ТӨРИЙН ЖИНХЭНЭ АЛБАНЫ УДИРДАХ АЛБАН ТУШААЛД ТОМИЛОГДОХ АЖИЛТНЫГ СОНГОН ШАЛГАРУУЛСАН КОМИССЫН АЖЛЫН ТАЙЛАН

/Жаргалант сумын Засаг даргын Тамгын газрын Санхүүгийн албаны дарга/

2017.05.26

Орхон аймгийн Жаргалант сумын Засаг даргын Тамгын газрын дарга Ц.Даланбаатарын баталсан ажлын байрны тодорхойлолт,  захиалгаар:

 

  • Санхүүгийн албаны даргын албан тушаалд томилогдох удирдах ажилтны ажлын байранд нээлттэй сонгон шалгаруулалтыг 2017 оны 05 дугаар сарын 26-ны өдөр зохион байгуулан явууллаа.

Сонгон шалгаруулалтын зарыг Нар туссан цаг сонины 2017 оны 09/191/ сонин, www.erdenet.gov.mn, www.csc.gov.mn, www.erdenetnews.mn сайтуудаар нийтэд нээлттэй зарлан мэдээлж, 2017 оны 05 дугаар сарын 24-ний өдөр аймгийн Засаг даргын Тамгын газрын 214 тоот өрөөнд цахим хэлбэрээр Төрийн албаны зөвлөлийн програм ашиглан бүртгэлийг  явууллаа.

 

Зарлагдсан ажлын байрны сонгон шалгаруулалтанд  бүгд 7 иргэн бүртгэгдсэн.

 

            Сонгон шалгаруулалтад оролцохоор бүртгүүлсэн 7 иргэнийг  2017 оны 05 дугаар сарын 26-ны өдрийн 8.45 цагаас эхлэн  сорилын шалгалт  авахаар бэлтгэсэн Орон нутгийн өмчийн газрын сургалтын танхимд цахим үнэмлэхийг шалган оруулсан.

Аймаг дахь Төрийн албаны зөвлөлийн салбар  зөвлөлийн дарга Д.Соёлчхүү шалгуулагч нарт сонгон шалгаруулалтын комисс томилсон тухай тогтоолыг танилцуулсан ба Сонгон шалгаруулалтын комиссын дарга Ш.Ганболд сонгон шалгаруулалтын талаар танилцуулга хийж, зааварчилгаа өгөв.

05 дугаар сарын 26-ны өдрийн 09.00 цагаас сорилын шалгалтыг эхлүүллээ. Энэ үед  шалгуулагчид  болон комиссын гишүүд бүгд байсан. Сорилын шалгалтыг Төрийн албаны зөвлөлийн сэлгээний програм ашиглан цахим хэлбэрээр авсан.

            Сорилын шалгалтад оролцсон 7 иргэнээс 4 иргэн тухайн албан тушаалд шаардагдах эрх зүйн болон удирдахуйн ухааны онол, арга зүйн мэдлэгийн шалгалтад 12 ба түүнээс дээш оноо авч дараагийн шалгалтуудад орох эрх нээгдсэн.

Аймаг дахь Төрийн албаны зөвлөлийн салбар зөвлөлийн 2017  оны 05 дугаар сарын 24-ний өдрийн 34 дүгээр тогтоолоор  байгуулагдсан комисс Жаргалант сумын Засаг даргын Тамгын газрын Санхүүгийн албаны даргын албан тушаалд томилогдох  ажилтныг сонгон шалгаруулах шалгаруулалтыг Монгол Улсын Их Хурлын 2003 оны 13 дугаар тогтоолоор баталсан ”Төрийн жинхэнэ албаны удирдах албан тушаалд томилогдох ажилтныг  сонгон шалгаруулах журам”, Төрийн албаны зөвлөлийн 2013 оны 14 дүгээр тогтоолоор баталсан Төрийн жинхэнэ албаны удирдах албан тушаалд томилогдох ажилтны сонгон шалгаруулалтын үнэлгээ, дүгнэлт гаргах заавар”-ийг баримтлан дор дурдсан байдлаар сонгон шалгаруулалтад оролцогчдыг гурван үе шаттай /нэгд.  боловсрол, мэргэжил, мэргэшил, туршлага г.м, хоёрт. удирдах ур чадварын төвшин, гадаад хэл, компьютерийн хэрэглээний программд ажиллах чадвар, шийдвэрийн төсөл бэлтгүүлэх, түүний бүтэц, утга санааг гаргасан байдал, гуравт. харилцан ойлголцох түвшинг тогтоохоор хүн нэг бүртэй ярилцлага зохион байгуулж/-гаар 2017 оны 05 дугаар сарын 26-ны өдөр шалгаруулж уг албан тушаалын шаардлагыг хэрхэн хангаж буйг үнэлэв.

 

Сонгон шалгаруулалтад 60 ба түүнээс дээш оноо авч тэнцсэн 4 иргэний  шалгалтын үнэлгээг ажлын байр тус бүрээр гарган энэхүү тайлангийн хоёрдугаар  хавсралтад тусгасан.

 

            Төрийн албаны тухай хуулийн 35 дугаар зүйлийн 35.1.6, /нэг нэр дэвшигчийг дэвшүүлэх/ Монгол Улсын Их Хурлын 2003 оны 13 дугаар тогтоолоор баталсан ”Төрийн жинхэнэ албаны удирдах албан тушаалд томилогдох ажилтныг  сонгон шалгаруулах журам”-ын 33, Төрийн албаны зөвлөлийн 2013 оны 14 дүгээр тогтоолоор баталсан Төрийн жинхэнэ албаны удирдах албан тушаалд томилогдох ажилтны сонгон шалгаруулалтын үнэлгээ, дүгнэлт гаргах заавар”-ын 6.1 дэх заалтыг  баримтлан комиссын хуралдаанаар хэлэлцээд сонгон шалгаруулалтад тэнцсэн:

 

-61,02 оноо авч тэнцсэн Пүрэвийн Буянбат, 60,72 оноо авч тэнцсэн Гангрийгийн Пүрэвсүрэн, 60,55 оноо авч тэнцсэн Туяагийн Дунцэцэг, 60,15 оноо авч тэнцсэн Батнасангийн Баянжаргал нарыг Төрийн жинхэнэ албаны удирдах ажилтны нөөцийн жагсаалтад  бүртгүүлж, удирдах ажилтны нөөцийн жагсаалтад бүртгэгдсэн:

- Пүрэвийн Буянбатыг Жаргалант сумын ЗДТГ-ын Санхүүгийн албаны даргын албан тушаалд  томилуулахаар Жаргалант сумын Засаг даргын Тамгын газрын дарга Ц.Даланбаатарт нэр дэвшүүлэх саналыг аймаг дахь Төрийн албаны зөвлөлийн салбар зөвлөлийн хуралдаанд оруулахаар шийдвэрлэсэн.

 

 

 

КОМИССЫН ДАРГА                                                Ш.ГАНБОЛД

                                                НАРИЙН БИЧГИЙН ДАРГА                                     Ч.БАЯНЖАРГАЛ

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-06-05 967
АЙМГИЙН ЗАСАГ ДАРГЫН ТАМГЫН ГАЗРЫН НИЙГМИЙН ХӨГЖЛИЙН ХЭЛТСИЙН ДАРГЫН АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТ

Нэг.Сонгон шалгаруулалтын зорилго 1.Төрийн албан тушаалд тавигдах шаардлагыг хангасан, төрийн албаны ...

2014-10-17 1039
Орхон аймгийн нутгийн захиргааны байгууллагын төрийн жинхэнэ албан тушаалын ажлын байрны сул орон тоог нөөцөөс нөхөхөөр зарлаж байна

Зарлагдсан төрийн жинхэнэ албан тушаалын ажлын байрны сул орон тоонд ажиллахыг хүссэн иргэд тус аймгийн ...

2014-03-19 1657
Төрийн жинхэнэ албаны сул орон тоог нөөцөөс нөхөхөөр зарлалаа

Орхон аймгийн нутгийн захиргааны байгууллагуудаас ирүүлсэн төрийн жинхэнэ албан тушаалын сул орон тоог ...

Ангилал

Сурталчилгаа

Веб статистик

Таны IP хаяг: 54.234.0.2
2017-11-30-ний өдрөөс хойш.
  • 21 Онлайн
  • 1774 Өнөөдөр
  • 851 Өчигдөр
  • 4455 Долоо хоногт
  • 46549 Сүүлийн сард
  • 945700 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  608

Facebook

Цаг агаар