Хөдөлмөр эрхлэлтийн үйлчилгээ үзүүлэх байгууллагад тавих шаардлага MNS 6620 : 2016 стандартын танилцуулга

          Өнөөдрийн байдлаар аймаг, нийслэл, дүүргийн 31 хөдөлмөр эрхлэлтийн байгууллага, нийт сум, хорооны 41.3 хувьд буюу 206 хөдөлмөр эрхлэлтийн ажилтан /алба / ажиллаж, Хөдөлмөр эрхлэлтийг дэмжих тухай хуулийн 27.1 дэх заалтын хүрээнд хөдөлмөр эрхлэлтийн дараах нийтлэг үйлчилгээг үнэ төлбөргүй үзүүлж байна. Үүнд:

1. Ажил, мэргэжлийн чиг баримжаа олгох, зөвлөгөө өгөх, мэдээллээр хангах
2. Ажилд зуучлах
3. Ажилгүйдлийн тэтгэмж олгох
4. Нэгдсэн бүртгэл, мэдээллийн үйлчилгээнд хамруулах
5. Бусад

          Эдгээр үйлчилгээг Хөдөлмөр эрхлэлтийг дэмжих тухай хуулиар ажил хайгч, ажилгүйдэлд өртөж болзошгүй иргэн, ажил олоход хүндрэлтэй иргэн, ажил олгогчид үзүүлнэ гэж, мөн хуулийн 4.1 дэх заалтаар хөдөлмөр эрхлэлтийг дэмжих үйл ажиллагаанд иргэнийг үндэс, угсаа, хэл, арьсны өнгө, нас, хүйс, эрүүл мэндийн байдал, хөрөнгө чинээ, боловсрол, нийгмийн гарал, байдал, шашин шүтлэг, үзэл бодлоор үл ялгаварлах, хөдөлмөр эрхлэлтийн нийтлэг үйлчилгээ нь адил тэгш, нээлттэй, ил тод байх, иргэн сайн дурын үндсэн дээр хөдөлмөр эрхлэлтэд хамрагдах зэрэг үндсэн зарчмуудыг тодорхойлсон байдаг.
Монгол Улсын шинээр нэгдэн орсон “Хөдөлмөр эрхлэлтийн хувийн байгууллагын тухай” Олон улсын хөдөлмөрийн 181 дүгээр Конвенцийн агуулгад нийцүүлж, хөдөлмөрийн зах зээлийн хөгжил, дэвшилтэй уялдан нэгэнт бий болоод байгаа хөдөлмөр эрхлэлтийн хувийн байгууллагуудын үйл ажиллагааны олон чиглэлийг эрх зүйн нэгдсэн зохицуулалтад оруулах, улмаар төр, олон нийтийн хяналтыг сайжруулж, үйлчлүүлэгчийн эрх ашгийг хамгаалах тогтолцоог боловсронгуй болгох зорилгоор хөдөлмөр эрхлэлтийн нийтлэг үйлчилгээний стандартыг боловсруулсан байна.
Хөдөлмөр эрхлэлтийн үйлчилгээ үзүүлэх байгууллагад тавих шаардлага MNS 6620 : 2016 стандарт нь хөдөлмөр эрхлэлтийн нийтлэг үйлчилгээ үзүүлдэг хөдөлмөрийн байгууллагын үйлчилгээний ажилтан, албан хаагчдаас Монгол улсын хууль тогтоомж, төрийн албаны зарчим, ёс зүйн хэм хэмжээг сахин биелүүлж, ажлын байранд ажил хэрэгч уур амьсгал бүрдүүлэх, үйлчилгээний чанарыг сайжруулах, байгууллагын стратегийн зорилтыг хангах зорилготой юм.



                                           ОРХОН АЙМГИЙН  СТАНДАРТЧИЛАЛ ХЭМЖИЛЗҮЙН ХЭЛТСИЙН

                                              СТАНДАРТЫН МЭДЭЭЛЭЛ ЛАВЛАГААНЫ САЛБАР САН.

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-05-21 1079
Хууль зүйн хэлтсийн 14 хоногийн ажлын мэдээ

Аймгийн Гэмт Хэргээс Урьдчилан Сэргийлэх Ажлыг Зохицуулах Зөвлөлөөс зохион байгуулсан “Гэмт хэргээс ...

2016-05-17 1739
Улаанбурхан өвчинтэй тэмцэх, урьдчилан сэргийлэх вакцин хийгдэж байна

Аймгийн Засаг даргын 05 дугаар сарын 10-ны өдрийн А/272 дугаар захирамжаар Улаанбурхан өвчинтэй тэмцэх, ...

2014-06-29 1202
ҮЙЛДВЭР, ХӨДӨӨ АЖ АХУЙН ГАЗРЫН ДОЛОО ХОНОГИЙН МЭДЭЭ /2014.06.23-27/

Энэ онд аймгийн хэмжээнд 2014 онд 4610.9 га-д тариалалт хийхээс 4690.7 га талбайд 17 аж ахуйн нэгж, ...

Сурталчилгаа

 

 

 

Веб статистик

Таны IP хаяг: 34.204.178.160
2017-11-30-ний өдрөөс хойш.
  • 23 Онлайн
  • 846 Өнөөдөр
  • 1600 Өчигдөр
  • 6315 Долоо хоногт
  • 2446 Сүүлийн сард
  • 2212075 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  755

Facebook

Цаг агаар