Дулааны улирал эхэлж буй учир шар усны үерээс урьдчилан сэргийлэх зорилгоор хотын хэмжээнд үерийн далан, шуудуу, ус зайлуулах хоолойг сэргээх, цэвэрлэх ажлыг эхлүүлэх гэж байна. Үүний хүрээнд Хотын захирагчийн алба, Онцгой байдлын газраас холбогдох судалгааг хийсэн байна. Тодруулбал, 13 багийн нутаг дэвсгэрт 30 гаруй км үргэлжлэх шуудууг цэвэрлэх, сэргээх хэрэгтэй. Дээрх ажлыг 60 хүн 3 хоногийн хугацаанд гүйцэтгэх боломжтой гэж мэргэжлийн байгууллагууд үзжээ.
Аймгийн Засаг дарга Д.Батлут уг ажлыг яаравчлахыг үүрэг болгосон. Мөн ажиллах иргэдийг “Эрдэнэтчүүд-Эрдэнэтчүүддээ хайртай” хөтөлбөрт бүртгэгдсэн айлуудаас сонгох чиглэл өгсөн юм. Дээрх хөтөлбөрт хамрагдах буюу гэр бүлд нь хөдөлмөр эрхэлдэг нэг ч хүн байхгүй 1147 өрх бий. Эдгээр өрхийн гишүүдээс үерийн далан, шуудуу, ус зайлуулах хоолойг сэргээх, цэвэрлэхэд ажиллуулахаар боллоо. Дээрх иргэд нь өдөрт 20 гаруй мянган төгрөгөөр цалинжих юм.
Үерийн далан, шуудуу, ус зайлуулах хоолойг сэргээх, цэвэрлэх ажил энэ долоо хоногийн баасан гарагт эхэлж ням гарагт дуусах ёстой. Үүнээс өмнө ажиллах иргэдэд ХАБЭА-н заавар, зөвлөмж өгөх зэрэг ажлыг зохион байгуулах юм.
Мэдээллийн төв
.jpg)
.png)
.jpg)
.jpg)
Сэтгэгдэл