БАЙГАЛЬ ОРЧНЫГ ХАМГААЛАХ ШИНЭ ХАНДЛАГА - ”БАЙГАЛЬ ОРЧНЫ УДИРДЛАГЫН ТОГТОЛЦОО ISO 14000” БҮЛЭГ СТАНДАРТЫГ ХЭРЭГЖҮҮЛЭХ НЬ

Хүн төрөлхтний бүхий л үйл ажиллагаа нь байгаль орчинд нөлөөлөл үзүүлдэг. Гэсэн хэдий ч байгаль орчны хууль тогтоомж амьдралд хэрэгжих нь ихэнх тохиолдолд бэрхшээлтэй тулгарч байдаг. Байгаль орчныг хамгаалах шинэ хандлага нь байгаль орчны удирдлагын тогтолцооны  ISO14000 бүлэг  стандартыг хэрэгжүүлэх нь хамгийн үр ашигтай гэж үзэж байна.

Стандартыг хэрэгжүүлснээр тухайн байгууллагын нийгмийн хариуцлага, ажилтнуудын сэтгэлгээнд байгаль эх дэлхийгээ гэсэн хандлагын өөрчлөлтийг бий болгохоос гадна үйл ажиллагааны хувьд эдийн засгийн хэмнэлтийг бий болгох, системтэй удирдлагын нэгдмэл тогтолцоог бүрдүүлэх, улмаар өрсөлдөх чадварыг нэмэгдүүлэхэд өндөр ач холбогдолтой юм.
       Байгаль орчны удирдлагын тогтолцооны энэхүү стандарт нь  байгаль орчны хууль тогтоомж болон бодит байдалтай сайтар нийцүүлэн, аж ахуйн нэгж, байгууллагын байгаль орчинд нөлөөлөх байдлын гүйцэтгэл дэх байнгын сайжруулалт, ажиллагсад, дээд шатны удирдлагын үйл ажиллагааг дэмжих зэрэг үйл ажиллагааг чиглүүлж өгсөн байдаг. Дэлхийн улс орнуудад эдгээр стандартыг өргөн дэлгэрүүлж хэрэгжүүлэх нь тогтвортой хөгжлийг дэмжих, үйлдвэрлэл үйчилгээний хүрээнд байгаль орчны гүйцэтгэлийн үзүүлэлтийг сайжруулахад чиглэсэн урт хугацааны арга зам юм. 
         Байгаль орчинд огт нөлөөлөлгүй бизнес, үйлдвэрлэл, үйлчилгээ гэж бараг байхгүй бөгөөд  ISO 14000 бүлэг стандартыг  үйлдвэрлэл, үйлчилгээ эрхлэгч аж  ахуйн нэгжүүд,  эмнэлэг, сургууль,  төрийн үйлчилгээний байгууллага зэрэг  байгаль орчинд их   бага хэмжээгээр нөлөөлөл үзүүлдэг ямарч байгууллагад энэхүү стандартыг хэрэглэх боломжтой. 
     Дээрх  стандартын шаардлагуудыг хангасан байгаль орчны удирдлагын тогтолцоо нь бүх төрлийн байгууллагуудад дараах боломжуудыг нээж өгдөг:
- Үйлдвэрлэл, үйлчилгээ болон бүхий үйл ажиллагаануудынхаа байгаль орчны асуудал, нөлөөллийг тодорхойлж, хянах;
-  Байгаль орчны гүйцэтгэлээ тасралтгүй сайжруулах;
- Байгаль орчны зорилго, зорилгоо тодорхойлох, зорилго зорилтдоо хүрэх системтэй арга барилыг бий болгох
 
ISO 14000 Байгаль орчны удирдлагын тогтолцооны бүлэг стандартууд нь дараах стандартуудаас бүрдэнэ:
-       ISO14001- Байгаль орчны удирдлагын тогтолцоо ерөнхий шаардлага,
- ISO14004- Байгаль орчны удирдлагын тогтолцоо зарчим, 
- ISO14010- ISO14012- Байгаль орчны аудитын гарын авлага зарчим, журам, 
- ISO14020- Байгаль орчны эко- тэмдэг ба мэдэгдэл ерөнхий зарчим, 
- ISO14024- Байгаль орчны эко- тэмдэг ба мэдэгдэл зарчим, журам 
- ISO14051- Байгаль орчны удирдлагын тогтолцоо:Материалын урсгал зардлын тооцоолол  зэрэг болно.
           
Техник технологи хурдацтай хөгжих тусам улс орон бүр байгаль орчинд ээлтэй үйл ажиллагаа явуулж байна. Мөн аж ахуйн нэгж, байгууллагууд шинэ зах зээлд гарах болон түүнчлэн байгаль орчинд ээлтэй бодлого, зарчим үйл ажиллагаа явуулж байгааг хэрэглэгчиддээ баталгаажуулахад “Байгаль орчинд ээлтэй”, “Дахин боловсруулсан”, “Байгалийн”, “Эко бүтээгдэхүүн” гэх мэт тэмдэглэгээг хэрэглэх шаардлага гарч ирсэн.
Эко-тэмдэглэгээ нь дэлхийн дулаарал, байгаль орчны бохирдлыг багасгах, “Ногоон эдийн засаг”-т шилжих дэлхий нийтийн санаачлагад нэгдэн үйл ажиллагаандаа эрчим хүч, ус, байгалийн нөөцийг арвилан хэмнэх, хог хаягдлыг ангилан дахин боловсруулж буй байгал орчинд ээлтэй менежментийг нэвтрүүлсэн аж ахуйн нэгж байгууллагад өгдөг тэмдэг юм.Эко тэмдэг ISO14020 стандартыг дэлхийн улс орнууд өөр өөрийн хэв загвараар тэмдэглэгээг гаргаж байна. 
Манай улс ¯íäýñíèé ýêî-òýìäýã. Òåõíèêèéí øààðäëàãà, õýëáýð õýìæýý MNS 5600 : 2003 стандартыг 2003 îíû 05 äóãààð ñàðûí 01-ýýñ ýõëýí мөрдөж байна.
Байгаль орчны удирдлагын тогтолцоо ISO 14000 бүлэг стандарт дотроос Материалын урсгал зардлын тооцооллын олон улсын стандарт ISO 14051-ийг хэрэгжүүлэх замаар өрсөлдөх  чадвараа нэмэгдүүлэх байгууллагуудын тоо сүүлийн 5 жилд хүч түрэн орж ирж байна.
 
ISO 14001 стандартыг хэрэгжүүлсний үр нөлөө
ISO 14000 стандартыг хэрэглэснээр дэлхийн нийтэд хүлээн зөвшөөрөгдсөн бүтээгдэхүүн үйлчилгээг зах зээлд гаргах  хэрэглэгчид нийцсэн өндөр чанарын эрэлт хэрэгцээг олж тогтоох, мөн байгаль орныг хамгаалах үйлсэд хэрэглэгчдийн анхаарлыг хандуулахад илүү их том зорилтуудыг бий болгосон.
 
ISO 14001 олон улсын стандартыг үйл ажиллагаандаа цаг алдалгүй нэвтрүүлэх нь байгууллагад дараах ач холбогдолтой:
Байгууллагын нэр хүнд өсч, төр захиргааны байгууллага, иргэний нийгмийн байгууллагууд болон хэрэглэгч, харилцагчдын сэтгэл ханамж дээшилнэ.
Бүтээгдэхүүн үйлчилгээгээрээ дэлхийн зах зээлд өрсөлдөж, олон улсын төсөл, тендерүүдэд оролцох боломжтой болно.
Үйл ажиллагааны байгаль орчинд үзүүлэх сөрөг нөлөөлөл эрс буурна;
Нөөцийн хэмнэлт, хог хаягдалын багасалт, үйл ажиллагааны ашигтай байдал нэмэгдсэнээр зардал багасана.
 Хууль тогтоомжуудын шаардлага хангагдана.
 
 
Стандарттай хэрхэн танилцах вэ?
 
1. Стандарт, хэмжил зүйн хэлтсийн үйлчилгээний танхимаар: 
2. Интернэтээр: www.estandard.gov.mn вэб хуудас
Та сонирхсон стандартаа түлхүүр үгээр, стандартын ангилалтын кодоор, дугаараар хайлт хийж, бүрэн эхээр нь үзэж танилцах боломжтой
 
Орхон аймгийн  Стандарт,  хэмжил зүйн хэлтсийн
стандартын мэдээлэл лавлагааны салбар сан
 

 

Холбоотой мэдээлэл

2017-07-03 1391
ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН 7 ХОНОГИЙН АЖЛЫН МЭДЭЭ

Орхон аймгийн Хот тохижуулах газар өнгөрөгч 7 хоногт гэр хорооллын айл өрх, Орон сууцны хороолол, албан ...

2014-03-10 5055
АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНӨӨС ӨГСӨН ҮҮРЭГ ДААЛГАВРЫН БИЕЛЭЛТ

“Цахим Эрдэнэт” хөтөлбөрийн хүрээнд нийт багуудыг интернетийн сүлжээнд бүрэн холбох асуудлыг ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.23.219.12
2021-01-03-ний өдрөөс хойш.
  • 19 Онлайн
  • 695 Өнөөдөр
  • 1356 Өчигдөр
  • 2051 Долоо хоногт
  • 12754 Сүүлийн сард
  • 6451028 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар