ХАВРЫН ТАРИАЛАЛТЫН ЯВЦТАЙ ТАНИЛЦЛАА

Орхон аймгийн Засаг даргын захирамжаар ХХААГ-ын дарга Ж.Бат-Өлзийгөөр ахлуулсан ажлын хэсэг байгуулагдан өчигдөр Жаргалант суманд ажиллав. 

Орхон аймгийн хэмжээнд энэ жил нийт 3800 орчим га талбайд улаанбуудай тариалах ёстойгоос одоогийн байдлаар 1270 орчим га-д үрлэгээ хийгдээд байна. Улаанбуудай тариалж буй аж ахуйн нэгжүүд ХХААЯ-ны “Тариалан эрхлэлтийг дэмжих сан”-ийн зээлд хамрагдаж шатахууны урьдчилгаа, үр бордооны дэмжлэг авч тариалалтаа эхлүүлжээ.  
Улаанбуудайн тариалалт нь цаг агаарын нөхцөл байдлаас ихээхэн хамаардаг, эрсдэл өндөртэй байдаг ч өнгөрсөн жил тариаланчид маань га-гаас 31,1 центнер ургац хурааж байсан билээ. Иймээс энэ жил манай аймгийн тариаланчдын хувьд үрийн нөөцийн хувьд хангалттай байна. Зарим аж ахуйн нэгжүүдийн хаврын тариалалт ерөнхийдөө дуусч байгаа бөгөөд энэ зуны цаг агаарын урьдчилсан мэдээгээр 6-7 дугаар саруудад хэт халуун байх нь ургацад нөлөөлж болзошгүй хэмээн ярьж байлаа. Түүнчлэн тариаланчдад  тулгамдаад байгаа гол бэрхшээл бол тариалангийн бүс нутагт орж ирж хаваржиж байгаа айлууд үрлэгээ хийсэн талбайд малаа оруулах явдал гарч байгаа нь хамгийн том бэрхшээл болоод байгаа талаар ярьж байв. 
Хэдийгээр Жаргалант сумын Засаг даргын захирамж гарч тариалангийн талбайд ойрхон буусан мал бүхий айл өрхүүдийг нүүлгэх шийдвэр гарсан ч нэлээд айлууд нүүгээгүй байгаа нь харагдаж байв. Юутай ч ажлын хэсгийн бүрэлдэхүүн, Жаргалант сумын удирдлагуудтай газар дээр нь хамтран ажилласнаар малтай айлууд 5 дугаар сарын 17-ны дотор багтаж нүүхээр боллоо.  
Ерөнхийдөө манай аймгийн газар нутаг далайн түвшнээс дээш 1200 орчим метрийн өндөрлөгт байдаг нь хавар орой дулаарч, намар эрт хүйтэрдэг тул дунд-эрт сортын хурдан болцтой улаан буудай тариалахад тохиромжтой байдаг байна. 7 дугаар сарын 15-д хүртэл хур бороо элбэгтэй, түүнээс хойш нар сайн гарвал буудай хамгийн сайн боловсордог ажээ.  
       Ажлын хэсгийнхэн мөн өрхийн тариалан эрхэлж байгаа иргэдтэй уулзлаа. Өрхийн тариаланчид ихэвчлэн төмс, хүнсний ногоо тариалдаг бөгөөд одоогийн байдлаар төмс, лууван тарьж эхэлжээ. Өрхийн тариаланчдын хувьд техник хэрэгсэл дутмаг байдаг бөгөөд хувьдаа трактортай иргэнийг гуйж га тутамыг нь 30 мянган төгрөгөөр ногоо тарих газраа хагалуулдаг аж. Юутай ч өрхийн тариалан эрхлэлтийг дэмжих үүднээс аймгийн ХХААГ-аас 50 хувийн урдчилгаатай шатахуунаы зээл олгох ажлыг зохион байгуулж байна. 
Мэдээллийн төв
 
 
 
 
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-01-09 944
УИХ-ын дарга З.Энхболд аймаг, нийслэлийн ИТХ-ын дарга, Засаг дарга нартай уулзаж байна

Аймаг, нийслэлийн Иргэдийн Төлөөлөгчдийн Хурлын дарга, Засаг дарга нарын семинар өнөөдөр Төрийн ордонд ...

Сурталчилгаа

 

 

 

Веб статистик

Таны IP хаяг: 3.233.215.231
2017-11-30-ний өдрөөс хойш.
  • 25 Онлайн
  • 4615 Өнөөдөр
  • 7516 Өчигдөр
  • 18677 Долоо хоногт
  • 65096 Сүүлийн сард
  • 2062638 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  749

Facebook

Цаг агаар