ХҮНС, ХӨДӨӨ АЖ АХУЙН ЧИГЛЭЛЭЭР БАРИМТЛАХ БОДЛОГЫГ ИЛҮҮ ТОДОРХОЙ БОЛГОНО

Орхон аймгийн Засаг даргын зөвлөлийн хурал үргэлжилж байна. Орхон аймаг нь газар нутаг бага, хүн амын нягтаршил өндөр байдгаас шалтгаалан Хүнс, хөдөө аж ахуйн чиглэлээр баримтлах бодлогын хувьд бусад аймгуудаас онцлогтой, өвөрмөц бодлого шаарддаг. Ялангуяа мал аж ахуйн хувьд хөрш зэргэлдээх аймаг сумдтайгаа зайлшгүй харилцан уялдаатай бодлого хэрэгжүүлэх хэрэгтэй болдог. Сүүлийн жилүүдэд зах зээл бараадан Эрдэнэт хотын ойролцоо өөр аймаг орон нутгаас мал бүхий иргэд нэлээд шилжин ирж байгаагаас шалтгаалан бэлчээрийн даац хэд дахин хэтрээд байгаа тул Орхон аймгийн зүгээс "Хөдөө аж ахуйн талаар баримтлах аймгийн дэд хөтөлбөр"-ийн бодлогод шинэчлэл хийх зайлшгүй шаардлага тулгарч байна. 

Иймээс ЗДТГ-ын Хөрөнгө оруулалт, хөгжлийн бодлогын хэлтэс, ХХААГ, Баян-Өндөр, Жаргалант сумдын зүгээс “2017-2020 онд Орхон аймгийн хүнс, хөдөө аж ахуйн талаар баримтлах аймгийн дэд хөтөлбөр”-ийн талаар энэ удаагийн Засаг даргын Зөвлөлийн хурлаар хэлэлцүүллээ.  
 
Дээр өгүүлсэнчлэн манай аймгийн хувьд газар нутгийн хэмжээ багатайгаас шалтгаалан уламжлалт маллагаат мал аж ахуйгаас аль болох татгалзаж, нэгж бүр нь өндөр ашиг шим өгдөг эрчимжсэн мал аж ахуйг хөгжүүлэх шаардлага зүй ёсоор тулгарч байна. Манай аймаг нь хэдийгээр Монгол орны тариалалтын бүс нутгийн төвд оршдог боловч газар зүйн хувьд өндөрлөг тул дунд, эрт  болцын сорттой үр тариаг түлхүү тариалахад тохиромжтой байдаг байна. Иймээс тариалан эрхлэлтийг бодлогоор дэмжих, хөрсний чанарыг сайжруулан га-гаас авах ургацын хэмжээг нэмэгдүүлэх, өрхийн тариалалтыг дэмжих, өвлийн хүлэмжийн аж ахуйг хөгжүүлэхэд анхаарах зэрэг асуудлуудыг ярилцлаа. Хөдөө аж ахуйн талаар цаашид баримтлах бодлогын баримт бичгийг дахин нягтлан боловсруулаад аймгийн ИТХ-ын тэргүүлэгчдийн хурлаар хэлэлцүүлэхээр болов.  
 
Мэдээллийн төв
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-03-18 1117
2а хорооллын хөрөнгө оруулагч нарыг хүлээн авч уулзлаа

Өнөөдөр АЗДТГ-ын дарга В.Сумъяасүх, Хотын захирагчийн албаны дарга Б.Батжаргал, Хот байгуулалт, Барилга ...

2014-04-09 959
БНЭУ-ААС МОНГОЛ УЛСАД СУУГАА ЭНЭТХЭГ УЛСЫН ХЭРГИЙГ ТҮР ХАМААРАГЧ НОЁН ШАЙЛЕШ ЛАХТАКИА ОРХОН АЙМАГТ 2 ХОНОГИЙН АЛБАН АЙЛЧЛАЛ ХИЙХ ГЭЖ БАЙНА

БНЭУ-аас Монгол улсад суугаа Энэтхэг улсын хэргийг түр хамаарагч ноён ШАЙЛЕШ ЛАХТАКИА-ын Орхон аймагт ...

Сурталчилгаа

 

 

 

Веб статистик

Таны IP хаяг: 3.233.220.21
2017-11-30-ний өдрөөс хойш.
  • 9 Онлайн
  • 138 Өнөөдөр
  • 1939 Өчигдөр
  • 2077 Долоо хоногт
  • 15636 Сүүлийн сард
  • 2225265 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар