“Эко хороолол”-ын гадна хашааг нээж хэд, хэдэн газарт гарц нээхээр болов

           Аймгийн Засаг даргын орлогч А.Түвшинжаргалаар ахлуулсан ажлын хэсэг Цагаанчулуут багт байрлах “Эко хороолол” –ын өнөөгийн байдалтай танилцлаа. Учир нь иргэд уг хороололтой холбоотой олон гомдол, шүүмжлэлийг аймгийн удирдлагуудад уламжилжээ. Үүний дагуу ГХБХБГ, ХЗА, ОБГ зэрэг холбогдох байгууллагын дарга, мэргэжилтнүүдтэй очиж бодит байдалтай нь танилцсан юм.


        2012 оноос баригдсан эл хороололд 200 айлын хаус баригдахаас  өнөөдрийн байдлаар 50 айл байна. Дээрх айлууд газрын гэрчилгээгээ өмчилж авсанаас бус үл хөдлөх хөрөнгийн гэрчилгээгээ авч чадаагүй байна. Мөн Эко хорооллын гадна хашаа иргэдийг зорчиход  саад учруулж байна.

      

         Түүнчлэн, уг хороололд амьдардаг иргэдийн хаягжилт, бүртгэлийн асуудал орхигдож байгаа тул түүнд амьдарч буй хүүхдүүд сургууль цэцэрлэгт хамрагдах боломжгүй болоод байна. Үүнээс гадна барилгын халаалт, цахилгаан байнга доголддог гэж оршин суугчид нь хэлж байна. Энэ мэтчилэн тулгамдаж буй олон асуудал байгаа бөгөөд үүнийг шийдвэрлэх, гарах арга замын талаар аймгийн удирдлагууд санал солилцож юуны өмнө гаднаа хашааг сэтэлж авто машин болон явган зорчигч зорчих гарц нээхийг “Монгол Дайван” ХХК-ийн  барилга хариуцсан инженер С.Ганбаярт даалгалаа. Мөн компанийнхаа удирдлагуудыг уулзуулахыг үүрэг болгов. “Эко хороолол” дахь авто замыг орон нутгийн хөрөнгөөр барьсан атал түүнийг хашиж иргэдийн зорчих хөдөлгөөнд саад учруулж байгааг аймгийн удирдлагууд шүүмжилж яаралтай гарц нээ гэв. Гарц нээхдээ, үерийн суваг шуудуу байгуулах асуудлыг давхар шийдэж үүнд холбогдох байгууллагууд хяналт тавихыг Засаг даргын орлогч А.Түвшинжаргал анхаарууллаа.
Энэ үеэр тус хорооллын оршин суугчид 14 сая төгрөгийн өртөг бүхий  авто гаражийн барилгыг чанаргүй хийгдэж байгаад гомдол мэдүүлж байлаа. Энэ мэтчилэн тус хороололтой холбоотой санал, гомдол орон нутгийн удирдлагуудад байнга ирдэг тул юуны өмнө “Монгол Дайван” ХХК-ийн дарга нарыг яаралтай уулзуулах хэрэгтэй гэлээ.


                                   Хэвлэл мэдээлэл, олон нийттэй харилцах алба
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-11-26 528
ИРГЭНИЙ АНДГАЙ ӨРГӨХ ЁСЛОЛ БОЛЛОО

1924 оны 11 дүгээр сарын 26-ны өдөр Монгол улс анхдугаар Үндсэн хуулиа баталж, Хаант засгаас Бүгд найрамдах ...

2014-05-04 1203
Үйлдвэр, хөдөө аж ахуйн газрын долоо хоногийн мэдээ /2014.04.28-05.02/

59731 толгой эх мал төллөж, 60107 толгой мал бойжиж байгаа бөгөөд 9 ботго, 324 унага, 2856 тугал, ...

2016-10-19 2905
Засаг даргын шийдвэрээр 20 гаруй өрхийн амьдрах орчин нөхцөл нь сайжирчээ

нгөрсөн сарын 16-нд аймгийн Засаг дарга Д.Батлут Баянцагаан багийн “Бранк 1” байрны оршин суугчдын хүсэлтийн ...

Сурталчилгаа

 

 

 

Веб статистик

Таны IP хаяг: 3.233.220.21
2017-11-30-ний өдрөөс хойш.
  • 21 Онлайн
  • 104 Өнөөдөр
  • 1939 Өчигдөр
  • 2043 Долоо хоногт
  • 15602 Сүүлийн сард
  • 2225231 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  756

Facebook

Цаг агаар