Эрчим хүчний алдагдлыг бууруулах хоёр дахь шатны төсөл хэрэгжинэ

         Дэлхийн банкны Эрчим хүчний төслийн багийн удирдагчид Орхон аймагт ажиллалаа. Тэд  “Эрдэнэт Булганы ЦТС” ТӨХК-д хэрэгжүүлэх төслийн талаараа аймгийн ЗДТГ-ын удирдлагууд болон ард иргэдэд танилцууллаа. Дэлхийн банкны Эрчим хүчний 2 дугаар шатны төслийн хүрээнд “Эрдэнэт Булганы ЦТС” компанийн цахилгаан түгээх болон хангах үйл ажиллагаа явуулдаг Эрдэнэт хот, Булган, Архангай, Өвөрхангай аймгийн төв, Хархорин сумын цахилгаан хангамжийг сайжруулах ажил хийнэ. Тодруулбал, гэр хорооллын 0.4 кВ-ийн шугам сүлжээг төмөр бетон тулгуур, агаарын шугамын бүрээстэй утсаар шинэчилж ухаалаг тоолуур суурилуулах, 6-10 кВ-ын цахилгаан дамжуулах агаарын шугам, дэд станцыг өргөтгөх, шинэчлэх, шинээр барих, Эрдэнэт хотод 35\6-10 кВ-ын хоёр хос дэд станц барих ажээ.

           Эл төслийг хэрэгжүүлэхийн өмнө тухайн орон нутгийн ард иргэд, удирдлагуудтай уулзаж санал бодлыг нь сонсохын зэрэгцээ  нийгэм, байгаль орчинд нөлөөлөх сөрөг нөлөөллийг хэрхэн зохицуулах, барилгын ажлын явцад түүх, дурсгалын газар хөндөгдөж байгаа эсэх талаараа төслийн багийнхан мэдээлэлэл хийлээ.

 Энэ уулзалтын үеэр Орхон аймгийн ЗДТГ-ын Хотын захирагчийн албаны дарга Б.Батжаргал, “Өнгөрсөн дөрвөн жилд орон нутгаас 1 тэрбум төгрөгөөр цахилгааны хүчдэл нэмэгдүүлэх чиглэлээр ажил хийсэн. Энэ жил л гэхэд 200 сая төгрөг төсөвлөсөн. Гэтэл “Эрдэнэт Булганы ЦТС” ТӨХК эл асуудалд анхаарлаа хандуулахгүй байна” гэлээ. Үүний хариуд Эрчим хүчний яамны мэргэжилтэн хэлэхдээ, “Улсын хэмжээнд цахилгаанд холбогдоогүй 5000 өрх байна. Үүнийг тухайн орон нутгийн удирдлага болон манай яам хамтарч шийдэж байгаа. Өөрөөр хэлбэл, Эрчим хүчний яам шинэ суурьшлын бүс үүсэхэд цахилгаанаар хангах үүргээ биелүүлж ажиллаж байгаа” гэлээ.



Хэвлэл мэдээлэл, Олон нийттэй харилцах алба

 

 

.

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-03-06 2064
Дотрын тасгийн салбар эмнэлэг нээлтээ хийлээ

Гэр хорооллын иргэдэд эмнэлгийн үйлчилгээг ойртуулах зорилгоор Дэнж багт БОЭТ-ийн дотрын тасгийн ...

2015-04-27 953
Хот тохижуулах газрын хийж гүйцэтгэсэн ажлын 7 хоногийн мэдээ /2015.04.20-27/

1. Хог хаягдал тээвэрлэлт 2. Тохижилтын ажлын гүйцэтгэл 3. Зам талбайн үйлчилгээний ажил

2015-05-21 1136
Аймгийн Засаг дарга С.Дангаасүрэн багуудын үйл ажиллагаатай танилцлаа

Аймгийн Засаг дарга С.Дангаасүрэн долоо хоног бүрийн Мягмар, Баасан гарагуудад багуудын үйл ажиллагаатай ...

Сурталчилгаа

 

 

 

Веб статистик

Таны IP хаяг: 3.235.30.155
2017-11-30-ний өдрөөс хойш.
  • 14 Онлайн
  • 1670 Өнөөдөр
  • 4818 Өчигдөр
  • 11957 Долоо хоногт
  • 8088 Сүүлийн сард
  • 2217717 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар