НИЙТИЙН ТЭЭВРИЙН ҮЙЛЧИЛГЭЭГ САЙЖРУУЛАХ ЧИГЛЭЛЭЭР ОЛОН АЖИЛ ХИЙГДЭЖ БАЙНА

Аймгийн Засаг дарга болон төрийн байгууллагын удирдлагууд өнгөрсөн 3-р сарын 20-26-нд Баян-Өндөр, Жаргалант сумын 23 багийн иргэдтэй уулзалт хийсэн. Энэ үеэр иргэдээс гарсан санал, хүсэлтээс  олон нийтэд хамааралтай 40 багц арга хэмжээг төлөвлөгөө болгон хэрэгжүүлж эхэлсэн. Эдгээр ажлын дийлэнх нь хийгдэж дууссан бөгөөд АЗДТГ-ын Төрийн захиргааны удирдлагын хэлтсээс хэрэгжилтийн талаарх мэдээллийг олон нийтэд хүргэж байна. Уулзалтын үеэр нийтийн тээврийн үйлчилгээтэй холбоотой хэд хэдэн санал гарсан. Тодруулбал, Нийтийн тээврийн салбарт ажиллаж буй боловсон хүчний харилцаа хандлага муу байгааг олон иргэн шүүмжилсэн.

Тиймээс АИТХ-аас зарласан “Үйлчилгээний соёл, иргэдийн сэтгэл ханамж” сарын аянтай уялдуулж энэ салбарт ажилладаг жолооч, кондукторуудад зориулсан сургалтыг ЦГ-ын Замын цагдаагийн тасаг, Авто тээврийн төв, Стандарт хэмжил зүйн хэлтэс, Хэрэглэгчдийн эрх ашгийг хамгаалах нийгэмлэг зэрэг байгууллагуудтай хамтран зохион байгуулсан. Үүнд 120 хүнийг хамруулсан бөгөөд гурван үе шатаар явагджээ.

Мөн нийтийн тээврийн компаниудын үүрэг хариуцлагыг нэмэгдүүлэх, зарим маршрутыг өөрчлөх шаардлагатай байгааг олон иргэн хэлсэн. Үүний хүрээнд нийтийн тээврийн үйлчилгээ үзүүлэгч ААН-үүд болон мэргэжлийн байгууллагуудад чиглэл өгсөн. Түүнчлэн хэлэлцүүлэгт оролцсон иргэдийн саналыг нэгтгэхэд аймгийн хэмжээнд 6 чиглэлэд такси үйлчилгээний  33 зогсоолыг шинэчлэн тогтоох шаардлагатай гэж дүгнэжээ. Одоогоор автобусны зогсоолын төлөвлөлтийн зураг төсвийг Хот байгуулалт, барилга захиалагчийн алба боловсруулж байна. Мөн Их залуу багийн чиглэлд нийтийн тээврийн үйлчилгээ үзүүлэгч “Авто мастер төв” компанид стандарт мөрдөх, цагийн хуваарийн дагуу ажиллах шаардлагыг тавьсан аж.

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-05-10 486
Барилгын салбарын хөдөлмөр хамгаалал аюулгүй байдлын ажилтан бэлтгэх сертификат олгох сургалтанд урьж байна

Сургалтыг аймгийн газрын харилцаа барилга хот байгуулалтын газар, Барилгын хөгжлийн төв ТӨҮГазар хамтран ...

2014-05-07 1159
Аврагч-гал сөнөөгч 3 хүний амь насыг аварлаа

2014 оны 05 дугаар сарын 04-ний 20 цаг 28 минутанд Орхон аймгийн Баян-Өндөр сумын Рашаант багийн 40 дүгээр ...

2014-07-28 529
Стандартчилал хэмжилзүйн хэлтсийн долоо хоногийн мэдээ /2014.07.21-25/

Стандартчилал хэмжилзүйн хэлтсийн долоо хоногийн мэдээ /2014.07.21-25/ Хэмжүүр, хэмжих хэрэгслийн чиглэлээр: ...

Сурталчилгаа

Веб статистик

Таны IP хаяг: 54.224.44.168
2017-11-30-ний өдрөөс хойш.
  • 9 Онлайн
  • 178 Өнөөдөр
  • 2613 Өчигдөр
  • 6237 Долоо хоногт
  • 31021 Сүүлийн сард
  • 1080437 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  622

Facebook

Цаг агаар