Д.БАТЛУТ: КОМПАНИ БИЗНЕС ХИЙЖ БАЙГАА Ч АЖИЛДАА СЭТГЭЛТЭЙ ХАНДАХ ХЭРЭГТЭЙ

Өрхийн эрүүл мэндийн төвийн үйлчилгээг сайжруулах зорилгоор 4-р хороолол шинээр барилга барьсан. Гэтэл уг барилгын чанартай холбоотой гомдол эрүүл мэндийн байгууллагын ажилтнуудаас болон иргэдээс олон гарсан. Тиймээс аймгийн Засаг дарга Д.Батлут тус барилгын хийц, чанартай очиж танилцлаа. Түүнийг очиход агааржуулалтын хоолой болон дээврийн зарим хэсгээр нь ус гоожсон. Гадна хэсгийн цементэн хучилт чанаргүйн дээр гэрэлтүүлгийн шон хэзээ мөдгүй унахад бэлэн байсан юм. Түүнчлэн гражийн хаалгыг ганцхан удаа нээхэд, эргээд хаагдахаа больсноос гадна зарим өрөөний цонх цуурч хагарсан байдалтай байсан. Тус байранд ажиллаж буй “Анхны оч” ӨЭМТ-ийн ахлаг М.Дулмаа хэлэхдээ өрөө тасалгаа, бие засах газрын талбай холбогдох стандартад зааснаас хэд дахин бага гэсэн.

Уг байранд 1, 4, 5-р хорооллын иргэдэд үйлчлэх өрхийн эмнэлгүүд  үйл ажиллагаа явуулж 20 мянган хүнд анхан шатны эрүүл мэндийн тусламж, үйлчилгээг үзүүлнэ. Тус барилгын ажилд төсвөөс 1.2 тэрбум төгрөг зарцуулсан бөгөөд гүйцэтгэгчээр “Сэхүүн чоно” ХХК ажилласан. Тус компани ажлаа 2016 оны 6-р сард эхэлсэн. Явцын хяналт тавьсан хийсэн Хот байгуулалт барилга захиалагчийн албаны Хяналтын инженер Б.Болдбаатар ярихдаа “Санхүүжилт нь саатсанаас шалтгаалаад өнгөрсөн оны 10-р сард ашиглалтад орох байсан барилга энэ оны 1-р сард ашиглалтад орсон. Яах араггүй өвлийн улиралд хийгдсэн ажил болохоор гаднах бетон зэрэгт хөлдөлт үүссэн. Улсын комисс хүлээж авахдаа бид эдгээр ажлыг дулааны улиралд дахиж хийнэ гэсэн протокол үйлдэж тэмдэглэсэн” гэсэн юм.

Аймгийн Засаг дарга Д.Батлут нөхцөл байдалтай танилцаад “Сэхүүн чоно” ХХК-ийн удирдлагуудыг бизнес хийж байгаа ч ажилдаа сэтгэлтэй хандах хэрэгтэйг хэллээ. Мөн ийм нөхцөл байдалтай барилгыг хүлээж авсан Улсын комиссын гишүүд ажлаа хийж чадаагүй бол хариуцлага тооцох хэрэгтэй гэсэн юм. Тиймээс холбогдох бүх байгууллагуудад тус байрны засварыг яаралтай хийж асуудлыг шийдвэрлэ гэлээ. Хэрэв заасан хугацаанд цэгцлэхгүй бол холбогдох бүх хүнд хариуцлагаа тооцно гэдгээ санууллаа.

 
 
 
 
 Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2020-06-21 922
УИХ-ЫН СОНГУУЛИЙГ ЗОХИОН БАЙГУУЛАХАД ОРХОН АЙМАГТ НИЙТ 500 ГАРУЙ ТӨРИЙН АЛБАН ХААГЧ АЖИЛЛАНА

УИХ-ын энэ удаагийн сонгууль дэлхий дахинаа COVID-19 вирусийн халдвар тархаад байгаа онцгой нөхцөл байдалд ...

2014-05-18 925
Тээвэр, авто замын газрын долоо хоногийн мэдээ /2014.05.12-16/

Тээвэрлэлт: Эрдэнэт- Улаанбаатар чиглэлд энэ 7 хоногт нийт 42 том оврын автобус, 1146 зорчигч, 36 бага ...

2013-12-23 1496
Б.Ганболд Сум дундын ойн ангийн даргаар ажиллахаар боллоо.

Аймгийн Засаг даргын 2013 оны 12-р сарын 20-ны өдрийн Б/42-р тоот захирамжаар Хот тохижуулах газрын даргаар ...

Сурталчилгаа

 

 

 

 

Веб статистик

Таны IP хаяг: 3.235.45.196
2017-11-30-ний өдрөөс хойш.
  • 23 Онлайн
  • 950 Өнөөдөр
  • 3398 Өчигдөр
  • 13779 Долоо хоногт
  • 17828 Сүүлийн сард
  • 2569856 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  774

Facebook

Цаг агаар