ОРХОН, БУЛГАН АЙМГИЙН БАЙГАЛЬ ОРЧИН, АЯЛАЛ ЖУУЛЧЛАЛЫН ГАЗРЫН ДАРГА НАРЫН 2017 ОНД ХАМТРАН АЖИЛЛАХ ТӨЛӨВЛӨГӨӨ БАТАЛЛАА

 Орхон, Булган аймгийн Засаг дарга нарын 2016-2020 онд хамтран ажиллах гэрээ болон хэрэгжүүлэх ажлын төлөвлөгөөнд тусгагдан батлагдсан Байгаль орчин, аялал жуулчлалын салбарын асуудлуудыг уулзалт, хэлэлцүүлгийг зохион байгуулж Орхон, Булган аймгийн Байгаль орчин, аялал жуулчлалын газрын дарга нарын 2017 онд хамтран ажиллах төлөвлөгөөнд Байгаль орчныг хамгаалах, нөөцийг зүй зохистой ашиглуулахад хамтарсан хяналт шалгалтын ажлыг эрчимжүүлэх, аялал жуулчлалыг хамтран хөгжүүлэхэд анхаарах зэрэг 2 зорилт, 15 хэрэгжүүлэх арга хэмжээг тусган баталлаа.

Тус арга хэмжээнд Орхон аймгийн Засаг даргын Хөрөнгө оруулалт, хөгжлийн бодлого төлөвлөлтийн хэлтсийн дарга Ц.Баяржаргал, Баян-Өндөр сумын Засаг дарга С.Ганцогт, Байгаль орчин, аялал жуулчлалын газрын дарга С.Жаргалсайхан, Булган аймгийн Засаг даргын орлогч Ц.Бат-Өлзий, Хөрөнгө оруулалт, хөгжлийн бодлого төлөвлөлтийн хэлтсийн дарга Д.Буманбаяр, Байгаль орчин, аялал жуулчлалын газрын дарга А.Гантөмөр болон холбогдох мэргэжилтэнүүд оролцлоо. Мөн 2 аймгийн Засаг даргын Тамгын газрын Хөрөнгө оруулалт, хөгжлийн бодлого, төлөвлөлтийн хэлтэс цаашид хамтран ажиллах талаар санал солилцоо. Гэрээ байгуулах үйл ажиллагаа энэ сарын 7-нд буюу өнөөдөр    Булган аймагт болсон юм.