Б.ӨЛЗИЙЖАРГАЛ: “БАГШ” ДЭД ХӨТӨЛБӨРИЙН ХҮРЭЭНД БҮХ БАГШ НАРАА ЭРҮҮЛ МЭНДИЙН УРЬДЧИЛАН СЭРГИЙЛЭХ ҮЗЛЭГТ ХАМРУУЛНА

Манай аймагт одоогийн байдлаар боловсролын салбарт 1741 багш ажилладаг. Нийт багш нарын 88 хувь  нь цэцэрлэг болон ерөнхий боловсролын сургуульд ажиллаж байна.  Үүнээс  22-39   насны  багш  50,6 хувийг,   1-10  хүртэл жил ажиллаж буй  залуу багш  45,2  хувийг тус тус  эзэлж  байгаа  ба  2013 оноос 2017 оныг хүртэлх хугацаанд  залуу багшийн  тоо жилд дунджаар 2 хувиар  нэмэгдсэн статистик байна. 

       Хүний хөгжилд чиглэсэн 18 дэд хөтөлбөрийн нэг болох “Багш” дэд хөтөлбөр хэрэгжиж эхлээд байна. Ингээд Орхон аймгийн ЗДТГ-ын Нийгмийн бодлогын хэлтсийн Боловсрол, соёл урлаг, биеийн тамир, спортын асуудал хариуцсан мэргэжилтэн Б.Өлзийжаргалтай “Багш” дэд хөтөлбөрийн талаар ярилцлаа.

- “Багш” дэд хөтөлбөрийг ямар үндэслэлээр хэрэгжүүлэх болсон бэ?
- “Багш” дэд  хөтөлбөрийг  “Монгол Улсын тогтвортой хөгжлийн үзэл баримтлал-2030”, “Бүсчилсэн хөгжлийн бодлого”, 2014-2024 онд хэрэгжих “Төрөөс боловсролын талаар баримтлах бодлого, Монгол Улсын Засгийн газрын 2016-2020 оны үйл ажиллагааны хөтөлбөр, Орхон аймгийн хөгжлийн цогц бодлого,  Орхон аймгийн Засаг даргын 2016-2020 оны үйл ажиллагааны хөтөлбөр зэрэгтэй уялдуулан  бүх шатны боловсролын багш,  удирдах ажилтан, ахмад багш, эрдэмтдийн саналд  үндэслэн боловсруулсан. Тус хөтөлбөрийг боловсролын салбарын багш, ажилтнуудын хөгжлийг дэмжих хөтөлбөр гэж ойлгож болно.
- “Багш” дэд хөтөлбөрийн хүрэх үр дүнгийн талаар хэрхэн тодорхойлж байна вэ?
- Дээр хэлсэнчилэн хөтөлбөрийг олон судалгаанд суурилж боловсруулсан. Хөтөлбөрийг 2017-2018 он, 2018-2019 он гэсэн үе шаттай хэрэгжүүлнэ. Хөтөлбөрийн үр дүнд ур чадвартай, нийгмийн дунд нэр хүндтэй, нийгмийн баталгаа нь өнөөгийнхөөс дээшилсэн багшийн тоо нэмэгдэнэ гэж үзэж байна. 
- “Багш” дэд хөтөлбөрийн хүрээнд 2017 онд ямар ажлууд хийхээр төлөвлөгдөөд байна вэ?
- 2017 онд энэ чиглэлээр 15 багц арга хэмжээ хэрэгжүүлэхээр төлөвлөөд байгаа. “Багш” дэд хөтөлбөрийн хүрээнд багш нарынхаа эрүүл мэндийг бид хамгийн түрүүнд анхаарч байгаа. 2017 онд бид 40-өөс дээш насны бүх багш нараа эрүүл мэндийн урьдчилан сэргийлэх үзлэгт хамруулахаар төлөвлөөд үүний зардалд 20 сая төгрөг батлагдсан байна. Мөн эрүүл мэндийг нь дэмжих үүднээс амралт сувиллын газруудтай холбож өгөх талаар ажил хийхээр зорьж байна. Зайлшгүй эмчлүүлж сувилуулахаар бол дэмжлэг үзүүлнэ.
Багш нарынхаа мэдлэг боловсролыг дээшлүүлэх, чадавхижуулах талаар анхаарч ажиллана. Багшийн хөгжлийн төвийн тоо, техник тоног төхөөрөмжийг нэмэгдүүлэх, мэргэжлийн хичээлийн кабинетийн нөхцөлийг сайжруулах төсөл сонгон шалгаруулж хэрэгжүүлэх, гадаадын улс орон мэргэжил дээшлүүлэхэд дэмжлэг үзүүлэх, “Багш солилцоо” хөтөлбөр хэрэгжүүлэх, “Залуу багш нарын чуулга уулзалт” зохион байгуулах гэх мэт олон ажил төлөвлөгдөж, эдгээрийг хэрэгжүүлж ажиллахад одоогийн байдлаар 127 сая төгрөг зарцуулахаар урьдчилсан байдлаар төлөвлөөд байна.  
- Багшийн хөгжлийг дэмжих сангийн талаар тодруулна уу? 
- “Нийгмийн дэмжлэгийн сан”-ийн журам боловсруулагдсаны дараа энэ сан ажиллаж эхэлнэ. Ерөнхийдөө багш нар орон байрныхаа нөхцөлийг сайжруулах, мэдлэг боловсролоо дээшлүүлэх, эрдмийн зэрэг цол хамгаалах зэрэгт дэмжлэг үзүүлэхэд нь чиглэгдэх юм.  
 
Мэдээллийн төв
 
 
 

 

Сэтгэгдэл


Сэтгэгдэл

Зочин

Байрны нөхцлөө сайжруулъя гэвэл яах вэ? Хаана хандах вэ? Ямар дэмжлэг үзүүлэх вэ?

Огноо:2017.06.01

Холбоотой мэдээлэл

2015-11-02 972
ОВООЛГО АШИГЛАХ ГЭРЭЭНД ГАРЫН ҮСЭГ ЗУРЛАА

Аймгийн ИТХ-ын дарга Б.Мягмарсүрэн, Эрдэнэт үйлдвэр ХХК-ийн Ерөнхий захирлын үйлдвэрлэл эрхэлсэн орлогч ...

2015-09-11 728
Цэцэрлэг, сургуулиудын үдийн цай хөтөлбөрт хүнсний бүтээгдэхүүн ханган нийлүүлэгчдийн дунд сургалт зохион байгуулагдлаа

Орхон аймгийн Мэргэжлийн хяналтын газрын Эрүүл ахуй халдвар хамгаалал, боловсрол, хүнсний чанар стандарт, ...

Сурталчилгаа

Веб статистик

Таны IP хаяг: 54.157.81.13
2017-01-03-ний өдрөөс хойш.
  • 15 Онлайн
  • 842 Өнөөдөр
  • 1007 Өчигдөр
  • 5035 Долоо хоногт
  • 11911 Сүүлийн сард
  • 746470 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  585

Facebook

Цаг агаар