ХАЧИГТ ХАЛДВАРААС СЭРЭМЖЛҮҮЛЖ БАЙНА

Сүүлийн үед хачигт хазуулах, хачигт халдвараар өвчлөх тохиолдол нэмэгдэж байна. Орхон аймгийн хэмжээнд 2017 оны эхний 5 сарын байдлаар хачигт халдварын сэжигтэй тохиолдол 21 бүртгэгдэж хачигт 3 энцефалит, 1 хачигт борреллиоз лабораториор батлагдсан бөгөөд цаашид хачигт халдварын тохиолдол өсөх хандлагатай байна. Тиймээс иргэд хачгийн идэвхжилийн үед хөдөө орон нутаг, ойд зорчихгүй байх, хачигт халдварын голомттой газруудаар явах шаардлагатай бол битүү тод өнгийн хувцас өмсөх, 2 цаг тутамд өөрийн биедээ хачиг орсон эсэхийг шалгах, хачигт хазуулсан тохиолдолд яаралтай эмнэлэгт хандах шаардлагатайг анхааруулж байна. 

Хачигт халдвар нь хүнд хачгаар дамжин халдварладаг байгалийн голомтот хурц халдварт өвчин бөгөөд хачгаар дамжин халдварладаг 30 гаруй халдвар байдгаас манай оронд хачигт энцефалит, хачигт риккетсиоз, хачигт боррелиоз өвчнүүдийг 2005 оноос албан ёсоор бүртгэж эхэлсэн. Өнгөрөгч онд улсын хэмжээнд хачигт боррелиозийн 61тохиолдол, хачигт риккетсиогийн 59 тохиолдол, хачигт энцефалитийн 12 тохиолдол бүртгэгдсэнээс 2 хүн нас барсан байна. Харин аймгийн хэмжээнд өнгөрөгч онд хачигт энцефалитийн 2 тохиолдол, хачигт риккетсиоз болон хачигт боррелиозийн тохиолдол тус тус нэг бүртгэгдсэн.
 
Хачигт риккетсиоз өвчнийг дамжуулагч хачиг нь ихэнх нутгаар тархсан байдаг бол хачигт энцефалит болон хачигт боррелиоз өвчнийг дамжуулагч хачиг нь ой мод ихтэй бүс нутагт тархсан байдаг. Хачигт энцефалит өвчний үед өндөр халуурах, толгой хүчтэй өвдөх, бөөлжих, үе мөч, ууц нуруугаар шархирч өвдөх, уналт таталт, саа саажилт зэрэг шинж илэрдэг. Хачигт боррелиоз өвчин нь толгой өвдөх, халуурах, бие сулрах, булчин үе мөчөөр өвдөх, биен дээр цагирган  тууралт гарах шинж тэмдгээр, хачигт риккетсиоз нь халуурах, толгой хүчтэй өвдөх, тууралт, тунгалагийн булчирхайн үрэвсэл, хачиг хазсан газарт үрэвсэх зэрэг шинж тэмдгүүдэр илэрдэг.
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-01-22 442
Баян-Өндөр сумын ЗДТГ ISO 9001:2008 олон улсын чанарын стандартын сертфикатаа авлаа

Баян-Өндөр сум 2015 оныг чанарын жил болгон зарласантай холбогдуулан нийт албан хаагчдадаа чанарын удирдлагын ...

2014-11-10 634
Баян-Өндөр сумын долоо хоногийн ажлын мэдээ /2014.11.03-07/

- 2014 оны 11 дүгээр сарын 03-07-ны өдрүүдэд Аймгийн ГХБХГазар, Сумын ЗДТГазар хамтран Яргуйт, Эрдэнэ, ...

2015-10-16 661
“Стандарт–дэлхий дахины нийтлэг хэл” сэдэвт уулзалт хэлэлцүүлгийг зохион байгууллаа

Дэлхийн стандартын өдрийг сурталчлан таниулах, Олон улсын стандартын байгууллагаас батлан гаргасан ...

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 21 Онлайн
  • 445 Өнөөдөр
  • 3194 Өчигдөр
  • 5982 Долоо хоногт
  • 14663 Сүүлийн сард
  • 1142478 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар