МАНАЙ УЛСАД ХДХВ/ДОХ-ЫН ХАЛДВАРТАЙ 218 ТОХИОЛДОЛ БҮРТГЭГДЖЭЭ

 Аймгийн Эрүүл мэндийн газар,  БОЭТ, Улаан загалмайн хороо  хамтран   ХДХВ/ДОХ-оос урьдчилан сэргийлэх чиглэлээр хийж буй ажлаа танилцууллаа. Жил бүрийн 12 дугаар сарын нэгний өдрийг дэлхий нийтээрээ  ДОХ-оос урьдчилан сэргийлэх өдөр болгон тэмдэглэдэг бөгөөд энэ жил “ХДХВ/ДОХ-оос сэргийлэх нь та бидний гарт” гэсэн уриа дэвшүүлжээ. 

   Өнөөдрийн байдлаар дэлхийд 36.7 сая хүн ХДХВ-ийн халдвартай байна. Жилд дунджаар 2.1 сая хүн уг өвчний халдвар авдаг гэсэн судалгаа байна. Харин Монголд энэ оны 11 дүгээр сарын байдлаар 218 тохиолдол бүртгэгджээ. 2016 оны шинэчилсэн тооцооллоор 15-49 насныханы дунд ХДХВ-ийн халдвартай 457 хүн байх магадлалтай гэнэ.  Өөрөөр хэлбэл, ХДХВ-ын халдвараар бүртгэгдсэн 2 хүний ард гурван хүн оношлогдоогүй байдаг гэсэн тооцоо байна.  Манай улсад бүртгэгдсэн 218 тохиолдлын 62 хувийг 25-34 насны залуучууд эзэлж байна. Халдвар авсан тохиолдлын 99 хувь нь бэлгийн замаар дамжсан бөгөөд үүний 80 хувь нь эрчүүдтэй бэлгийн хавьталд ордог эрчүүд /ЭБЭ/  байна. Халдварын тохиолдол 21 аймгаас илэрсэн байна. Энэ онд 5, 1992 онд анх илэрсэнээс хойш 35 хүн уг өвчний улмаас нас баржээ. 
 
 
    Орхон аймгийн ЭМГ, БОЭТ хамтран бэлгийн замаар дамжих халдварын тархалтыг бууруулах зорилгоор өсвөр насныханд үйлчилдэг эмчийн орон тоог 2013 оноос бий болгожээ. Тус аймагт бүртгэгдсэн  халдварт өвчний 25 хувийг бэлгийн замаар дамжих халдвар эзэлдэг байна. Үүний 48.9  хувь нь тэмбүү, 22.8 хувь нь трихомназ, 6.6 хувь нь заг хүйтэн өвчин эзэлж байна. Бэлгийн замаар дамжих халдвартай иргэдийн дийлэнх нь 15-34 насныхан байна. Иймд ЗДТГ, ЭМГ, БОЭТ, Улаан загалмайн хороо хамтран өсвөр үе, оюутан залуусын дунд урьдчилан сэргийлэх үзлэг хийж байна. Дашрамд дурдахад, ХДХВ-ын халдварыг эрт илрүүлж чадвал дархлаа дэмжих эмчилгээ хийлгэснээр 72 хүртэл наслах, 20 насандаа илрүүлж эмчилгээ хийлгэвэл 35 хүртэл наслах боломжтой гэнэ. Иймд иргэд бэлгийн замаар дамжих халдварт өртөхгүй байх ийм эрсдэлд орохоос сэргийлэх, 15-49 насныхан жилд нэг удаа шинжилгээнд хамрагдах хэрэгтэй гэж БОЭТ-ийн эмч ярьлаа. 
Мэдээллийн төв
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-08-31 937
Нийгмийн даатгалын орлого бүрдэлтийн талаар

Нийгмийн даатгалын орлого бүрдэлтийн талаар : 2014 онд 62187,7 сая төгрөгийг Нийгмийн даатгалын санд ...

2015-02-12 1016
Сар шинийн баярыг угтаж хийж буй урьдчилан сэргийлэх хяналтын танилцуулга

Үндэсний уламжлалт баяр Цагаан сарыг угтаж тус аймагт үйл ажиллагаа явуулж буй хүнсний чиглэлийн ...

2014-03-05 1110
Тээвэр авто замын газраас

2014 оны 03 дугаар сарын 04-ны өдөр Тээвэр авто замын газраас зарласан хот доторх нийтийн тээврийн үйлчилгээнд ...

Сурталчилгаа

 

 

 

Веб статистик

Таны IP хаяг: 3.233.239.102
2017-11-30-ний өдрөөс хойш.
  • 8 Онлайн
  • 1903 Өнөөдөр
  • 1611 Өчигдөр
  • 17257 Долоо хоногт
  • 13388 Сүүлийн сард
  • 2223017 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар