“НИЙГ МИЙН ХАРИУЦЛАГЫН СТАНДАРТ” MNS ISO 26000

Компаны  нийгмийн хариуцлага гэдэг нь аливаа компани үйл ажиллагаагаа хүний эрүүл мэндэд сөргөөр нөлөөлөхгүйгээр, байгаль орчныг бохирдуулахгүй , нийгэмд сөрөг үр дагавар авчрахгүйгээр  ил тод, нээлттэй явуулан хамтрагч, түншүүд, олон нийт , хэрэглэгч, ажиллагсдынхаа өмнө хүлээх хариуцлага чиг хандлагаа тодорхойлсон хэм хэмжээнүүдийг бизнесийн үйл ажиллагаандаа  баримтлан ажиллах замаар  нэг талаар нэг талаар байгууллагадаа баялгийг бүтээн бий болгож, нөгөө талаар улс эх орныхоо, нийгэм эдийн засгийн тогтвортой хөгжлийг  хангахад хувь нэмрээ оруулах үйл явц юм. Чадварлаг бизнес эрхлэгчид нь өөрсдийн бизнесийн урт хугацааны ашиг, амжилт нь хувь хүмүүс байгууллагуудтай тогтоосон тогтвортой харилцаанаас хамаардгийг  сайн ойлгосон байдаг бол олон нийт ч хувийн хэвшлийнхнийг  үүрэг хариуцлагаа ухамсартай хэрэгжүүлнэ гэдэгт итгэж байдаг. Ялангуяа нийгэм байгаль орчинд хариуцлагатай хандсан тийм бүтээгдэхүүн үйлчилгээг бизнесийнхнээс хүлээж байдаг. Мөн хувьцаа эзэмшигчид нийгэм хүрээлэн буй орчинд таатай үйл ажиллагаа явуулах сонирхолтой байдаг. Засгийн газрын хувьд хариуцлагатай бизнесийн салбар улс үндэстний өрсөлдөх чадварыг сайжруулж, давуу талуудыг бий болгоно гэж үздэг. 

       Олон  улсын стандартын байгууллагаас ISO 26000 “Нийгмийн хариуцлагын удирдамж”   стандартыг 2010 баталсан бөгөөд үүнийг Монгол улс 2012 онд үндэсний стандарт болгон орчуулж баталсан. Энэхүү стандартаар нийгмийн хариуцлагын үндсэн бүрэлдэхүүнийг тодорхойлон зааж бүрэлдэхүүн тус бүрээр хамаарах үйл ажиллагаа, үр дүнг хэрхэн тайлагнах талаар тодорхой  заасан юм. Стандартад зааснаар нийгмийн хариуцлагын бүрэлдэхүүн хэсгүүдийг
байгууллагын засаглал, 
хүний эрх, 
хөдөлмөрлөх эрх, 
хүрээлэн буй орчин,
шударга ёсыг үйл ажиллагаандаа эрхэмлэх, 
хэрэглэгчийн асуудал,
нийгмийн оролцоо ба хөгжил гэсэн байдлаар тодорхойлсон байна. 
Энэ нь бидний ойлгож ирсэн нийгмийн хариуцлагын талаарх ойлголт дэлхий дахинд илүү өргөн хүрээнд тодорхойлогдох болсныг харуулж байгаа бөгөөд зөвхөн хувийн хэвшлийн байгууллагууд бус төрийн болон бусад байгууллага эдгээр бүрэлдэхүүн хэсгүүдэд анхаарлаа хандуулж ажиллах шаардлага гарч байгаа юм. 
Аж ахуйн нэгж байгууллагууд нь нийгмийн хариуцлагаа анхааран ажиллаж энэхүү стандартыг хэрэгжүүлснээр үйл ажиллагаагаа олон нийтэд бодитой, үнэн зөв тайлагнах, өрсөлдөөний хувьд илүү чадвартай болохоос гадна олон нийт, нийгмийн зүгээс тухайн байгууллагад хандах хандлага, итгэл нэмэгдэх, түншүүд хамтрагчдынхаа итгэлийг илүү олох, байгууллагынхаа нэр хүндийг дээшлүүлэх зэрэг олон давуу тал олж авах ач холбогдолтой юм. 
    Нийгмийн хариуцлагын энэхүү стандарт нь эрхзүйн хувьд зөвлөмжийн шинжтэй өөрөөр хэлбэл байгууллагууд өөрсдийн санаачлагаар сайн дурын үндсэн дээр хэрэгжүүлэх боловч энэ стандартад хамаагүй байгууллага гэж нэгээхэн ч байхгүй гэж дэлхий нийтээрээ үзэж байна. 
 
ОРХОН АЙМГИЙН  СТАНДАРТ,  ХЭМЖИЛ ЗҮЙН ХЭЛТСИЙН
СТАНДАРТЫН МЭДЭЭЛЭЛ ЛАВЛАГААНЫ САЛБАР САН
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-03-27 457
СТАНДАРТ, ХЭМЖИЛЗҮЙН ХЭЛТСИЙН 7 ХОНОГИЙН АЖЛЫН МЭДЭЭЛЭЛ

Орхон аймгийн Стандарт, хэмжилзүйн хэлтэс өнгөрөгч 7 хоногт цахилгаан хэмжих хэрэгслээр “Эрдэнэт үйлдвэр” ...

2015-11-01 624
Нийгмийн халамж үйлчилгээний хэлтэс:

Сайн дурын нийгмийн ажлын үйлчилгээг “Нийгмийн сүлжээ” туршилтын төсөлтэй уялдуулан хэрэгжүүлэх ...

2013-07-05 4587
Орхон аймаг, ”Эрдэнэт үйлдвэр “ХХК-ийн хамтын ажиллагааны хагас жилийн тайлан

Орхон аймаг, ”Эрдэнэт үйлдвэр “ХХК-ийн хамтын ажиллагааг шинэ түвшинд гаргах, хөгжүүлэх зорилгоор ...

Ангилал

Сурталчилгаа

 

 

Веб статистик

Таны IP хаяг: 3.90.108.129
2017-11-30-ний өдрөөс хойш.
  • 9 Онлайн
  • 790 Өнөөдөр
  • 1084 Өчигдөр
  • 3961 Долоо хоногт
  • 25206 Сүүлийн сард
  • 1616325 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  707

Facebook

Цаг агаар