Б.ЗОРИГТБАЯР: ЖАРГАЛАНТ СУМАА “АГРОПАРК” БОЛГОН ХӨГЖҮҮЛНЭ

 Хөдөө аж ахуй, газар тариалангийн бүс нутаг болох Жаргалант сумын ойрын зорилт бол “Агропарк” байгуулах. Энэ нь Орхон аймгийн 100 гаруй мянган хүн амыг эрүүл хүнсээр хангах зорилготой бөгөөд цаашид ажлын байр  нэмэгдүүлэх, суурьшлын бүс байгуулах, мах, сүүний фермер болон  даршилсан ногооны үйлдвэр байгуулах зэрэг олон зорилттой уялдаж байгаа юм.  Эдгээр зорилго, зорилтуудыг хэрэгжүүлэхээр 2017 оны Үйл ажиллагааны хөтөлбөр, төлөвлөгөөндөө тусган ажиллаж байна гэж Жаргалант сумын Засаг дарга Б..Зоригтбаяр ярьлаа.  Тэрээр эдийн засагч, хүн амзүйч мэргэжилтэй. “Хаан банк”, “Хадгаламж”, “Төрийн банк” –д эдийн засагч, салбар төвийн эрхлэгчээр ажиллаж байгаад 2016 оны 11 дүгээр сараас Жаргалант сумын Засаг даргаар ажиллаж байна. 

 
-Энэ онд хийгдэх гол бүтээн байгуулалт, хөрөнгө оруулалтын ажлаасаа дурдвал?
 
-Манай суманд “Орон нутгийн хөгжлийн сан”-д 858.5 сая төгрөг төсөвлөгдсөн. Үүнийг иргэдийн өмнө тулгамдаж буй асуудлыг шийдвэрлэхэд зарцуулна. Тухайлбал, орон сууц, сургуулийн дээвэр засварлах, цэвэр усны худаг гаргах, цахилгаан хангамжийг нэмэгдүүлэх гээд. Дөчин жилийн түүхтэй сургуулийнхаа дээвэр болон урлагийн заалыг яаралтай засварлах хэрэгтэй байгаа. Мөн сумын баруун, зүүн талд суурьшлын шинэ бүс бий болсон. Энэ хэсэгт цахилгааны хүчдэл уналттай байдаг тул 91 сая төгрөгөөр трансорматор байгуулна. Үүнээс гадна зүүн талдаа ундны усны худаг байдаггүй. Иймд төмөр зам орчим болон зүүн хэсэгт амьдарч буй малчин өрхийг цэвэр усаар хангах зорилгоор хоёр худаг гаргана. Түүнчлэн Улаантолгой багийн байр үйл ажиллагаа явуулахад боломжгүй болсон тул 32 сая төгрөгөөр засварлахаар ажиллаж байна. Ер нь иргэдийн ая тухтай  байдал эрүүл, тайван орчинд амьдрах нөхцөлийг хангахын тулд орон сууцны хаалга бүрийг соронзон хаалгаар солино. 
-Танай сумын хөгжлийн чиг хандлага бол хөдөө аж ахуй. Үүнд суурилсан бодлого, хөтөлбөр, үйл ажиллагаагаа танилцуулбал?   
 
-Юуны өмнө бид “Агропарк” байгуулахаар ажиллаж байна. Ингэснээр мах, сүүний фермер болон даршилсан ногооны үйлдвэр байгуулна. Улмаар  ажлын байр нэмэгдэх, аймгийнхаа иргэдийг эрүүл хүнсээр хангах, цаашлаад сумын хүн амын тоо нэмэгдэх олон давуу талтай юм.
Жаргалант сум нь Улаантолгойн сангийн аж ахуй байсныг санаж байгаа байх. Энэ сангийн аж ахуй Эрдэнэтчүүдийг эрүүл хүнсээр 100 хувь хангаж байсан. Үүнийг сэргээх зорилгоор “Агропарк” байгуулахаар ажиллаж байна.
Мөн ногооны зоорийг нэмэгдүүлэх, худаг гаргах,  малын тарилгын зөөврийн хашаа хийх гээд олон ажил энэ хавар эхэлнэ. Түүнчлэн сумын  хадлан тэжээлийг өөрсдөө бэлтгэхээр хамагч, боогч зэрэг тоног төхөөрөмж авна.  Аливаа сум, аймгийн хөгжилд хүн амын тоо чухал байдаг. Иймд ойрын хугацаанд хүн амын тоогоо 5000 хүргэх, үүний тулд иргэдийн ажиллаж, амьдрах нөхцөлийг бүрдүүлэхээр ажиллаж байна. Тухайлбал, Баян-Өндөр, Жаргалант суманд дундын суурьшлын бүс байгуулах хэтийн төлөвлөгөөтэй байна. Үүнээс гадна манай сумын бэлчээрийн даац 5.5 дахин их байгаа тул малчид, тариаланчдын маргаан, зөрчил их гардаг. Үүнийг зохицуулахын тулд жил бүрийн 10 дугаар сарын 15-аас өмнө ногоочид ногоогоо хураах, түүнээс хойш малчид намаржаандаа гарахаар зохицуулалт хийгээд байна. 
 
-Ирэх жил танай сумын 40 жилийн ой тохионо. Үүнийг угтаж хийж буй ажлаасаа дурдвал?
 
-Сумынхаа 40 жилийн ойг угтаж 40 ажил хийхээр төлөвлөж байна. Ялангуяа хөрөнгө оруулалт, бүтээн байгуулалт, Хүний хөгжлийн чиглэлээр олон ажил хийнэ. Жишээ нь аймгийн Засаг даргын мөрийн хөтөлбөрт туссан “Хүний хөгжил”—ийг гол зорилтоо болгон ажиллаж байна. Өнөөдрийн байдлаар хүүхдэд чиглэсэн таван төрлийн дугуйлан хичээллэж, дунд үеийхнийг ажлын байраар хангах хөтөлбөр, ахмад үеийхний эрүүл мэндийг анхаарах үйл ажиллагаа явагдаж байна. 

 

Холбоотой мэдээлэл

2017-05-12 6465
А.ТҮВШИНЖАРГАЛ: “ЭРДЭНЭТЧҮҮД ЭРДЭНЭТЧҮҮДДЭЭ ХАЙРТАЙ” ДЭД ХӨТӨЛБӨРИЙН ХҮРЭЭНД 2000 ГАРУЙ ИРГЭНИЙГ АЖЛЫН БАЙРТАЙ БОЛГОНО

Аймгийн Засаг дарга Д.Батлутын 2016-2020 оны үйл ажиллагааны хөтөлбөр төлөвлөгөөнд 18 дэд хөтөлбөр батлан ...

2016-08-22 2617
Аймгийн Засаг дарга Д.Батлут Энэтхэгийн Элчин сайд Суриш Бабуг хүлээн авч уулзлаа

Энэ сарын 20-нд аймгийн Засаг дарга Д.Батлут БНЭУ-аас Монгол Улсад суугаа Онц бөгөөд Бүрэн Эрхт Элчин ...

2014-07-31 2135
АЗДТГ-ын дарга В.Сумъяасүх орон сууцны дээвэр засварын ажлыг гүйцэтгэж байгаа компаниудын төлөөллүүдтэй уулзлаа

АЗДТГ-ын дарга В.Сумъяасүх орон сууцны дээвэр засварын ажлыг гүйцэтгэж байгаа компаниудыг төлөөллүүдтэй ...

Цахим төрийн үйлчилгээ


Сурталчилгаа

 

 

 

“ЭРДЭНЭТ ХӨГЖИЛ 2021” ЭДИЙН ЗАСГИЙН ФОРУМ ЭХЭЛЛЭЭ

2021-10-19 9375

“НИЙТИЙН ТЭЭВРИЙН ПАРК ШИНЭЧЛЭЛТ”-ИЙН ТӨСӨЛ ТАНИЛЦУУЛАГДЛАА /Эдийн засгийн форум/

2021-10-19 7978

ЭДИЙН ЗАСГИЙН ФОРУМААС ГАРСАН ОНЦЛОХ ҮР ДҮНГҮҮДИЙГ ТАНИЛЦУУЛЖ БАЙНА

2021-10-20 5769

ЭДИЙН ЗАСГИЙН ФОРУМ ӨНДӨРЛӨЛӨӨ

2021-10-20 5758

ШАТАХУУН ТҮГЭЭГҮҮРИЙН КОМПАНИУДААС ШАТАХУУНЫ ХОМСТЛЫН ШАЛТГААНЫГ ТОДРУУЛЛАА

2021-10-22 627

БАРИЛГА ИНЖЕНЕРИЙН БАЙГУУЛАМЖИЙН АЖЛЫН ГҮЙЦЭТГЭЛИЙН ЯВЦ, ЧАНАРТ ХЯНАЛТ ТАВИХ АЖЛЫН ХЭСГИЙН ТӨЛӨӨЛЛИЙГ ХҮЛЭЭН АВЧ УУЛЗЛАА

2021-10-12 584

“ХОТЫН СОЁЛ- ХАМТЫН СОЁЛ” УРИАН ДОР ЗОХИОН БАЙГУУЛАГДАЖ БУЙ “СОЁЛЫГ ТҮГЭЭЕ” АЯНЫ НЭЭЛТ БОЛЛОО

2021-10-11 428

ДЭД БҮТЦИЙН АЖЛУУД УДААШРАЛТАЙ БАЙГАА ГАЗРУУДАД ХОЛБОГДОХ БАЙГУУЛЛАГУУД АЖИЛТНАА ЗОГСООЖ ХЯНАЛТ ТАВИУЛАХ ҮҮРЭГ ӨГӨВ

2021-10-11 327

ЗАСАГ ДАРГЫН ЗӨВЛӨЛИЙН XXI ХУРАЛДААН ХУРАЛДЛАА

2021-10-21 240

БАРИЛГЫН САЛБАРЫН ХӨРӨНГӨ ОРУУЛАЛТЫН АЖЛЫГ ГҮЙЦЭТГЭЖ БУЙ КОМПАНИУДТАЙ УУЛЗАЛТ ХИЙЛЭЭ

2021-10-17 193

Веб статистик

Таны IP хаяг: 3.214.224.207
2021-06-10-ний өдрөөс хойш.
  • 21 Онлайн
  • 5614 Өнөөдөр
  • 2434 Өчигдөр
  • 22248 Долоо хоногт
  • 91160 Сүүлийн сард
  • 6349136 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1024

Facebook

Цаг агаар