АХМАДУУДЫН ЭРҮҮЛ МЭНД, НИЙГМИЙН ХАМГААЛЛЫГ САЙЖРУУЛАХ ХӨТӨЛБӨРИЙН ТӨСЛИЙГ ДЭМЖЛЭЭ

Аймгийн хэмжээнд 8420 гаруй ахмад настан амьдарч байна. Эдгээр иргэдэд чиглэсэн “Ач” санах дэд хөтөлбөрийг аймгийн Засаг даргын захирамжаар байгуулагдсан ажлын хэсгээс боловсруулсан. Учир нь Засаг дарга Д.Батлутын 2016-2020 онд хэрэгжүүлэх үйл ажиллагааны хөтөлбөр, төлөвлөгөөнд дээрх хөтөлбөрийг батлан хэрэгжүүлэх талаар туссан юм. 

 
Ажлын хэсгээс боловсруулсан хөтөлбөрийн төслөө өнөөдөр Засаг даргын зөвлөлийн гишүүдэд танилцууллаа. “Ач” санах дэд хөтөлбөрийн төслийг боловсруулахдаа аймгийн Ахмадын хороотой хамтран 21 багийн 500 гаруй ахмадыг хамруулсан хэлэлцүүлэг зохион байгуулсан байна. Энэ үеэр тэднээс ахмад настыг хөгжүүлэх, эрүүл мэндийн үйлчилгээг сайжруулах, ахмадын эмнэлэг байгуулах, нийгэмд тустай хөдөлмөр эрхлэх зэрэг нийтлэг санал гарчээ. 
 
Эдгээр саналууд болон холбогдох мэргэжилтэн, байгууллагуудын санал, судалгаа зэрэгт үндэслэн ахмад настны эрх хамгаалал, оролцоо, үйл ажиллагааны ил тод байдлыг хангасан олон нийт, бүх салбарын оролцоонд тулгуурласан зарчмыг мөрдлөг болгож ахмадуудын эрүүл мэнд, нийгмийн хамгааллыг сайжруулах, ая тухтай амьдрах нөхцөл бүрдүүлэх. Хуримтлуулсан мэдлэг, ур чадвараа хойч үедээ өвлүүлэх, нийгмийн амьдралд идэвхтэй оролцох, улс орны хөгжилд хувь нэмрээ оруулах боломжийг өргөжүүлэх үндсэн зорилгоор “Ач санах” дэд хөтөлбөрийн төслийг боловсруулсан талаар АЗДТГ-ын Нийгмийн бодлогын хэлтсийн дарга А.Бумансор ярьлаа. 
 
1979 онд Орхон аймгийн нийт хүн амын 2.8 хувийг ахмадууд эзэлж байсан бол энэ тоо өдгөө 8.2 хувьд хүрээд буй. 2007 оноос хойш аймгийн хүн ам 18.1 хувиар өссөн бол ахмад настай иргэдийн тоо 30 хувиар нэмэгдсэн гэнэ. Тиймээс “Ач” санах дэд хөтөлбөрийг хэрэгжүүлэхдээ ахмад настанд үзүүлэх эрүүл мэнд, нийгмийн халамж, хамгааллын үйл ажиллагааг сайжруулах, тэдний бие даасан байдал, хөгжил, оролцоог нэмэгдүүлэх, ахмадуудын оюуны болон мэргэжлийн туршлага, ур чадварыг ашиглах, нийгмийн амьдралд идэвхтэй оролцоход нь дэмжлэг үзүүлэх зэрэг зорилт дэвшүүлж 30 орчим үндсэн үйл ажиллагаа хэрэгжүүлэх төслийг ажлын хэсгээс боловсруулсан байна. Үүнийг 2017-2020 он хүртэл буюу дунд хугацаанд хэрэгжүүлэхээр тооцжээ. 
 
Дээрх хөтөлбөрийн төслийг Засаг даргын зөвлөлийн гишүүд хэлэлцээд зарим өөрчлөлтийг оруулснаар дэмжлээ. Ингэснээр Ач санах” дэд хөтөлбөрийн төслийг ИТХ-ын тэргүүлэгчдийн хуралдаанаар хэлэлцэхээр боллоо. 
 
 
 
 
 
Мэдээллийн төв
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-05-29 1020
Мини парламентийн анхдугаар хуралдаан боллоо

Монгол улсад хүүхдийн байгууллага, хөдөлгөөн үүсч хөгжсөний 90, Орхон аймгийн хүүхдийн байгууллагын 40 ...

2016-09-13 1107
Мал аж ахуйн өвөлжилтийн бэлтгэлтэй танилцана

Мал аж ахуйн өвөлжилтийн бэлтгэл ажилтай танилцах 28 хүний бүрэлдэхүүнтэй ажлын хэсгийг Засаг даргын ...

2013-11-21 2748
Орхон аймгийн ХГБХХ-ээс хийсэн ажлын тайлан

1. “Хүүхдийн эсрэг хүчирхийллийг зогсооё” сургалт “Хүүхдийн эсрэг хүчирхийллийг ...

Сурталчилгаа

 

 

 

Веб статистик

Таны IP хаяг: 3.233.215.231
2017-11-30-ний өдрөөс хойш.
  • 31 Онлайн
  • 4660 Өнөөдөр
  • 7516 Өчигдөр
  • 18722 Долоо хоногт
  • 65141 Сүүлийн сард
  • 2062683 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  749

Facebook

Цаг агаар