ЭРДЭНЭТ ХОТЫН УСНЫ АЛДАГДЛЫГ БУУРУУЛАХ ТӨЛӨВЛӨГӨӨГ ХАНГАЛТГҮЙ ХЭРЭГЖҮҮЛСЭН ГЭЖ ДҮГНЭЛЭЭ

АИТХ-ын тэргүүлэгчид өнөөдөр хуралдаж 8 асуудал хэлэлцлээ. Үүнд “Эрдэнэт хотын усны алдагдлыг бууруулах арга хэмжээний төлөвлөгөө”-ний биелэлт багтсан юм. Үүнд нийт 20 ажил туссанаас 9 ажил нь 90-100 хувийн гүйцэтгэлтэй. 4 ажил нь 30-45 хувьтай хэрэгжиж байгаа бол 7 ажил огт хийгдээгүй байна. Өөрөөр хэлбэл төлөвлөгөөний биелэлт 55 хувьтай байна гэж мэргэжлийн байгууллагуудын илтгэлд дурдлаа. Биелээгүй ажлуудын хувьд ихэвчлэн хөрөнгө оруулалтаас шалтгаалсан талаар “Эрдэнэт Ус ДТС” ОНӨХК-ийн Ерөнхий инженер ярьлаа. 

Манай хот 60 км-ын зайнаас ундны усны хэрэгцээгээ хангадаг. “Эрдэнэт үйлдвэр” ХХК-ийн тоногт төхөөрөмжийг ашиглаж жилд 6 сая гаруй шоо метр хэмжээтэй ус авдаг боловч 50 орчим хувь нь алдагдал болдог аж. Үүний төлөө жил бүр тус компанийн газрын төлбөрөөс 2 тэрбум төгрөгийг хөнгөлдөг. Усны алдагдалтай холбоотой асуудлыг сүүлийн 20 гаруй жил ярьж байгаа боловч одоог хүртэл шалтгааныг нь нарийн тогтоогоогүй байгаад ИТХ-ын зарим тэргүүлэгч шүүмжлэлтэй хандсан юм. Хэдийгээр шугам хоолой, тоолуурын элэгдэл зэрэг шалтгаан нөлөөлдөг гэдэг ч энэ нь хэт ерөнхий тайлбар гэж үзлээ. Мөн 2013 оноос хойш жил бүр усны алдагдал буурсаар ирсэн ч “Эрдэнэт үйлдвэр” ХХК-ийн газрын төлбөрөөс суутган тооцдог 2 тэрбум төгрөг буурахгүй байгаа нь хачирхалтай байна гэсэн юм. 
 
Өөрөөр хэлбэл АИТХ-ын тэргүүлэгчид “Эрдэнэт хотын усны алдагдлыг бууруулах арга хэмжээний төлөвлөгөө”-г хангалтгүй биелүүлсэн байна гэж дүгнэсэн. Иймд дээрх төлөвлөгөөг холбогдох баримт бичигтэй уялдуулан дахин боловсруулах үүргийг холбогдох байгууллага, албан тушаалтнуудад өглөө. 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-10-02 780
Хууль зүйн хэлтсээс мэдээлж байна.

Төмөр замын “Эрдэнэт” өртөөний ойр орчимд байгаа иргэн, аж ахуй нэгж, байгууллагуудын удаа ...

2014-01-09 488
Гэр хорооллын худгууд усны машин хүлээлгүй усаа шууд авч эхэллээ.

Гэр хорооллын иргэдийг цэвэр усны шугамд холбох ажил 2011 онд эхэлсэн. Шугам татах ажил дууссан ...

2015-02-10 487
Нийтийн тээврийн нөхөн олговорын журам батлагдлаа

Нийтийн тээврийн хэрэгслээр үнэ төлбөргүй зорчих эрх бүхий иргэдийн нөхөн олговрыг хуваарилах, санхүүжүүлэх ...

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 19 Онлайн
  • 446 Өнөөдөр
  • 3194 Өчигдөр
  • 5983 Долоо хоногт
  • 14664 Сүүлийн сард
  • 1142479 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар