“ОЮУТАН ЦЭРЭГ”-Т ЦЭРГИЙН МЭРГЭЖИЛ ОЛГОХ СУРГАЛТ НЭЭЛТЭЭ ХИЙЛЭЭ

Их, дээд сургууль, МСҮТ-ийн оюутнуудыг суралцах хугацаанд нь цэргийн эрчимжсэн сургалттай тусгай хөтөлбөрөөр цэргийн бэлтгэл сургалтад хамруулан цэргийн алба хаалгах бололцоог бүрдүүлэх, эх орноо батлан хамгаалах, төрийн алба хаших, эрүүл чийрэг, бие бялдар, сэтгэл зүйн болон цэргийн бэлтгэлтэй залуусын тоог нэмэгдүүлж, улс орныг батлан хамгаалах чадавхийг сайжруулан дайчилгааны бэлтгэл үүрэгтний нөөцийг хангахад “Оюутан цэрэг” хөтөлбөрийн зорилго оршдог.

         Монгол улсын Ерөнхийлөгчийн 92 дугаар зарлиг, Засгийн газрын 40 дүгээр тогтоол, Батлан хамгаалахын сайд, Боловсрол, соёл, шинжлэх ухааны сайдын 2014 оны хамтарсан тушаалаар оюутан залуус цэргийн алба хаах журмыг баталж, “Цэргийн ерөнхий бэлтгэл” болон “Цэргийн мэргэжлийн бэлтгэл” сургалт явуулж, 2014 оноос хойш 4 дэх жилдээ оюутнуудыг хамруулан цэргийн төрөл бүрийн мэргэжлээр сургаж байна. “Оюутан цэрэг” хөтөлбөр өмнөх жилүүдэд Улаанбаатар хотоос гадна орон нутагт Ховд, Дорнод зэрэг аймгуудад хэрэгжиж байсан. Тухайлбал,  2016 онд 1000 оюутан “Оюутан цэрэг” хөтөлбөрт хамрагдсан бөгөөд Ховд аймагт 150 оюутан, Дорнод аймагт 100 оюутан, Улаанбаатар хотод 750 оюутан хамрагдсан юм. 
       Харин энэ жилээс эхлэн манай аймагт хэрэгжиж эхэллээ. Дархан-Уул болон Орхон аймагт үйл ажиллагаа явуулж буй 6 их дээд сургууль, 4 МСҮТ-д суралцдаг оюутнуудаас журмын шаардлага хангасан болон эрүүл мэндийн үзлэгээр тэнцсэн 100 оюутныг “Оюутан цэрэг” хөтөлбөрт хамруулж байна. Эдгээр оюутнууд нь Увс, Завхан, Хөвсгөл, Архангай, Булган гэх мэт 10 аймгаас ирж суралцаж буй оюутнууд юм. 
“Оюутан цэрэг” хөтөлбөрийн нээлтийн ажиллагаа өнөөдөр Ш.Отгонбилэгийн нэрэмжит ШУТИС дээр болж өнгөрлөө. Нээлтийн үйл ажиллагаанд БХЯ-ны Бодлого, стратеги, төлөвлөлтийн газрын дарга, Бригадын генерал Г.Сайханбаяр, Орхон аймгийн Засаг даргын орлогч С.Батжаргал, Цэргийн штабын дарга хурандаа Г.Батсуурь, ЗХ-ний 186-р ангийн захирагч, хурандаа Д.Жигжидсүрэн нар болон их дээд сургуулийн захирал, сургалтын албаны дарга нар оролцлоо. Оюутан цэргүүд 2 сарын хугацаанд танхимын сургалтад хамрагдсаны дараа ЗХ-ний 186-р ангид цэргийн мэргэжлийн бэлтгэл сургуулилтаа хийнэ. 
 
 
 
 
 
 
 
 
                                                                                                                                                                     Мэдээллийн төв
 

 

Холбоотой мэдээлэл

2021-09-30 377
17-Р СУРГУУЛЬД ХӨНДЛӨНГИЙН ЭКСПЕРТИЗ АЖИЛЛАЖ БАЙНА

Даваат багийн нутаг дэвсгэрт байрлах 17-р сургуулийн барилга энэ оны 9 дүгээр сарын 3-ны өдөр шаланд ...

2014-10-10 1552
Хэвлэлийн бага хурал боллоо.

Баян-Өндөр сумын Засаг дарга И. Баасанжав өнөөдөр Аймгийн Засаг даргын Тамгын газрын мэдээллийн цагаар ...

2015-06-07 1476
Стандартчилал хэмжил зүйн хэлтэс 7 хоногийн мэдээ 2015.06.02-06

Хэмжил зүйн чиглэлээр: Стандартчиллын чиглэлээр: Тохирлын баталгаажуулалтын чиглэлээр:

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.92.164.9
2021-01-03-ний өдрөөс хойш.
  • 7 Онлайн
  • 201 Өнөөдөр
  • 823 Өчигдөр
  • 2877 Долоо хоногт
  • 33097 Сүүлийн сард
  • 6528483 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1086

Facebook

Цаг агаар