Даваа гараг бүрт хуралддаг Орхон аймгийн Засаг даргын шуурхай зөвлөлгөөн болж өндөрлөлөө. Өмнөх шуурхай зөвлөлгөөнөөс өгсөн үүрэг даалгаварын дагуу манай аймагт ажиллаж амьдарч буй гадаадын иргэдийн судалгааг гаргажээ. Энэ судалгаагаар 18 орны 887 гадаадын иргэд ажиллаж амьдарч байгаа аж. Үүнээс Монгол улсад хөдөлмөр эрхлэх зөвшөөрөлтэй, зохих ангиллын виз бүхий 543, хөрөнгө оруулагч, бизнес эрхлэгч нарын гэр бүлийн гишүүн 215, ОУ-ын байгууллагын шугамаар 27, шашны байгууллагын шугамаар 6, суралцагч 11 гадаадын иргэн байна. Манай аймагт түр хугацаагаар оршин сууж буй гадаадын иргэдийн дийлэнхийг ОХУ-ын иргэд эзэлдэг аж.
Баян-Өндөр сумын ЗДТГ-ын зүгээс Говил багт байгаа хуучин байшингуудын суурь, эзэнгүйдэж эвдэрч хэмхэрсэн обиъектийн судалгааг гаргахад 27 байрлалд 81 эзэнгүй барилгын хаягдсан суурь байгаагаас 8 нь эзэнтэй, бусад нь хариуцах эзэнгүй байдаг аж.
Авто замын засвар болон нөхөөсний ажил үргэлжилж байгаа бөгөөд одоогийн байдлаар Дэнж, Эрдэнэ, Шанд багийн авто замын нөхөөсний ажил хийгдэж дууссан Их залуу, 17-р сургууль, Шанд, Наран, Булаг, 1-р бичил хороолол, Барилгачдын талбай, Сэлэнгэ зочид буудлын ойролцоох замуудын ажил ойрын хугацаанд хийгдэж дуусах аж.
Орхон аймгийн Засаг даргын зүгээс бүтээн байгуулалтын чиглэлээр 180 гаруй ажил хийгдэхээс одоогоор 20 гаруй ажилд зөвшөөрөл олгогдсон бөгөөдбусад ажлыг яаравчлан зөвшөөрлийг нь өгч ажлыг эхлүүлэх үүрэг өглөө.
Мэдээллийн төв
.png)
Сэтгэгдэл