларч, 8 айлын байшингийн цонх хагарч, гадна пасад, хана хуурч эвдэрсэн, 44 айлын гэр, 82 хашаа нурсан, 5 автомашины шил хагарсан, нийт 2 га талбайд тарьсан 418 мод, цэцэг бут гэмтсэн, 4 хүлэмж нурж гэмтэн, 48 тахиа, 1331 толгой мал хорогдож иргэдэд ихээхэн хэмээний хохирол учирсан. 

Холбогдох төр захиргааны байгууллага, алба хэлтэс, мэргэжлийн байгууллагууд шуурхай ажилласны үр дүнд гамшгийн дараах хохирлыг богино хугацаанд арилгасан билээ. Энэхүү байгалийн гамшигт үзэгдлийн улмаас 20 гаруй айлын гэр дахин барих боломжгүй болтлоо эвдэрч нурсан. Тэгвэл үерийн дараахан Орхон аймгийн ЗДТГ-аас 5 айлд шинэ гэр өгсөн бол өнөөдөр Уулын баяжуулах “Эрдэнэт үйлдвэр” ХХК 5 айлд, Орхон аймаг дахь Улаан загалмайн хорооноос мөн 5 айлд гэр олгосноор одоогийн байдлаар нийт 15 айл шинэ гэртэй болоод байна. 
Дээрхи айлуудад гэр олгоход Уулын баяжуулах “Эрдэнэт үйлдвэр” ХХК, Орхон аймгийн удирдлагуудын нягт хамтын ажиллагааны үр дүн бас байсныг дурдах хэрэгтэй. 
Ийнхүү Ардын хувьсгалын 96 жилийн ойн баяр наадмаас өмнө гамшигт өртсөн ихэнх айлууд өргөө цагаан гэртэй болсон бөгөөд гэр гардуулахад Орхон аймгийн Засаг дарга Д.Батлут, Засаг даргын орлогч С.Батжаргал, “Эрдэнэт үйлдвэр” ХХК-ийн Ерөнхий захирал Х.Бадамсүрэн, Нийгмийн асуудал эрхэлсэн орлогч Д.Дэлгэрбаяр, Орхон аймгийн Улаан загалмайн хорооны дарга Д.Тунгалаг нарын албаны бусад хүмүүс оролцлоо. 
 
Мэдээллийн төв
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-10-23 3855
ЗАХ ЗЭЭЛД ӨРСӨЛДӨХ “ГАГНУУРЫН ЭЛЕКТРОД” ҮЙЛДВЭРЛЭЖ ЭХЭЛЛЭЭ

Зөвхөн ”Эрдэнэт үйлдвэр” ХХК гэхэд л үйлдвэрлэлийн үйл ажиллагаандаа өдөрт 60 тонн гагнуурын электрод ...

2013-07-17 1121
Эрдэнэтийн наадам сайхан боллоо.

Жил жилийн наадам сайхан болдог. Энэ жилийн наадам бүр ч сайхан боллоо. Хүннү гүрэн байгуулагдсаны 2222 ...

2015-09-03 928
150 хүүхдийн цэцэрлэг энэ онд ашиглалтанд орохгүй

Баянбулаг багт баригдаж байгаа 150 хүүхдийн цэцэрлэгийн барилгын ажлын явцтай мөн танилцлаа.

Сурталчилгаа

 

 

 

Веб статистик

Таны IP хаяг: 35.173.57.84
2017-11-30-ний өдрөөс хойш.
  • 49 Онлайн
  • 7439 Өнөөдөр
  • 2824 Өчигдөр
  • 13985 Долоо хоногт
  • 60404 Сүүлийн сард
  • 2057946 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  749

Facebook

Цаг агаар