“ЭРДЭНЭТ ҮЙЛДВЭР” ХХК БОЭТ-Д 100 САЯ ТӨГРӨГИЙН ХӨРӨНГӨ ОРУУЛАЛТ ХИЙХЭЭР БОЛЛОО

Орхон аймаг, “Эрдэнэт үйлдвэр” ХХК 4 жил тутамд хамтран ажиллах гэрээ байгуулдаг уламжлалтай. Хамгийн сүүлд хоёр тал 2013 онд гэрээ байгуулсан юм. Үүний хүрээнд 2017 онд хамтран хэрэгжүүлэх ажлын төлөвлөгөөндөө гарын үсэг зурлаа. Уг үйл ажиллагаанд аймгийн ИТХ-ын дарга П.Пүрэвлхагва, Засаг дарга Д.Батлут, “Эрдэнэт үйлдвэр” ХХК-ийн Ерөнхий захирал Х.Бадамсүрэн тэргүүтэй албаны хүмүүс оролцлоо. 

Энэ онд Орхон аймаг, “Эрдэнэт үйлдвэр” ХХК 6 чиглэлээр нийтдээ 27 ажил зохион байгуулна. Тухайлбал, Байгаль орчин, экологи, хүн амын эрүүл мэндийг хамгаалах, ажлын байр нэмэгдүүлэх, бизнес эрхлэгчдийг дэмжих, дэд бүтэц, нийгмийн чиглэлд хамтарна. Үүний хүрээнд хаягдлын аж ахуйн цагаан шорооны тоосноос үүсч буй сөрөг нөлөөллийг судалж, шийдвэрлэх, Хангал голын  гольдролыг цэвэрлэж, Баянцагаан баг, вокзал орчимд усны харгиа барих, БОЭТ-д "Эрдэнэт үйлдвэр" ХХК-иас 100 сая төгрөгийн өртөг бүхий тоног төхөөрөмж болон түргэн тусламжийн тусгай зориулалтын 2 автомашины хөрөнгө оруулалт хийхээр боллоо. Мөн “Эрдэнэт үйлдвэр” ХХК стандартын шаардлага хангасан, импорт орлох бараа, бүтээгдэхүүнээс худалдан авч орон нутгийн бизнес эрхлэгчдийг дэмжих, тус үйлдвэрт илүүдэлтэй байгаа  материал, тоног төхөөрөмж, техник хэрэгслийг  орон нутгийн хэрэгцээт байгууллагуудад хөнгөлөлттэй үнээр олгох талаар төлөвлөгөөнд тусжээ. Түүнээс гадна орон сууцны хороолол дахь үлдсэн 7 байрны фасадыг будах, “Орон сууц” хөтөлбөрийн хүрээнд орон сууцны зарим төслийг хэрэгжүүлэх ажлыг хамтран эрчимжүүлэхээр болсон гэдгийг албаны хүмүүс хэллээ. 

ГОВИЛ, БАЯНЦАГААН, УУРХАЙЧИН БАГИЙН ТОХИЖИЛТОД “ЭРДЭНЭТ ҮЙЛДВЭР” ХХК 100 САЯ ТӨГРӨГИЙН ХӨРӨНГӨ ОРУУЛНА
 Хамтын ажиллагааны гэрээнд газар тариалангийн бүс нутаг Жаргалант суманд Ерөнхий боловсролын сургуулийн   нэг  блок  дээврийг засварлах, ногоо услах зорилгоор  Хангалын голын  4 цэг дээр  зориулалтын хаалт хийх юм. Мөн Говил, Баянцагаан, Уурхайчин багийн иргэдийн тавьж буй хүсэлт, саналыг шийдвэрлэхэд дэмжлэг үзүүлэх зорилгоор “Эрдэнэт үйлдвэр” ХХК-иас 100 сая төгрөгийн санхүүгийн туслалцаа үзүүлэх аж. 
Гэрээнд гарын үсэг зурах ёслолын үеэр аймгийн Засаг дарга Д.Батлут хэлэхдээ “Хамтын ажиллагааны төлөвлөгөөнд орон нутгийн иргэдийн эрх ашгийг хамгаалж, Эрдэнэт хотын хөгжилд хувь нэмэр оруулах, үр дүнг нь тооцож болохуйц ажлууд туссан” гэлээ. Тэгвэл “Эрдэнэт үйлдвэр” ХХК-ийн Ерөнхий захирал Х.Бадамсүрэн хоёр тал 2017 хамтран ажиллах төлөвлөгөөгөө нэн чухал цаг үед баталж байгааг онцлон хэллээ.  
 
 
 
 
Мэдээллийн төв

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-11-13 1305
ЭМНЭЛЭГ, ОНЦГОЙ, ЦАГДААГИЙН ДУУДЛАГЫН ТӨВИЙГ НЭГ ДОР ТӨВЛӨРҮҮЛНЭ

Аймгийн хэмжээнд ажиллаж буй камерын нэгдсэн хяналт, Онцгой байдал, Цагдаа, Түргэн тусламжийн үйлчилгээг ...

2018-10-10 3890
ЭРДЭНЭТ ХОТЫН ЦЭВЭРЛЭХ БАЙГУУЛАМЖИЙН ӨРГӨТГӨЛ БҮРЭН ДУУСЖЭЭ

Аймгийн Засаг даргын орлогч С.Батжаргал Бурхан багшийн сэрэг дүр, Баянцагаан багийн цэцэрлэгийн өвөлжилтийн ...

2014-01-10 1325
2013 ОНД ИРГЭДЭЭС ТӨРИЙН БАЙГУУЛЛАГА, АЛБАН ТУШААЛТАНД ГАРГАСАН ӨРГӨДӨЛ, ГОМДЛЫГ ШИЙДВЭРЛЭЛТИЙН ТАЛААРХ ДҮН МЭДЭЭ ГАРЛАА

2013 онд аймаг, сумдын Засаг даргын Тамгын газар болон хэлтэс, албадууд, төрийн чиг үүрэг бүхий байгууллага, ...

Сурталчилгаа

 

 

 

Веб статистик

Таны IP хаяг: 34.232.62.209
2017-11-30-ний өдрөөс хойш.
  • 10 Онлайн
  • 51 Өнөөдөр
  • 2583 Өчигдөр
  • 4786 Долоо хоногт
  • 64793 Сүүлийн сард
  • 2348861 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  768

Facebook

Цаг агаар