ХҮҮГҮЙ, БАРЬЦАА ХӨРӨНГӨГҮЙ “ИТГЭЛИЙН ЗЭЭЛ” ОЛГОНО

 Энэ сарын 16-нд УИХ-ын гишүүн О.Содбилэг, Хөдөлмөр, нийгмийн хамгааллын сайд Н.Номтойбаяр тэргүүтэй албаны хүмүүс манай аймагт ажиллаж иргэдтэй уулзалт хийлээ. Энэ үеэр манай аймагт “Итгэлийн зээл” олгох санхүүгийн эх үүсвэрийг баталгаажуулсан гэрээнд Хөдөлмөр, нийгмийн хамгааллын сайд Н.Номтойбаяр, Засаг дарга Д.Батлут нар гарын үсэг зурлаа. Ингэснээр 1.4 тэрбум орчим төгрөгийг банкны шалгуурыг хангах боломжгүй, барьцаа хөрөнгөгүй иргэдэд зээл олгоход зарцуулах нөхцөл бүрдэж байна. Өөрөөр хэлбэл дээрх хөрөнгийн тодорхой хэсгийг барьцаагүй, хүүгүй хэлбэрээр иргэдэд олгоно гэсэн үг юм. Үүний тулд иргэд бүлгийн зохион байгуулалтад орох хэрэгтэй. Уг ажил нь энэ оны 6-р сараас эхэлнэ. Үүний өмнө холбогдох журмыг баталж, хамрагдах иргэдийг сургалтад хамруулах юм. Дээрх зээлийг олгосноор иргэдийн орлого, ажлын байрыг нэмэгдүүлэх боломжтой гэж үзэж байна. Уг зээлийг олгох саналыг аймгийн Засаг дарга Д.Батлут ХНХ-ийн сайдад хүргүүлсэн нь ийнхүү амжилттай шийдвэрлэгдлээ. 

УЛСЫН ТӨСВИЙН ХӨРӨНГӨӨР МАНАЙ АЙМАГТ 150 ХҮҮХДИЙН ЦЭЦЭРЛЭГ БАРИНА

Мөн уулзалтын үеэр УИХ, Засгийн газраас хэрэгжүүлж буй бодлого, шийдвэрүүдийг танилцуулж, иргэдийн асуултад хариулт өглөө. Эрх барьж буй намын зүгээс өмнөх 4 жилд бий болсон бодлогын алдааг засаж залруулахад анхаарч ажиллаж буйг УИХ-ын гишүүн О.Содбилэг хэллээ. Түүнчлэн УИХ-ын гишүүн О.Содбилэг, Д.Дамба-Очир нар Засгийн газарт хүсэлт тавьснаар улсын төсвийн  1 тэрбум 150 сая төгрөгийн хөрөнгөөр манай аймагт 150 хүүхдийн цэцэрлэг баригдахаар болсон таатай мэдээг дуулгалаа. 

Мөн ОУВС-ийн хөтөлбөрт хамрагдсанаар татвар, тэтгэврийн насыг нэмэх гэж байна гэсэн ташаа мэдээлэл олон нийтийн дунд байна. Үнэндээ өндөр орлоготой иргэдийн татвар нэмэгдэж тэтгэврийн насыг шат дараатайгаар буюу жилд гурван сараар сунгана гэж Хөдөлмөр, нийгмийн хамгааллын сайд Н.Номтойбаяр хэлсэн үгэндээ онцоллоо. Гэхдээ одоогоор эцсийн шийдвэр гараагүй бөгөөд  хэлэлцээрийн шатанд яваа юм. 

Засгийн газрын 2020 хүртэлх хугацаанд хэрэгжүүлэх үйл ажиллагааны хөтөлбөрт Хөдөлмөр, нийгмийн хамгааллын яамнаас хэрэгжүүлэх 47 арга хэмжээ туссан. Одоогоор үүний 60 орчим хувийг амжилттай хэрэгжүүлээд байгаа юм. Дээрх ажлууд нь ахмад настан, залуучууд, хүүхдүүд, хөгжлийн бэрхшээлтэй иргэд гээд нийгмийн бүхий л хүрээнд чиглэсэн юм. 

Мэдээллийн төв

 

Холбоотой мэдээлэл

2015-10-14 927
“Эрдэнэт үйлдвэрлэл, технологийн парк” хөрөнгө оруулагчдын чуулга уулзалт боллоо

2015 оныг үйлдвэрлэл үйлчилгээг дэмжих жил болгон зарласантай холбоотойгоор “Эрдэнэт үйлдвэрлэл, ...

2015-02-08 380
Мэргэжлийн хяналтын газрын долоо хоногийн мэдээ /2015.02.02-06/

Байгаль орчин: Андын зам ХХК-ний дээрээ тоглоомын талбайтай 64 машины автогражийн барилга хүлээн авах ...

2014-05-27 445
Эрдэнэт хотын орон сууцны цахилгаан шат шинэчлэх ажил гүйцэтгэгч “Тот русь союз” ХХК

Тус байгууллага нь 2014 оны 05 сарын 13-наас 06-16-ныг дуустал 151-р тогтоолын 2-р ангиллаар ГХБХБГ-аас ...

Сурталчилгаа

Веб статистик

Таны IP хаяг: 54.205.126.164
2017-01-03-ний өдрөөс хойш.
  • 12 Онлайн
  • 84 Өнөөдөр
  • 2412 Өчигдөр
  • 6097 Долоо хоногт
  • 57885 Сүүлийн сард
  • 431920 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  507

Facebook

Цаг агаар