МЭНДЧИЛГЭЭ

 Дэлгэр сайхан эх орон, Зууны манлай бүтээн байгуулалт болсон Эрдэнэт хотынхоо ирээдүй хойч үе болон өсч буй аав, ээжийнхээ амин эрдэнэ, эмээ өвөөгийн  хайртай алаг үрс та бүхэндээ Олон улсын хүүхдийн эрхийг хамгаалах өдрийн халуун мэндчилгээг өргөн дэвшүүлье!

  Бид хүүхэд, гэр бүлд тулгамдаж буй асуудал бүрийг шийдвэрлэхийн төлөө, хүүхэд хамгаалал, нийгмийн хөгжил, оролцоог сайжруулахын төлөө, дэлхий нийтийн хандлага, зорилготой зэрэгцэн алхаж, хүүхэд, гэр бүлийн асуудлыг чухалчилан авч үзэж байгаагийн нэг тод илрэл нь энэ жил хүүхдийн баярыг “Хүүхэд гэр бүлдээ аз жаргалтай” уриан дор тэмдэглэн өнгөрүүлж байна. 
Ялангуяа бид хөгжлийн бэрхшээлтэй хүүхдүүдийг бусад хүүхдийн нэгэн адил эрх тэгш байж, нийгмийн оролцоог нь хангаж өгөх талаар аймаг орон нутгийн төр захиргаанаас түлхүү анхааран ажиллаж байна. Тухайлбал, хөгжлийн бэрхшээлтэй хүүхэд, залуучуудын “Тусгай олимп”-ийг хоёр дахь жилдээ аймагтаа зохион байгууллаа. Тус олимп нь ширээний теннис, хөнгөн атлетик, усан сэлэлт, бадминтоны спортын төрлөөр 8-29 насны 90 орчим тамирчин өрсөлдлөө. Мөн хөгжлийн бэрхшээлтэй хүүхдэд чиглэгдсэн “Найдвар төв” төрийн бус байгууллагатай хамтран ажиллаж үйл ажиллагааг нь дэмжин ажиллаж байна. Түүнчлэн хүнд хэлбэрийн хөгжлийн бэрхшээлтэй хүүхдээ гэрээр асарч ажил хийх бололцоогүй байдаг эцэг эх асран хамгаалагчдыг нь эрүүл мэнд, нийгмийн даатгалд хамруулан хөрөнгийг нь орон нутгийн төсвөөс шийдвэрлэж байгаа билээ.  
  Бяцхан үрс маань гэр бүл дундаа аз жаргалтай байхад гэр бүлийн халуун дулаан уур амьсгал, ээж аавын хайр, томчууд бидний хамтын хариуцлага хамгаас хэрэгтэй бөгөөд хүүхдүүд та нарын маань хичээл зүтгэл, хүсэл зорилго юу юунаас илүү чухал юм.
Хүүхэд багачууд маань уламжлалаа мэддэг, эрхээ хамгаалж, үүргээ биелүүлж чаддаг, эх орон, аав ээж, ахан дүүс, байгалиа хайрладаг, өөрийн гэсэн хүсэл тэмүүлэл зорилготой, түүндээ хүрэх гэж хичээн суралцдаг байх ёстой.
 
Эх орон, Эрдэнэт хотын маань гэрэлт ирээдүй болсон балчирхан үрс маань инээд хөөрөөр дүүрэн, үргэлж баяр жаргалаар бялхаж байхын ерөөлийг дэвшүүлье.
 
Та бүхэн минь сайхан баярлаарай!


Орхон аймгийн Засаг дарга бөгөөд 
аймгийн Хүүхдийн төлөө зөвлөлийн тэргүүн 
Дамбын БАТЛУТ
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-05-31 2687
МЭНДЧИЛГЭЭ

Эрхэм хүндэт хүүхэд, багачууд аа!

2017-09-29 2044
МЭНДЧИЛГЭЭ

мэндчилгээ

2018-05-03 778
ОРХОН АЙМГИЙН ЗАСАГ ДАРГЫН МЭНДЧИЛГЭЭ

Шударга үнэний дуу хоолой болсон эрхэм сэтгүүлчид, хэвлэл мэдээллийн ажилтнууд аа!

Сурталчилгаа

 

 

Веб статистик

Таны IP хаяг: 18.206.16.123
2017-11-30-ний өдрөөс хойш.
  • 29 Онлайн
  • 1300 Өнөөдөр
  • 1506 Өчигдөр
  • 7808 Долоо хоногт
  • 27191 Сүүлийн сард
  • 1763576 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  725

Facebook

Цаг агаар