Онцгой байдлын газраас 2016 оны 09-р сарын 12-нөөс 16-ны өдрүүдэд хийж хэрэгжүүлсэн ажлын мэдээлэл

Гамшиг осол, гал түймрийн дуудлага:
Өнгөрсөн 7 хоногт хариуцсан нутаг дэвсгэрийн хэмжээнд гал түймрийн 2 удаагийн дуудлагаар гал унтраах, аврах ангиуд гарч ажилласан.  Үүнд:
     2016 оны 09 дүгээр сарын 11-ний 23 цаг 39 минутад иргэн Эрдэнэсайхан 99550161 дугаарын утаснаас Оюут багийн 1а дугаар байрны сувилал тал руу харсан 2 давхрын тагт шатаж байна гэсэн дуудлагаар гал унтраах, аврах 56 дугаар ангийн 1 дүгээр тасаг очиход галын зөрчлийн дуудлага байв.
    2016 оны 09 дүгээр сарын 15-ны 16 цаг 50 минутад иргэн Эрдэнэбаяр 95107484 утсаар Согоот багийн 2 дугаар байрны 2 дугаар орцны 4 давхрын 00-н өрөөнөөс утаа гарч байна гэсэн дуудлагаар гал унтраах, аврах 56 дугаар ангийн 1 дүгээр тасаг очиж ажилласан байна.
   2016 .09.08.ны 14 цаг 30 минутад Онцгой байдлын газрын бэлтгэл бэлэн байдал хариуцсан ахлах мэргэжилтэн, онцгой байдлын хошууч Б.Эрдэнэбаяр гал унтраах, аврах 58 дүгээр ангийн бие бүрэлдэхүүнийг түргэн авч, “Ой хээрийн түймэрт хэрэглэх Аранзыг  шалган заавар зөвлөгөө өгч ажилласан.
Мөн аврагч тэмцээнд оролцох 13 ахуйн нэгж байгууллагын 14 багт техникийн зөвлөгөөнийг зохион байгуулан тэмцээний удирдамжийн дагуу мэдээлэл, үүрэг чиглэл өгч, тэмцээний бэлтгэл ажлыг хангуулан ажилласан.
Урьдчилан сэргийлэх хяналт шалгалт, бэлтгэл бэлэн байдлын талаар:
Шадар сайдын баталсан Цахилгаан эрчим хүч үйлдвэрлэгч, дамжуулагч, түгээгч байгууллагуудын галын аюулгүй байдлыг шалгах удирдамжийн дагуу Эрдэнэт Ус орон нутгийн өмчит ХК, “Цахилгаан дамжуулах үндэсний сүлжээ” ТӨХК-ний хангайн бүсийн салбарт гамшиг осол, галын аюулаас урьдчилан сэргийлэх үзлэг шалгалтыг зохион байгуулж ажиллав. Шалгалт үргэлжилнэ хийгдэнэ.
        Төлөвлөгөөт бус шалгалтаар 18 аж ахуй нэгж байгууллагад шалгалт хийж нийт 49 зөрчил илрүүлэн газар дээр нь 8 зөрчлийг арилгуулж бусад зөрчилд ГХУХБ-ын албан шаардлага бичиж хүргүүлэхээр ажиллаж байна.
Мэргэжлын хяналтын газрын Краны мэргэжилтэн Ядмаатай хамтран 2-25-р байрны хажууд баригдаж байгаа барилгын ажлын кранд үзлэг хийж шаардлагатай арга хэмжээг авахуулахаар ажиллаж байна.  
“Криетив Монголиа” ХХК-ний боловсруулсан “Ниман Девелопмент” ХХК-ний үйлчилгээний орон сууцны зураг, “Ачит-Ихт” ХХК-ний Захиргааны өргөтгөлийн зургийг хянаж дүгнэлт гаргав.
2016.09.10-ны өдөр Эрдэнэ баг 41-р гудамжны 2 тоотод хашаанд өвс шатсан галын хэргийг журмын дагуу шалгаж  иргэн У.Басбаярд 50,000 төгрөгийн торгуулийн арга хэмжээ авч шийдвэрлэсэн.
2016.09.11-ны өдөр Оюут багийн 2-1а дугаар байрны 43 тоотод тагтан дээр гарсан галын хэргийг журмын дагуу шалгаж  иргэн Д.Мөнхдийд 1,000 төгрөгийн торгуулийн арга хэмжээ авч шийдвэрлэсэн.
2016-09-15-ний өдөр Согоот баг 6-2 дугаар байрны 4 давхарт гарсан гал түймрийн хэргийг шалган шийдвэрлэхээр ажиллаж байна.
Шанд багт гарсан гал түймрийн хэргийг шалган шийдвэрлэж иргэн Мягмарсүрэнд 20,000 төгрөгийн захиргааны арга хэмжээ авсан
Сургалт сурталчилгааны чиглэлээр:
Онцгой байдлын ерөнхий газар, ДЗОУБ-тай хамтран хэрэгжүүлж буй  “Сургуулийн гамшгийн эрсдэлийг бууруулах, даван туулах чадавхийг бэхжүүлэх”, гамшгийн эрсдэлийг бууруулахад иргэд олон нийтийн оролцоог нэмэгдүүлэх ажлын хүрээнд ОБЕГ, ДЗОУБ-ын мэргэжилтэн ажилтан нартай хамтран ирсэн удирдамжийн дагуу 2016-09 сарын 12-ны өдрөөс 2016-09 сарын 16-ны өдрүүдэд сургалтын бэлтгэл ажлыг хангуулах 15 заалт төлөвлөгөө, 10 заалттай сургалтын хөтөлбөр, 5 асуудал бүхий үзүүлэх сургуулийн төлөвлөгөө, 3 асуудал дэвшүүлсэн цагийн байдлуудыг боловсруулан боловсруулалтын дагуу сургалтыг хугацаанд нь  зохион явууллаа.Сургалтын хөтөлбөрийн дагуу Гамшгийн аюулын дохиогоор зарлан мэдээлэх, аюулгүй зайд нүүлгэн шилжүүлэх дадлагад 3 сургуулийн 150 багш, 89 ажилтан, өсвөрийн аврагч бүлгийн 91 гишүүн, 2058 сурагч   нийт 2388 хүн хамрагдаж,    36  төрлийн багаж хэрэгсэл ашиглагдаж,  дадлагын үйл ажиллагааг ТВ-10, Номин, EBS, Тэнгэр ТВ  зэрэг 4 телевизээр мэдээлэл хийж ажилласан.Мөн 3 сургуулийн өсвөрийн аврагч бүлгийн хүүхдүүдийн дунд 3 төрлийн үзүүлэх сургуулийг гал унтраах, анхны тусламж үзүүлэх, нэрвэгдэгсдийг зөөвөрлөх зэрэг ур чадамжийн байдалд үнэлгээ хийх байдлаар зохион байгуулсан.
Бага ангийн 50 багшид Аюулгүй өрх сэдвээр 2 цагийн сургалт, 3 сургуулийн 1-5 дугаар бага ангийн 180 сурагчдад Аврагч мазаалайн зөвлөмжөөр 30 минутын сургалт, 3 сургуулийн гамшгаас хамгаалах орон тооны бус штабын 21 удирдах албан тушаалтанд 3 цагийн байдлаар ширээний дасгал ажлыг 1 цаг нийт 3 цаг 30 минутын сургалтыг мэргэжлийн 8хүний бүрэлдэхүүнтэй явуулсан. Сургалт ажлын хүрээнд ДЗОУБ-аас сургууль бүрт 120 ш, нийт 360ш  “Аюулгүй өрх” номыг үнэгүй тараан хүлээлгэн өглөө
      “Эрдэнэт үйлдвэр” ХХК-ний гэрээт гал унтраах, аврах 58 дугаар анги үйлдвэрийн Авто тээврийн байгууллагын засварын хэсэг, Дулааны цахилгаан станц, 1, 2 дугаар подъём зэрэг 4 объектод нийт 203 хүнийг хамруулан тархалтын сургуулийг гал түймэртэй тэмцэх чиглэлээр дадлагаар 2 цаг, танхимаар 2 цаг тус тус зохион  байгуулан явуулав.“Эрдэнэт үйлдвэр” ХХК-ний гэрээт Гал түймэр унтраах, аврах  58 дугаар ангийн санаачлагчаар үйлдвэрийн Хөдөлмөр хамгаалал эрүүл ахуйн хэлтэстэй хамтран 5 удаагаа зохион байгуулж буй  “Алтан бамбай” тэмцээнд “Эрдэнэт үйлдвэр” ХХК-ний 23 цех хэсгийн 23 баг, нийт 230 гишүүд хамрагдсан тэмцээн 2016.9.15-ны өдрөөс 2016.9.16-ны өдрийг хүртэлх 2 хоногийн хугацаанд тус ангийн сэтгэл зүйн полигонд өндрөөс өөрийгөө болон бусдыг аврах, хорт хий утаатай орчинд багтай эрэл хайгуул хийх, авто тээврийн ослоос нэрвэгсдэдийг аврах, нургинд ажиллах, эмнэлгийн анхан шатны тусламж үзүүлэх зэрэг 5 төрлөөр амжилттай зохион байгуулав.
 


ОНЦГОЙ БАЙДЛЫН ГАЗАР


 

 

Холбоотой мэдээлэл

2018-05-29 2333
ISO 9001:2016 стандартаар анхдагч үнэлгээ хийлээ.

Стандарт хэмжил зүйн газрын даргын тушаалаар Од-Дөл ХХК-ийн үйл ажиллагаандаа

2017-05-16 3193
БҮХ НИЙТИЙН ЦЭВЭРЛЭГЭЭНД ИДЭВХИТЭЙ ОРОЛЦОХЫГ УРИАЛЖ БАЙНА

Аймгийн Засаг даргын 2017 оны 5 сарын 10-ны өдрийн 01 тоот албан даалгавар гарсантай холбогдуулан 2017 ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.203.18.65
2021-01-03-ний өдрөөс хойш.
  • 13 Онлайн
  • 288 Өнөөдөр
  • 874 Өчигдөр
  • 288 Долоо хоногт
  • 30508 Сүүлийн сард
  • 6525894 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1085

Facebook

Цаг агаар