Орхон аймаг ОХУ-ын Буриад Улстай хөдөө аж ахуйн салбарт хамтран ажиллана

         ОХУ-ын Буриад Улсын Улан-Үдэ хотын дарга Александр Михайлович Голковын урилгаар аймгийн ИТХ-ын дарга П.Пүрэвлхагва, аймгийн  Засаг дарга Д.Батлут нар энэ сарын нэгнээс дөрөвний хооронд тус хотод айлчлаад ирлээ. Эдгээр өдрүүдэд Улан-Үдэ хотын  түүхт 350 жилийн ой тохиосон юм.  Албан ёсны эл айлчлал орон нутгийн удирдлагуудын гадаад дахь анхны айлчлал юм.
Орхон аймаг нь Буриад Улсын Улан-Үдэ хоттой 2001 онд ах, дүүгийн харилцаа тогтоож спорт, соёл урлаг, эрүүл мэнд, боловсролын салбарт хамтран ажилласаар ирсэн юм. Түүнчлэн Монгол Улс нь ОХУ- руу визгүй зорчих болсонтой холбоотойгоор аялал, жуулчлалын салбар сүүлийн жилүүдэд түлхүү хөгжиж хамтын ажиллагаа улам өргөжсөн ажээ.


      Улан-Үдэ хотын 350 жилийн ойн баярын арга хэмжээнд  БНХАУ, БНСУ, Япон улсын төрийн удирдлагууд болон ОХУ-ын 10 гаруй хотын дарга нар,  Улаанбаатар хотын дарга С.Батболд, Орхон, Дархан-Уул аймгийн удирдлагууд урилгаар оролцсон нь төрийн өндөр дээд хэмжээний уулзалт болж байна гэж тус хотын дарга А.М.Гольков онцолж байв. 


       Түүнчлэн ах, дүүгийн харилцаатай хотуудын  хамтын ажиллагааг улам өргөжүүлэхэд энэ удаагийн уулзалт онцгой ач холбогдолтой боллоо хэмээн Улан-Үдэ хотын дарга А.М.Гольков тодотгосон юм. Ойн баярын үеэр аймгийн удирдлагууд Буриад улсын Боловсролын дэд сайдтай уулзаж Орос 19 дүгээр сургууль болон цэцэрлэгийн цаашдын хамтын ажиллагааг бататгах талаар ярилцлаа. Мөн хөдөө аж ахуй, эдийн засгийн салбарт хамтрах, Орхон аймагт Улан-Үдэ хотын нэрэмжит “Худалдааны гудамж” байгуулах зэрэг хэд, хэдэн санал гарчээ.  Ойн баярын үеэр Улан-Үдэ хотын дарга А.М.Гольков 110 жилийн түүхтэй 65 дугаар сургуулийнхаа үйл ажиллагааг танилцуулсан юм.



Хэвлэл мэдээлэл, Олон нийттэй харилцах алба



 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-06-15 1116
"Нутгийн удирдлагын манлайллыг хангах нь" сургалт зохион байгуулагдаж байна

Засаг захиргаа, нутаг дэвсгэрийн үндсэн нэгж болох сумдын нутгийн өөрөө удирдах болон захиргааны ...

2015-09-28 1237
XXV ХУРАЛДААНААР 4 АСУУДАЛ ХЭЛЭЛЦЭНЭ

Аймгийн ИТХ-ын Тэргүүлэгчид өнөөдөр хуралдаж үндсэн 6 асуудал хэлэлцлээ.

Сурталчилгаа

 

 

 

Веб статистик

Таны IP хаяг: 34.231.21.123
2017-11-30-ний өдрөөс хойш.
  • 30 Онлайн
  • 1104 Өнөөдөр
  • 1898 Өчигдөр
  • 3002 Долоо хоногт
  • 19227 Сүүлийн сард
  • 1842176 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  731

Facebook

Цаг агаар