ЭРДЭНЭТ ХОТОД СУРГУУЛИЙН СУРАГЧДЫН АМРАЛТЫГ СУНГАХГҮЙ

 Томуу, томуу төст өвчний дэгдэлтийн улирал тохиож байгаа тул аймгийн Засаг дарга захирамж гаргаж энэ төрлийн өвчлөлөөс урьдчилан сэргийлэх ажлын хэсгийг байгуулсан. Ажлын хэсгийн бүрэлдэхүүн өнөөдөр хоёр дахь хурлаа хийж Засаг даргын орлогч А.Түвшинжаргалд нөхцөл байдлыг танилцууллаа. 

Энэ долоо хоногийн даваа гарагийн байдлаар аймгийн хэмжээнд амбулаторийн нийт үзлэгийн 8.7 хувийг томуу, томуу төст өвчний үзлэг эзэлсэн байна. Мөн Хүүхдийн хүлээн авахаар 450 гаруй хүүхэд үйлчлүүлжээ. Мөн даваа гарагийн байдлаар БОЭТ-ийн Хүүхдийн тасагт 78 хүүхэд хэвтэн эмчлүүлсэн. Нийт хэвтсэн эмчлүүлэгчдийн 30.7 хувийг хатгаа туссан хүүхэд эзэлж байгаа талаар Эрүүл мэндийн газрын дарга М.Баттүвшин ярьлаа. Томуу, томуу төст өвчнөөр бага насны хүүхдүүд өвчлөх нь их байгааг энэ үеэр мэргэжлийн хүмүүс хэллээ. Тодруулбал, Өнөөдөр буюу 1-р сарын 18-нд нийт 841 хүүхэд өвчтэй гэсэн шалтгаанаар цэцэрлэгтээ ирээгүй гэж Боловсрол, соёл урлагийн газрын мэргэжилтэн хэллээ. Дээрх хүүхдүүдийн 700 гаруй нь ханиад, томуу туссан аж. 
Засаг даргын захирамжаар байгуулагдсан ажлын хэсгээс Өрхийн эрүүл мэндийн төвүүдийг уртасгасан цагаар ажиллуулахаар шийдвэрлэсэн. Өөрөөр хэлбэл ӨЭМТ-үүд ажлын өдрүүдэд 20 цаг хүртэл, амралтын өдрүүдээр 4 цаг ажиллаж байгаа аж. Энэ нь ч үр дүнгээ өгч Хүүхдийн хүлээн авахын ачаалал буурах хандлагатай байгаа юм байна. 
Эрүүл мэндийн сайдын тушаалд томуугийн өвчлөл амбулаторийн нийт үзлэгийн 15 хувийг эзэлсэн тохиолдолд хорио цээр тогтоохоор заасан. Одоогоор энэ үзүүлэлт аймгийн хэмжээнд 8.7 хувь байгаа учир нийслэлтэй ижил сургуулийн сурагчдын амралтыг сунгах шаардлагагүй гэж ажлын хэсгийн бүрэлдэхүүн үзлээ. 
Энэ үеэр аймгийн Засаг даргын орлогч А.Түвшинжаргал өрхийн эрүүл мэндийн төвүүдийн эмч нарын илүү цагийн хөлс, гэрээр үзлэг хийхэд шаардлагатай шатахууны мөнгийг шийдвэрлэхээ хэллээ. Тиймээс сургууль, цэцэрлэгийн эмч нарын ажлыг сайжруулж, эцэг, эхчүүдэд томуугийн өвчлөлөөс урьдчилан сэргийлэх заавар, зөвлөмжийг тогтмол хугацаанд хүргэх үүргийг ажлын хэсгийн бүрэлдэхүүнд өглөө. 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-10-28 1006
НИЙГМИЙН ХӨГЖЛИЙН ХЭЛТСИЙН МЭДЭЭЛЭЛ /2013.10.21-10.25/

Боловсролын талаар: - 18-р цэцэрлэгийн өргөтгөлийг ашиглалтанд хүлээн авлаа. Бялзуухай болон 23-р цэцэрлэгийн ...

2016-12-02 1423
ГАЗРЫН ХАРИЛЦААНЫ ЧИГЛЭЛЭЭР ИРЭХ ОНД БАРИМТЛАХ ҮЙЛ АЖИЛЛАГААНЫ ЧИГЛЭЛИЙГ ХЭЛЭЛЦЭЖ БАЙНА

Аймгийн ИТХ-ын ээлжит IV хуралдаанаар 2017 оны төсвийг баталлаа. Үүний дараа Газрын харилцаа барилга, ...

2015-04-29 873
Хүнс, хөдөө аж ахуйн газрын 2015 оны 04-р сарын төсвийн гүйцэтгэлийн мэдээ

1. Зардлыг санхүүжүүлэх эх үүсвэр 2. Нийт зарлагын дүн 3. Байгууллагын тоо

Сурталчилгаа

 

 

 

Веб статистик

Таны IP хаяг: 3.233.239.102
2017-11-30-ний өдрөөс хойш.
  • 17 Онлайн
  • 1311 Өнөөдөр
  • 1611 Өчигдөр
  • 16665 Долоо хоногт
  • 12796 Сүүлийн сард
  • 2222425 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар