Авлигаас урьдчилан сэргийлэх олон нийтийн хяналтын зөвлөл байгуулна

     УИХ-аас энэ сарын 3-нд “Авлигатай тэмцэх үндэсний хөтөлбөр”-ийг баталсан. Үүнтэй холбоотойгоор АТГ дээрх хөтөлбөрийг сурталчлах зорилгоор 7 баг байгуулж 21 аймагт ажиллаж байна.  

Тэгвэл тус газраас томилогдсон ажлын хэсэг энэ сарын 17-оос манай аймагт ажиллаж байна. Тэд аймгийн Гэмт хэргээс урьдчилан сэргийлэх ажлыг зохицуулах зөвлөл, төрийн албан хаагчид, хувийн хэвшлийн төлөөлөлд “Авлигатай тэмцэх үндэсний хөтөлбөр”-ийг танилцуулах юм. Мөн хөтөлбөрт туссаны дагуу ГХУСАЗЗ-ийн дэргэд Авлигаас урьдчилан сэргийлэх орон тооны бус олон нийтийн хяналтын дэд зөвлөлийг байгуулна. Уг зөвлөл гурван хүний бүрэлдэхүүнтэй ажиллана. Зөвлөлийн гишүүд нь эрх зүйч, санхүү нягтлан бодогч болон бусад чиглэлийн мэргэжилтэй байх ёстой ажээ. 

    “Авлигатай тэмцэх үндэсний хөтөлбөр” нь 8 бүлэг 11 зорилттой бөгөөд зургаан жилийн хугацаанд хоёр үе шатаар хэрэгжинэ. Төрийн албыг бэхжүүлэх, Төрийн үйлчилгээний хүртээмж, чанарыг сайжруулах, Төсөв санхүү, аудитын үйл ажиллагааг ил тод нээлттэй байлгах, Худалдан авах ажиллагааг ил тод, хариуцлагатай болгох, Шүүх эрх мэдлийн байгууллагыг улс төрийн нам, эвслээс хараат бус байлгах, Хувийн хэвшил, иргэний нийгмийн байгууллагуудыг авлигаас ангид байлгах, Улс төрийн түвшинд авлигагүй болох чиглэлээр зорилтуудаа тодорхойлсон гэж АТГ-ын ахлах комиссар Д.Дуламсүрэн хэллээ. 
 
Авлигаас урьдчилан сэргийлэх орон тооны бус олон нийтийн хяналтын дэд зөвлөл нь төрийн байгууллагын шийдвэр хуульд  нийцэж байгаа эсэх, худалдан авах ажиллагаа ил тод байгаа эсэх, ил тод нээлттэй байдлаа хангаж байгаа эсэх, албан тушаалтнууд хөрөнгө орлогын мэдүүлгээ үнэн зөв гаргаж байгаа эсэх зэрэг олон талын хяналтыг төрд тавьж ажиллах юм. 
Мэдээллийн төв 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2019-03-01 197
АВЛИГАТАЙ ТЭМЦЭХ ҮНДЭСНИЙ ХӨТӨЛБӨРИЙГ ХЭРЭГЖҮҮЛЭХ АЖЛЫН 2019 ОНЫ ТӨЛӨВЛӨГӨӨ

АВЛИГАТАЙ ТЭМЦЭХ ҮНДЭСНИЙ ХӨТӨЛБӨРИЙГ ХЭРЭГЖҮҮЛЭХ АЖЛЫН 2019 ОНЫ ТӨЛӨВЛӨГӨӨ

2019-06-12 116
ХУВИЙН АШИГ СОНИРХЛЫН УРЬДЧИЛСАН МЭДҮҮЛЭГ " ШТОРК"

ХУВИЙН АШИГ СОНИРХЛЫН УРЬДЧИЛСАН МЭДҮҮЛЭГ " ШТОРК"

2015-01-28 4470
АЙМАГ, НИЙСЛЭЛ, ДҮҮРГИЙН ЗАСАГ ДАРГЫН ТАМГЫН ГАЗРЫН 2014 ОНЫ АВЛИГЫН ЭСРЭГ ҮЙЛ АЖИЛЛАГААНД ХИЙСЭН ҮНЭЛГЭЭ

Авлигтай тэмцэх газрын захиалгаар нийгмийн бодлого, хөгжлийн судалгааны хүрээлэнгийн багш, судлаачид ...

Сурталчилгаа

 

 

Веб статистик

Таны IP хаяг: 3.226.243.10
2017-11-30-ний өдрөөс хойш.
  • 3 Онлайн
  • 176 Өнөөдөр
  • 832 Өчигдөр
  • 176 Долоо хоногт
  • 19559 Сүүлийн сард
  • 1755944 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  724

Facebook

Цаг агаар