ХАЧИГТ ХАЛДВАРААС СЭРГИЙЛЭХ ВАКЦИНЫГ ҮНЭ ТӨЛБӨРГҮЙ ХИЙЖ БАЙНА

Жил бүрийн 4-р сараас хачигт халдварын улиралчлал эхэлдэгтэй холбоотойгоор хачигт энцефалитын вакциныг үнэ төлбөргүй хийж байна. Хачигт халдвар нь хүнд хачгаар дамжин халдварладаг байгалийн голомтот хурц халдварт өвчин бөгөөд хачгаар дамжин халдварладаг 30 гаруй халдвар байдгаас манай оронд хачигт энцефалит, хачигт риккетсиоз, хачигт боррелиоз өвчнүүдийг 2005 оноос албан ёсоор бүртгэж эхэлсэн. Өнгөрөгч онд улсын хэмжээнд хачигт боррелиозийн 61тохиолдол, хачигт риккетсиогийн 59 тохиолдол, хачигт энцефалитийн 12 тохиолдол бүртгэгдсэнээс 2 хүн нас барсан байна.

Харин аймгийн хэмжээнд өнгөрөгч онд хачигт энцефалитийн 2 тохиолдол, хачигт риккетсиоз болон хачигт боррелиозийн тохиолдол тус тус нэг бүртгэгдсэн байна. Хачигт риккетсиоз өвчнийг дамжуулагч хачиг нь ихэнх нутгаар тархсан байдаг бол хачигт энцефалит болон хачигт боррелиоз өвчнийг дамжуулагч хачиг нь ой мод ихтэй бүс нутагт тархсан байдаг.

Хачигт энцефалит өвчний үед өндөр халуурах, толгой хүчтэй өвдөх, бөөлжих, үе мөч, ууц нуруугаар шархирч өвдөх, уналт таталт, саа саажилт зэрэг шинж илэрдэг. Хачигт боррелиоз өвчин нь толгой өвдөх, халуурах, бие сулрах, булчин үе мөчөөр өвдөх, биен дээр цагирган  тууралт гарах шинж тэмдгээр, хачигт риккетсиоз нь халуурах, толгой хүчтэй өвдөх, тууралт, тунгалагийн булчирхайн үрэвсэл, хачиг хазсан газарт үрэвсэх зэрэг шинж тэмдгүүдэр илэрдэг. Хачигт халдвараас сэргийлэхийн тулд халдварын голомттой газруудаар явахдаа тод өнгийн битүү хувцас өмсөж 2-3 цаг тутамд биеэ шалгах, хачигт бодис хэрэглэх, мөн хачигт энцефалитаас сэргийлэх вакцинд хамрагдах шаардлагатай.  Хачигт энцефалитын вакциныг БОЭТ-ийн Дархлаажуулалтын кабинетад үнэ төлбөргүй хийлгэх боломжтой. Мөн дэлгэрэнгүй мэдээллийг 70353624 70353661 утсаар авч болох юм.

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-06-29 4576
БАЯР НААДМЫН ҮЕЭР НИЙТИЙН ХООЛ ҮЙЛДВЭРЛЭЛ, ХУДАЛДАА ҮЙЛЧИЛГЭЭ ЭРХЛЭХ АЖЛЫГ ЗОХИОН БАЙГУУЛАХ ТӨЛӨВЛӨГӨӨ

Нийтийн хоол үйлдвэрлэл, худалдаа үйлчилгээ эрхлэх ажлыг зохион байгуулах төлөвлөгөө

2015-08-29 746
Байгаль орчны газрын мэдээлэл

1.Баян-Өндөр сумын Говил багийн Бортын ам, Зосын давааны хоорондох ой сан, Зосын даваа, Бухын давааны ...

2015-08-26 745
Цэцэрлэгийн хүүхдийн үзлэг шинжилгээг хийж эхэллээ

8-р сарын 24-нөөс эхлэн цэцэрлэгийн хүүхдийн үзлэг шинжилгээг хийж эхэлж байгаатай холбогдуулан Бүсийн ...

Сурталчилгаа

 

 

Веб статистик

Таны IP хаяг: 18.206.16.123
2017-11-30-ний өдрөөс хойш.
  • 26 Онлайн
  • 1315 Өнөөдөр
  • 1506 Өчигдөр
  • 7823 Долоо хоногт
  • 27206 Сүүлийн сард
  • 1763591 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  725

Facebook

Цаг агаар