Д.БАТЛУТ: МӨРӨӨДӨЛДӨӨ ЭЗЭН БАЙГААРАЙ

Ерөнхий боловсролын сургуулийн ахлах ангийн сурагчдын төлөөлөл аймгийн Иргэдийн төлөөлөгчдийн хурлын Ажлын алба, Засаг даргын Тамгын газрын үйл ажиллагаатай танилцлаа. Энэ нь Их жанжин Д.Сүхбаатарын мэндэлсний 124 жилийн ойг тохиолдуулан хийгдсэн ажил юм. Уг үйл ажиллагаанд “Эрдэм” ахлах, 2,7-р сургууль болон “Наран” цогцолбор сургуулийн ахлах ангийн 60 сурагч оролцлоо. Энэ үеэр тэднийг Засаг дарга, Засаг даргын орлогч, Тамгын газрын дарга болон хэлтэс албадын удирдлагууд хүлээн авч өөрийн эрхлэх асуудал, чиг үүргийг танилцуулж, сонирхсон асуултад нь хариулсан юм. 

Аймгийн Засаг дарга Д.Батлут ахлах ангийн сурагчдыг хүлээн авах үеэрээ удахгүй “Наран” цогцолбор сургуулийг смарт буюу ухаалаг сургууль болгохоор ажиллаж буйгаа дуулгасан. Энэ ажилд 350 мянган ам.доллар зарцуулах юм. Мөн орон нутгийн төсвөөс тус сургуулийн засварт 150 сая төгрөг зарцуулж байгааг хэллээ. Түүнчлэн хүүхэд, залуучуудыг чөлөөт цагаа зөв боловсон өнгөрүүлэх боломж нөхцөлөөр хангах зорилгоор “Хүүхэд залуучуудын парк”-ыг дэлхийн бусад хотуудын жишигт нийцсэн хэлбэрээр шинэчлэхээр ажиллаж байгаагаа онцоллоо. Үүнийг “Эрдэнэт үйлдвэр” ХХК-тай хамтран хэрэгжүүлэхээр төлөвлөж байна гэлээ. Мөн тэрээр сурагчдад хандан
“Мөрөөдөлдөө эзэн байгаарай”
хэмээн захисан юм. 
 
АИТХ-ын ажлын алба, ЗДТГ-ын үйл ажиллагаатай танилцсан “Наран” цогцолбор сургуулийн сурагч Э.Баярбат хэлэхдээ “Өмнө нь би ийм үйл ажиллагаанд оролцож байгаагүй. Захиргааны байр руу орж ирээд харахад бүх зүйл нягт, нямбай, идэвхтэй байдаг юм шиг санагдсан. Засаг дарга биднийг мэргэжлээ зөв сонгож мөрөөдөлдөө эзэн байгаарай гэж захисан нь надад урам өглөө” гэсэн юм.  
 
Цаашид энэхүү ажлыг уламжлал болгон явуулахаар ЗДТГ-ын Нийгмийн бодлогын хэлтсээс төлөвлөж байна. 
 
 
 
 
 
 
Мэдээллийн төв
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-02-09 588
Иргэдийн санал хүсэлтийг хүлээн авах 70353511 төвийн 7 хоногийн мэдээлэл /2015.02.02-06/

Шийдвэрлэж хариу өгсөн -39 Шийдвэрлэх шатандаа байгаа -25

2014-11-23 950
Газрын харилцаа, барилга хот байгуулалтын чиглэлээр: 2014 оны 11 сарын 17-ны өдрөөс 21 хүртэл

Нутгийн захиргааны байгууллагуудаас иргэдэд үзүүлэх төрийн үйлчилгээг түргэн шуурхай болгох талаар авч ...

2013-09-16 3942
Төрийн жинхэнэ албан тушаалд анх ороход авах мэргэшлийн шалгалт 10-р сарын 01-д зохион байгуулагдана.

Нийт 29 ажлын байранд иргэд өрсөлдөх ба шалгалтанд орохыг хүсэгчдийг 9 сарын 26, 27-ны өдрүүдэд 10-17 ...

Сурталчилгаа

 

 

Веб статистик

Таны IP хаяг: 18.206.16.123
2017-11-30-ний өдрөөс хойш.
  • 34 Онлайн
  • 1308 Өнөөдөр
  • 1506 Өчигдөр
  • 7816 Долоо хоногт
  • 27199 Сүүлийн сард
  • 1763584 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  725

Facebook

Цаг агаар